SunnudagsMogginn - 10.10.2010, Síða 17

10. október 2010 17
WWW.EBK.DK
Á þessum fundi þar sem hægt er að fá einkaviðtöl getum við skýrt þér frá þeim byggingarmöguleikum
sem í boði eru fyrir þig miðað við húsin okkar, byggingaraðferðir og afgreiðsluskilyrði við að reisa hús á
Íslandi. Gerum tilboð samkvæmt ykkar hugmyndum og óskum.
Skráning í einkaviðtal á www.ebk.dk eða beint hjá söluráðgjafa:
Anders Ingemann Jensen - farsími nr. +45 40 20 32 38 – netfang: aj@ebk.dk
Söluráðgjafar eru dönsku- og enskutalandi.
Vinsamlegast virðið tímaskráningu.
EBK Huse A/S hefur meira en 30 ára reynslu af því að byggja og reisa sumarbústaði úr tré.
Þekkt dönsk gæðahönnun. EBK Huse er meðal leiðandi fyrirtækja á markaðinum, með
4 útibú í Danmörku og 4 útibú í Þýskalandi. Höfum einnig margra ára reynslu af
sumarhúsbyggingum á Íslandi, Þýskalandi og Færeyjum.
EBK Huse A/S býður hér með til byggingarfundar
11. – 12. október 2010 í Reykjavík.
ROSKILDE: +45 32 52 46 54, Lykkegårdsvej 7, DK-4000 Roskilde
Mán.- mið. og lau. 13-17, Sun. og helgidaga 11-17
1
0
2
5
1
Ert þú í byggingarhugleiðingum?
DANSKIR GÆÐASUMARBÚSTAÐIR (HEILSÁRSBÚSTAÐIR)
þessum degi eftir seinni meðferðina og
það gerði biðina í raun lengri.“
Stefnir á hálft maraþon
Í dag segist Hjalti vera allur að hressast,
orðinn hárprúður að nýju og hefur nú
byrjað að safna skeggi til að athuga hvort
hárvöxturinn sé ekki sá sami og áður. „Ég
er búinn að vera að æfa í mánuð og er rétt
að komast í gang. Það hjálpaði náttúrlega
til að vera í líkamlega góðu formi fyrir, en
þar sem krabbameinslyfin drepa allar
endurnýjanlegar frumur þá núllstillist
þolið og ónæmiskerfið gjörsamlega. Þar
sem maður er ungur og vel á sig kominn
líkamlega verður auðveldara að ná sér í
sitt fyrra horf.“
Til að koma sér aftur í gott form hefur
Hjalti sett sér glæsileg markmið. „Ég ætla
að hlaupa í 10 km og 21 km hlaupum næsta
sumar og slá út tímana sem ég á í þeim,
sem eru nokkurra ára gamlir.“ Aðspurður
hvort viðhorf hans til lífsins hafi breyst
eftir þessa reynslu segir Hjalti himininn
ekkert blárri eða grasið grænna, en óhjá-
kvæmilega spáir hann öðruvísi í hlutina í
dag og sé orðinn þolinmóðari en áður.
Hann segist þó ekki hafa orðið var við
nein alvarleg eftirköst nema þá að hann sé
orðinn mun skjálfhentari en áður og getur
að einhverjum orsökum ekki borðað feta-
ost.
„Ég missti alveg matarlystina á þessum
tíma en píndi mig til að borða því ég vildi
missa sem minnst af þyngd. Það eina sem
ég get ekki borðað eftir meðferðina er
fetaostur. Ég er samt að prófa mig áfram,
því mér fannst hann svo góður.“
Engar „stelpupælingar“
„Margir fá rosalegt ógeð á spítölum eftir
að hafa verið í svona meðferð og geta varla
keyrt framhjá Landspítalanum. Ég er ekki
með neitt þannig sem er fínt því ég þarf að
fara í blóðprufur reglulega. Ég geri mér
grein fyrir því að þó svo meðferðin sé bú-
in, þá er ég ekki búinn með mitt ferli. Ég
fer í skoðun á tveggja mánaða fresti í eitt
til tvö og svo einu sinni á ári eftir það. Það
hjálpar mér rosalega að takast á við þetta
eins og hvert annað verkefni, þó svo að
þetta sé ömurlega leiðinlegt verkefni og ég
viti ekki hvenær ég verð kominn í gott
andlegt og líkamlegt jafnvægi. Maður
verður bara að takast á við þetta, þetta er
svo langt í frá einhver dauðadómur. Það er
mjög gott að geta verið svolítið svart/
hvítur í hugsun, en ekki hugsa hvað ef
þetta og hvað ef svona. Ekki vera með ein-
hverjar stelpupælingar eins og ég vil kalla
þær,“ segir Hjalti og brosir við.
