SunnudagsMogginn - 17.10.2010, Síða 42

42 17. október 2010
S
tjörnustríðið, sem höfundur
þess, George Lucas, hefur gert að
þekktasta merki kvikmyndasög-
unnar og viðskiptalegu stórveldi
sem teygir anga sína í nánast hvern af-
kjálka jarðar, var ótrúlega fjarri því að
hefja göngu sína með lúðrablæstri og
söng. Það var árið 1975 sem Lucas fékk
hugmyndina að bálkinum, hann var þá
um þrítugt, með einn smell, American
Graffiti (’73), að baki. Hann dugði lítt til
að telja kvikmyndaverunum í Hollywood
trú um að mylja bæri undir óhemju dýran
og framúrstefnulegan vísindaskáldsögu-
legan þriggja mynda bálk, sem Lucas hafði
lengi gengið með í kollinum. Hann hét
Star Wars og hugmyndin var engri ann-
arri lík, sambland af gömlum B-myndum
og teiknimyndasögum. Universal, sem
framleiddi American Graffiti, vísaði hon-
um tafarlaust á dyr með þeim huggunar-
orðum að hann væri snælduvitlaus, og
svipaðar móttökur fékk hann hjá Warner,
Paramount ofl. Seinna kom í ljós að það
voru stjórnendur þessara risavera sem
voru kolgeggjaðir. Lucas barði upp á hjá
20th Century Fox, og viti menn, þar á bæ
ríktu sem oftar framsýnir menn sem fjár-
mögnuðu ævintýrið, sem enn teygir lop-
ann og hefur malað ómælt gull á fjórða
áratug og er við hestaheilsu. Því má skjóta
inní til gamans að æ síðan hefur Luca átt í
smálegum viðskiptum við aðra dreifing-
araðila en Fox og eins og við manninn
mælt, allt hefur það efni gengið brösulega.
Þá er komið að ástæðunni fyrir þessum
greinarstúf, en hún er sú að fyrir
skemmstu tilkynnti Lucas að nýr og for-
vitnilegur kafli er að bætast við Star
Wars-ævintýrið. Hann segist hafa beðið
árum saman eftir umtalsverðri byltingu í
þrívíddartækni en ekkert gerðist sem
kveikti áhuga hans fyrr en hann sá of-
ursmell Camerons, Avatar. Þar með gat
hann farið í gang með áratugagamlan
draum um að endurgera kvikmyndabálk-
inn í framúrskarandi þrívídd. Í öðru lagi
hefur Lucas verið að bíða eftir nægilegum
fjölda kvikmyndasala sem eru útbúnir
með umræddri sýningartækni, þeir eiga
að vera til staðar 2012. Nú um stundir eru
2-2.500 hús með útbúnaðinum en þeim
fjölgar um 500 á mánuði og svipaða sögu
er að segja frá öðrum heimshornum. Sem
fyrr segir er það samt fullkomnari tækni
sem tafið hefur endurvinnsluna. Samsung
ræður ferðinni, kóreski hátæknirisinn
hefur sett upp rösklega 50.000 tæki í öll-
um heimshornum en nú er Sony vænt-
anlegt með samkeppnishæfan tæknibún-
að sem mun enn flýta
þrívíddarvæðingunni.
Það er óþarft að velta hugmyndinni
lengi fyrir sér, Star Wars myndirnar með
öllum sínum bardögum, geimskipum,
stríðsmönnum og kynjaverum, auk Hans,
Luke, Leiu og Chewbacca, eru sem kjörn-
ar fyrir þrívíddina.
Þetta er ekki í fyrsta skipti sem Lucas
endurskoðar upprunalegu þrenninguna
því hann eyddi um tug milljóna dala árið
1997, til að fríska upp á myndirnar sem
hann tók á áttunda og níunda ártugnum,
með því að bæta við atriðum og persónum
þar sem hann tók CGI-tæknina í þjónustu
sína.
Ákveðið er að fyrsta þrívíddarmyndin
verði að sjálfsögðu Episode I: The Phan-
tom Menace. Síðan koma þær hver á fætur
annarri, allar sex, og er Fox að sjálfsögðu
dreifingaraðili þrívíddarmyndanna líkt og
frummyndanna. Hefur verið rætt um að
sýna eina endurgerða mynd á ári, við eig-
um því von á endurnýjuðu Stjörnustríðs-
æði sem mun standa allt fram til 2018. Það
mun taka um tvö ár að endurgera hverja
mynd með þrívíddartækninni.
Félagarnir C-3PO, Obi-Wan-Kenobi og Logi geimgengill hressir að vanda.
Reuters
Stríðið sem aldrei ætlar að linna
Þar koma engir talíbanar, Ísraels- eða Palestínumenn eða aðrar þjóðir við
sögu, enda Stjörnustríðið – Star Wars, háð á tjaldinu.
Sæbjörn Valdimarsson saebjorn@heimsnet.is
2012-2018: Endurgerðir Star Wars bálksins
til sýninga í þrívídd í kvikmyndahúsum.
