Saga - 1962, Qupperneq 62

402
EINAR BJARNASON
Flateyjarannáll segir nákvæmar frá þessum atburði við
sama ár og telur upp ýmsa menn, sem að voru. Hann telur
hina 2 vegnu menn hafa verið úr liði Björns, en alla aðra
menn hans lamda og hann sjálfan einnig. Þórður er sagð-
ur hafa verið í húsum inni, meðan bardaginn stóð, og ekki
hafa komið út fyrr en Björn var í kirkju kominn með
menn sína. Þórður bauð Birni þá út, en hann vildi eigi, og
var í kirkjunni „um nóttina og nokkuð fram á föstudag-
inn“. Sigurður bóndi Kollsson tók þá milli þeirra „mán-
aðar dag“, og fór Björn þá inn til Mýra og eftir það heim
til Vatnsfjarðar. Enn segir Flateyjarannáll: „Björn sat
heima í Vatnsfirði og fjölgaði ekki sinn flokk. Reið hann
norður um land um veturinn fyrir föstu og síðan suður
um land og kom svo undir sig flestum hinum beztu mönn-
um á landinu."
Gottskálksannáll segir við árið 1394: „Sætt þeirra Þórð-
ar Sigmundssonar og Bjarnar Einarssonar einni nótt fyrir
Lafranzvöku. Varð þar Þórður útlægur og vij menn
aðrir.“ x)
Flateyjarannáll segir miklu nákvæmar frá þessum at-
burðum: „Reið Björn Einarsson vestur yfir Glámu mið-
vikudaginn eftir Þorláksmessu og með honum Vigfús
Ivarsson hirðstjóri, Þorsteinn Eyjólfsson lögmaður“ etc.,
og eru fleiri kunnir menn taldir, „ . . . og nær níu tigum
manns og flestir allir tygjaðir pansurum, járnhöttum og
vopnhönskum“. Hirðstjóri stefndi Þórði og mönnum hans
til Mosvalla fyrir sig og lögmann næsta fimmtudag og
föstudag um vígamál. Þórður kom þangað og með honum
nær fimm tigum manna, tuttugu af þeim tygjaðir. Meðal
nafngreindra manna úr liði Þórðar voru nokkrir kunnir
menn, þ. á m. Þórður kollur Sigurðsson, sem tók dag
hirðstjóra og Birni fyrir Þórð og hans menn. Björn og
Þórður sættust og skyldi Björn einn gera á milli þeirra.
en hann kaus að fá til þess aðra og nefndi til hirðstjóra
1) G. Storm: Isl. Ann., 421—22, 368.