SunnudagsMogginn - 02.05.2010, Page 41

2. maí 2010 41
Rósmarínið gefur óvænt bragð í múffurnar.
Í þessari uppskrift Steinars að súkkulaðimúffum er
óvenjulega mikið súkkulaði. Rósmarínið gefur
óvænt bragð sem fer mjög vel við dökkt súkkulaðið.
Múffurnar eru ekki blautar í miðjunni en mjög
mjúkar og ljúffengar með kaffi eða jafnvel sem eft-
irréttur.
125 ml mjólk
ferskt rósmarín
90 g púðursykur
40 g smjör
1 egg, skilja að eggjarauðu og eggjahvítu
90 g hveiti sigtað
1/2 tsk lyftiduft
1/2 tsk matarsódi
örlítið af salti
1/2 tsk vanilluextrakt
150 gr. dökkt gæðasúkkulaði
Setjið mjólk í skaftpott ásamt 1–2 rósmaríngrein-
um og hitið að suðu. Fylgist vel með rjómanum.
Þegar hann er alveg að fara að sjóða og loftbólur fara
að myndast, takið þá pottinn af hellunni. Látið
standa og ná stofuhita, hellið svo í skál, setjið plast-
filmu yfir og geymið í ísskáp í að minnsta kosti 6
tíma, helst í sólarhring.
Hitið ofninn í 190°C. Setjið miðlungsstór papp-
írsform í muffinsbakka. Ef þið eigið ekki slíkan setj-
ið þá þrjú pappírsform saman. Bræðið súkkulaðið í
vatnsbaði. Leyfið því að að kólna aðeins. Þeytið
saman smjörið og sykurinn í hrærivél eða með
handþeytara í 3 til 5 mínútur þar til blandan verður
mjúk. Þeytið í annarri skál eggjarauðuna, blandið út
í smjörblönduna og hrærið í smástund. Setjið svo
súkkulaðið út í og hrærið. Í annarri skál setjið saman
hveiti, lyftiduft, matarsóda og salt. Setjið mjólkina
ásamt vanilluextraktinum í mælikönnu. Setjið
þriðjung af hveitiblöndunni í súkkulaðiblönduna.
Því næst þriðjung af mjólkinni. Endurtakið þar til
múffuhráefnin eru komin saman.
Í annarri skál: þeytið eggjahvíturnar þar til mjúkir
toppar byrja að myndast. Blandið varlega saman við
deigið. Skóflið deiginu varlega ofan í formin og bak-
ið í ofninum í 20-25 mín. Ef þið stingið tannstöngli
eða prjóni í múffurnar og þeir koma hreinir upp eru
þær tilbúnar. Takið múffurnar úr ofninum og látið
þær standa í bakkanum í 10 mínútur. Takið þær úr
bakkanum og kælið á grind
Rósmarín-
súkkulaði-
múffur
Þ
að er eiginlega ekki
hægt að skilja upp né
niður í vínum án þess
að gera sér grein fyrir
vínsvæðum og vínstílum
Frakklands. Þótt Frakkar séu
ekki endilega helstu frum-
kvöðlar vínheimsins í dag þá
verður ekki hjá þeirri stað-
reynd litið að vínstílar Frakk-
lands hafa haft og hafa mótandi
áhrif á nær öll betri vín heims-
ins í dag.
Nær öll bestu vínhús heims-
ins, hvort sem er í Kaliforníu,
Toskana, Ástralíu eða á Spáni,
sækja á einhvern
hátt innblástur til
þess hvernig vín-
gerð hefur þróast í
Frakklandi.
Hvort sem það
er með því að nota
frönsku þrúgurnar
Cabernet Sauvig-
non, Syrah eða
Chardonnay eða þá
aðferðir Bordeaux
og Bourgogne við
tunnugerjun og
geymslu vína.
Segja má að þrjú
frönsk héruð hafi verið stefnu-
markandi í gerð rauðra vína,
þrjú í gerð hvítra vína og eitt í
framleiðslu freyðivína.
Rauðu héruðin eru Bordeaux,
Bourgogne og Rhone. Yfir flest
önnur vín í heimi gnæfa ris-
arnir frá Médoc í Bordeaux.
Stórkostleg rauðvín framleidd
úr þrúgunum Cabernet Sauvig-
non, Merlot, Cabernet Franc og
stundum Malbec og jafnvel Pe-
tit Verdot eða Carmenere. Vín-
in frá Bordeaux eiga engan sinn
líka þegar best lætur og nær öll
bestu vín, t.d. Napa, eru í stöð-
ugri samkeppni við að ná sömu
hæðum.