„Það er líka eitt sem ég ákvað að gera
þegar ég fékk fréttirnar. Mér datt ekki í
hug að hanga á netinu og finna eitthvað
um sjúkdóminn. Það er hugsað það vel um
mann og fylgst með manni að það er algjör
óþarfi að grúska í þessu.“
Krabbameinið vinnur bumbuna
Hjalti leggur mikla áherslu á hversu mik-
ilvægt það sé að geta talað opinskátt um
sjúkdóminn og það hafi gert baráttuna
léttbærari. „Ég hef sjálfur ekki átt mjög
auðvelt með að tala um marga hluti í
gegnum tíðina en hef núna áttað mig bet-
ur á því hvað það er gott. Ætli þetta hafi
ekki verið hluti af verkefnaplaninu sem ég
setti fyrir mig. Ég get alveg trúað því að
fólk skammist sín fyrir að fá krabbamein
og finnist óþægilegt að tala um það, en ég
held samt að það sé að breytast. Mér þótti
þetta allavega ekki feimnismál þegar ég
greindist. Það skiptir máli fyrir mig og alla
þá sem eru í kringum mig að vera svolítið
opinn með þetta.“
Hjalti er einstaklega léttlyndur maður
og er hugarfar hans aðdáunarvert. Fljót-
lega eftir að hann hóf meðferð hét hann
því að taka aðstæðum sínum ekki of alvar-
lega. „Ég og Kalli bróðir vorum úti að
hlaupa fyrsta daginn eftir meðferðina og
vorum alveg jafnir. Ég man að hann sagði
við mig; „Nú er ég feitur en þú með
krabbamein og samt höfum við jafn mikið
þol.“ Þarna áttaði ég mig á því hvað mér
fannst gott að geta grínast aðeins með
þetta. Hann bjóst við að vera í miklu betra
formi en ég, en krabbameinið var ennþá
að vinna bumbuna. Ég geri mér að sjálf-
sögðu grein fyrir því að það hentar ekki
öllum að takast á við þetta eins og ég geri,
en mín leið hefur reynst mér ótrúlega vel
og þess vegna finnst mér gott að segja fólki
frá því. Auðvitað verður líka að tala um
hlutina á alvarlegu nótunum, en það má
ekki alltaf vera þannig.“
Heldur úti ljósmyndasíðu
Hjalti hefur verið iðinn við að taka myndir
í gegnum árin og má sjá hluta afraksturs-
ins á ljósmyndabloggi hans www.Hjalt-
isigfusson.com. „Ég reyni að taka mynda-
vél með mér hvert sem ég fer og set inn
myndir frá því sem ég hef verið að gera
þrisvar til fjórum sinnum í viku.
Þrátt fyrir að hafa tekið sér örlítið frí frá
sjálfsmyndunum þá segir Hjalti því verk-
efni ekki vera lokið.
„Ég á örugglega ekki eftir að halda
þessu áfram daglega, en ég ætla samt að
fylgjast með breytingunni áfram.“
’
Þegar fór að líða á meðferðina fattaði ég
að það hjálpaði mér að taka mynd einu sinni
á sólarhring, en allar myndirnar eru teknar
á svipuðum tíma, um kvöldmatarleytið. Það var
ekki lengur neinn fastur punktur í mínu daglega lífi,
en þetta veitti mér einhvern fastan punkt í sólar-
hringnum og það skipti merkilega miklu máli.
22. júní17. júní
8. júní8. júní5. júní30. maí