Morgunn - 01.12.1982, Page 53
SRFH FIMMTÁN ÁRA
155
Guðmundur Einarsson og Guðlaug Elísa Kristinsdóttir.
Afmælisins í maí var minnst þannig, að Eiríkur Pálsson
flutti ágrip af sögu félagsins. Guðlaug Elísa Kristinsdóttir
spilaði upptöku af fundi hjá Hafsteini Björnssyni. Stutt
ávörp og heillaóskir fluttu: Guðm. Einarsson, forseti SRFl,
séra Sigurður Haukur Guðjónsson og Ævar R. Kvaran.
Soffía Sigurðardóttir, sem setið hefur í stjórninni frá
byrjun, færði félaginu að gjöf áletraða borðfánastöng til
minningar um Hafstein Björnsson.
Eftirfarandi aðilar fengu afhenta fána félagsins sem
viðurkenningu fyrir ómetanleg störf í þágu þess:
Guðlaug Elísa Kristinsdóttir, f.h. eiginmanns síns, Haf-
steins Björnssonar, Guðmundur Einarsson, Guðmundur
Jörundsson, séra Sigurður Haukur Guðjónsson og Ævar
R. Kvaran.
Áður hafði Eiríki Páissyni verið veitt slík viðurkenning.
Merki SRFH hafði Guðlaug teiknað og gefið féiaginu
30 borðfána með merki þess, til minningar um eiginmann
sinn, Hafstein Björnsson.
Félagskonur stóðu að frábærum kaffiveitingum í lok
fundarins. Húsfyllir var á fundinum.