Stærstu nöfnin í Bordeaux
eru Chateau Latour, Mouton-
Rothschild, Lafite-Rothschild,
Pétrus og Haut-Brion en tugir
annarra vínhúsa eru einnig í
hópi eftirsóttustu vína heims.
Megnið af framleiðslu Bordeaux
(sem er svona álíka mikil og öll
vínframleiðsla Ástralíu) er hins
vegar ódýr og einföld vín.
Rhone, suður af borginni
Lyon, er annað helsta rauð-
vínshérað Frakka, en þar eru
þrúgurnar Syrah, Grenache,
Cinsault og Mourvedre algeng-
astar. Þekktust eru vínin frá
Cote-Rotie, Chateauneuf-du-
Pape og Hermitage. Rhone hef-
ur verið fyrirmynd að vínum
úr Syrah, en ekki síst Ástralir
hafa verið framsæknir í ræktun
hennar þótt t.d. Chile sé einnig
farið að færa sig upp á skaftið.
Þriðja mikilvæga svæðið er
svo Bourgogne þar sem ein-
ungis ein þrúga er notuð, Pinot
Noir. Hvergi hafa menn gengið
jafnlangt í að kortleggja ekrur
niður í minnstu svæði til að
finna bestu reitina og í Bour-
gogne og bestu
rauðvín Bour-
gogne standast
bestu vínum
Bordeaux
fyllilega snún-
ing.
Bourgogne
er svo einnig
leiðandi í
heiminum í
hvítum vínum. Segja má að
stílarnir séu í megindráttum
tveir en þrúgan ein. Hún heitir
Chardonnay og er þekktasta
hvítvínsþrúga veraldar. Bour-
gogne-stílarnir eru alltaf fyr-
irmyndin. Annað hvort eru
menn að gera fersk og stílhrein
vín á borð við þau í Chablis eða
þá þykk og eikuð líkt og til
dæmis í þorpunum Puligny og
Beaune, en þekktust allra er
ekran Montrachet.
Annað hvítvínshérað sem
miklu máli skiptir er Loire.
Þótt Loire-vínin séu ekki mjög
þekkt alþjóðlega að þorpunum
Sancerre og Pouilly und-
anskildum er þrúga héraðsins
Sauvignon Blanc önnur þekkt-
asta vínþrúga heims.
Þriðja þekktasta hvítvíns-
svæði Frakka er svo Alsace í
norðurhlutanum. Þar eru vínin
nefnd eftir þrúgunum en þær
helstu eru Riesling, Pinot Gris,
Pinot Blanc og Gewurztram-
iner. Alsace er talið framleiða
einhver bestu matarhvítvín
heims og eru þau fyrirmynd
víngerðarmanna um allan
heim.
Það ætti svo engum að koma
á óvart að freyðivínsframleið-
endur hvar sem er í veröldinni
horfa með öfundaraugum til
Champagne í Norður-
Frakklandi við borgina Reims
en hvergi annars staðar eru
gerð betri freyðivín og þau einu
sem mega kalla sig kampavín.
Auðvitað eru mörg önnur
góð svæði í Frakklandi og má
þar nefna Miðjarðarhafssvæðin
í Languedoc-Roussillon sem
dæmi. Hvar sem komið er í
Frakklandi eru ræktuð góð vín.
Þau svæði sem hér hafa verið
nefnd hafa hins vegar náð því
að vera alþjóðlegir „trendset-
ters“.
Næst: Ítalía.
Steingrímur Sigurgeirsson
Vín 101. Sjötti þáttur
Franska fyrir-
myndin
Steingrímur
Sigurgeirsson
konar hugmyndum, uppskriftum og
vangaveltum um þetta þema.“
Hann segir drjúgan tíma fara í bloggið
og Meistaramúffurnar. „En mér finnst
þetta aldrei vera nein kvöð. Vinnan við
þetta er bara ánægjuleg af því að þetta er
ástríða. Maður bakar alltaf og bloggar
sáttur.“
Hvað varðar frekari framhald á
bakstrinum segir Steinar aldrei að vita
hvað framtíðin ber í skauti sér. „Ég er
frekar rólegur yfir þessu og sé bara hvað
verður. Maður er með ákveðnar hug-
myndir sem væri gaman að hrinda í
framkvæmd en ég hef það bara á bak við
eyrað. Og ef tækifærið gefst er aldrei að
vita nema maður kýli á það.“
Morgunblaðið/Kristinn
’
Múffurnar
eru amer-
ískar að upp-
runa og Banda-
ríkjamenn borða
þær mikið á
morgnana, nema
þá eru þær ekki
eins sætar og ann-
ars. Á móti eru þeir
með svokallaðar
„cupcakes“, sem
er í rauninni múffa
með kremi á.