SunnudagsMogginn - 02.05.2010, Blaðsíða 8

8 2. maí 2010
Á
tti Benazir heitin Bhutto, fyrrverandi
forsætisráðherra Pakistans, þátt í dauða
tveggja bræðra sinna, Murtaza og
Shahnawaz? Þessi spurning brennur nú
á allra vörum þar eystra en dóttir Murtaza, Fatima
Bhutto, gerir þessu skóna í endurminningum sín-
um, Söngvar blóðs og sverðs, sem út komu á dög-
unum.
Bókin hefur vakið hörð viðbrögð í Pakistan, ekki
síst meðal ættingja hinnar 27 ára gömlu Fatimu
Bhutto, sem saka hana um að draga minningu
frænku sinnar niður í svaðið með tilhæfulausum
ásökunum. Sem kunnugt er féll Benazir Bhutto
fyrir morðingja hendi árið 2007.
Bræðurnir voru báðir myrtir. Shahnawaz var
byrlað eitur í Suður-Frakklandi árið 1985 og Mur-
taza skotinn til bana af lögreglu fyrir utan heimili
sitt í Karachi árið 1996. Að sögn Fatimu voru bæði
vígin að undirlagi Benazir. „Þetta var hneyksli,“
skrifar hún í bókinni.
Einsýnt þykir að deilurnar innan Bhutto-
fjölskyldunnar færist nú milli kynslóða en upphaf
þeirra má rekja meira en þrjá áratugi aftur í tím-
ann. Benazir og Murtaza töluðust ekki við þegar
hann var ráðinn af dögum en hann var mjög gagn-
rýninn á stjórnarhætti systur sinnar. Hvorki Asif
Ali Zardari, forseti Pakistans og ekkill Benazir
Bhutto, né börn þeirra hafa viljað tjá sig um bókina
og fárið sem henni hefur fylgt en elsti sonurinn,
Bilawal, sem almennt er álitinn krónprins ætt-
arinnar, leggur nú stund á háskólanám í Uxafurð-
um.
Eina eftirlifandi systkini Benazir Bhutto, Sanam,
sem búsett er í Lundúnum, hefur heldur ekki tjáð
sig um bókina en í samtali við sjónvarpsstöðina
Geo fyrir hálfu öðru ári staðfesti hún að innihald
bókarinnar, sem þegar hafði flogið fyrir, ylli sér
mikilli hryggð. „Ég get ekki lýst því hversu mikl-
um kvölum þetta veldur mér. Hún [Fatima] virðist
afar reið og ég skil ekki hvers vegna.“
Í vikunni rufu ættingjar loks þögnina. „Þetta er
ekkert annað en sögufölsun,“ sagði náinn ættingi,
Tariq Islam. „Ég vil ekki efna til illinda í fjölskyld-
unni og Fatima er frænka mín þannig að ég ann
henni en þessi bók er morandi í villum. Hún notar
ónákvæmar frásagnir til að styðja við sína eigin út-
gáfu af gangi mála.“
Óupplýst morð
Morðið á Murtaza Bhutto hefur aldrei verið upplýst
en gagnrýnendur liggja Fatimu á hálsi fyrir að virða
að vettugi upplýsingar sem eru málstað hennar í
óhag. „Frásögnin er augljóslega einhliða,“ segir
Mahir Ali, blaðamaður á Dagrenningu, stærsta
dagblaðinu í Pakistan sem skrifað er á ensku. „Það
sem hún skrifar um föður sinn er hjartnæmt en
menn ættu hvorki að líta á það sem sagnfræði né
alvöru pólitíska greiningu á nýliðnum atburðum.“
Lögreglumaður sem nafngreindur er í bókinni
segir mikið ósamræmi í frásögn Fatimu og hyggst
leita réttar síns.
Fatima hefur líka verið gagnrýnd fyrir að reyna
að klóra yfir hlutverk föður síns í byltingarsam-
tökunum Al Zulfikar sem mistókst að steypa her-
stjórninni í Pakistan af stóli á sínum tíma.
Tilraun Fatimu til að bendla frænku sína við
morðið á Shahnawaz þykir enn langsóttari en þær
vangaveltur byggir hún á samtali við franskan lög-
mann sem kom að málinu á sínum tíma. „Það er
ekkert vit í þessum pælingum,“ segir Mahir Ali.
Lét Bhutto bana
bræðrum sínum?
Frænka Benazir Bhutto ber
hana þungum sökum í bók
Vikuspegill
Orri Páll Ormarsson orri@mbl.is
’
Vegurinn til réttlætis er
langur og strangur,“ sagði
hún í samtali við breska rík-
isútvarpið, BBC, og í Twitter-
færslu lét hún þess getið að góðu
fréttirnar væru þær að heima í
Pakistan hötuðu allir hana ennþá.
Fatima Bhutto er í kynningarferð í
Bretlandi þessa dagana og les upp úr
bókinni fyrir smekkfullum húsum.
Hvernig má efla útflutning og sókn á nýja markaði? Hvaða
stuðningur er í boði fyrir íslensk útflutningsfyrirtæki og hvernig
má auka samkeppnishæfni þeirra? Á hvaða hátt styður
fjármálamarkaður við útflutning og gjaldeyrissköpun?
Á útflutningsþingi 2010 koma saman stjórnendur fjölbreyttra
útflutningsfyrirtækja. Þau munu miðla af reynslu sinni, rýna í
framtíðina og greina tækifæri.
Á Útflutningsþingi færðu:
• Greiningu á stöðu og horfum fyrir íslensk útflutningsfyrirtæki
• Reynslusögur leiðandi útflutningsfyrirtækja
• Ábendingar um leiðir til að ná árangri á erlendum mörkuðum
• Umfjöllun um hlutverk fjármálafyrirtækja í útflutningsgreinum
• Yfirlit yfir stuðningsumhverfi útflutningsfyrirtækja
• Framtíðarsýn leiðtoga í íslensku atvinnulífi
Skráning fer fram á www.utflutningsrad.is eða hjá
utflutningsrad@utflutningsrad.is, eða í síma 511 4000.
Þátttökugjald er 3.000 kr. og greiðist við innganginn.
Sóknarfæri
í útflutningi
Hilton Reykjavík Nordica,
fimmtudaginn 6. maí 2010
kl. 8.30-13.00
Útflutningsþing 2010