2011 Star Wars (sjónvarpsþáttaröð, byggð á
Episode I.-III., enn nafnlaus og í fram-
leiðslu.)
2011 Star Tours: The Adventures Continue
(Teiknimynda-sjónvarpsþáttaröð með CP3O,
Darth Vader og Chewbacca.)
2008-2010 Star Wars: The Clone Wars
(Sjónvarpsþáttaröð, 66 þættir.)
2009 Star Wars: The Force Unleashed – Ul-
timate Sith Edition (Tölvuleikur)
2008 Star Wars: The Force Unleashed
(Tölvuleikur)
2005 Star Wars: Episode III – Revenge of
the Sith (Bíómyndin)
2002 Star Wars: Episode II – Attack of the
Clones (Bíómyndin)
1999 Star Wars: Episode I – The Phantom
Menace (Bíómyndin)
1987 Star Tours (Stuttmynd)
1985-1986 Ewoks (Sjónvarpsþáttaröð
byggð á Star Wars, 26 talsins.)
1985 Ewoks: The Battle for Endor (Sjón-
varpsmynd)
1984 The Ewok Adventure (Sjónvarpsmynd)
1983 Star Wars: – Return of the Jedi (Bíó-
myndin, síðar auðkennd Episode VI)
1980 The Empire Strikes Back (Bíómyndin,
síðar auðkennd Episode V.)
1977 Star Wars – Stjörnustríð (Bíómyndin,
síðar kölluð Star Wars IV. – A New Hope)
Þá eru ótaldar fjölmargar aukabúgreinar
sem Lucasfilm hefur byggt á Stjörnustríðs-
bálkinum, líkt og spil, leikir og bylting í fram-
leiðslu fjölmargra leikfanga í tengslum við
merkið. Ýmis fyrirtæki, ráðandi á sínu svið,
líkt og ILM (Industrial Light and Magic og
THX hljóðkerfið sem varð til sökum krafna
um fullkomnari tækni í tengslum við tækni-
vinnu og hljóðrás kvikmyndahúsa með til-
komu tímamótaverkanna, Stjörnustríðs-
myndanna.
Viðskipta-
veldið Star Wars
Breski leikstjórinn John McTiernan má
muna sinn fífil fegurri, en þessi heimskunni
höfundur úrvals hasarmynda á borð við Die
Hard, hefur verið sekur fundinn um að ljúga
fyrir dómi í máli einkaspæjarans Anthony
Pellicano, sem hefur viðurkennt hleranir og
fjárglæfra í hneykslismáli sem skók kvik-
myndaborgina. McTiernan var að hljóta árs
fangelsisdóm en það er vægast sagt
óvenjulegt að menn af hans stærðargráðu
lendi í slíkri óhæfu. Hinn 59 ára gamli
McTiernan laug að alríkislögreglunni árið
2006 um viðskipti sín við Pellicano, sem
var réttnefndur einkaspæjari stórstjarn-
anna í Hollywood. Pellic-
ano viðurkenndi m.a. að
hafa hlerað síma fram-
leiðandans Chucks Ro-
ven á sama tíma og
McTiernan vann fyrir
hann að gerð Rollerball,
árið 2002.
Samkvæmt fréttum er
McTiernan talinn hafa
sloppið ansi ódýrt frá
málinu því hann harðneitaði allri ábyrgð þó
hann ætti þess engan kost að afsanna sak-
argiftir fyrir réttinum. Þessi eftirsótti kvik-
myndagerðarmaður á að baki stórvirki og
kassastykki í hrönnum, þ. á m., hina upp-
haflegu Predator, The Hunt for Red October,
The Thomas Crown Affair endurgerðina:
The Last Action Hero, Die Hard (hans vin-
sælasta verk), og Die Hard With Ven-
geance, svo eitthvað sé nefnt. Dómarinn
dæmdi leikstjórann að auki til greiðslu á
100 þúsund dala sekt og þriggja ára skilorð
auk fangelsisvistarinnar.
Pellicano var dæmdur fyrir tveimur árum
fyrir 76 af 77 ákærum og hljóðaði dóms-
orðið upp á 15 ár bak við múrinn. Þannig
lauk einu umtalaðasta dómsmáli í kvik-
myndaheiminum í áraraðir. McTiernan er
eftirsóttur og virtur leikstjóri, sem hóf fer-
ilinn á meistaraverkinu The Long Good
Friday (’80), (sem Paul W. Anderson er að
endurgera), og var sjálfur að hefja end-
urgerð spennumyndarinnar Chase, sem
Arthur heitinn Penn gerði á sínum tíma. Pel-
licano var í innstu klíku fræga fólksins, sem
leitaði ósjaldan til hans ef skítverka var
þörf, símahlerana, persónunjósna osfrv.
Hætt er við að ferill beggja sé í rúst, en þess
má geta að lokum að stjarna McTiernans
hefur farið heldur lækkandi undanfarin ár.
saebjorn@heimsnet.is
Af kvikmyndafólki
John
McTiernan
Frægur leikstjóri sviptur frelsinu
Kvikmyndir