Morgunblaðið - 06.01.2010, Blaðsíða 30
30 Minningar
MORGUNBLAÐIÐ MIÐVIKUDAGUR 6. JANÚAR 2010
Elsku besti afi minn
Núna ertu farinn
frá mér og búinn að
hitta Reyni frænda og
Heiðu langömmu. Vonandi líður þér
vel núna.
Ég sakna þín og ég skal passa
kindurnar þínar og ömmu.
Elska þig, afi minn.
Láttu nú ljósið þitt
loga við rúmið mitt.
Hafðu þar sess og sæti,
signaði Jesús mæti.
(Höf. ók.)
Þinn afastrákur,
Ólafur Reynir.
Elsku besti afi minn. mikið á allt
eftir að verða skrýtið án þín, þú sem
varst alltaf svo ljúfur og góður við
mig.
Það var sko gaman hjá okkur
þegar við vorum að spila, drekka te
og spjalla.
Ólafur Benóný
Guðbjartsson
✝ Ólafur BenónýGuðbjartsson
fæddist í Bjarmalandi
í Grindavík 4. janúar
1949. Hann lést
sunnudaginn 27. des-
ember sl.
Útför Ólafs fór
fram frá Grindavík-
urkirkju 5. janúar sl.
Ég á eftir að sakna
þín óendanlega mikið
því betri afa er ekki
hægt að eiga.
Svo hjálpumst við
öll að við að passa
ömmu.
Legg ég nú bæði líf
og önd,
ljúfi Jesús, í þína
hönd,
síðast þegar ég sofna
fer
sitji Guðs englar yfir
mér.
(Hallgrímur Pétursson.)
Ég elska þig. afi minn.
Þín,
Harpa Lind.
Elsku afi,
Þín verður innilega sárt saknað.
En sorgin er vegna gleðistunda og
minninga um yndisár.
Góðu stundinar mun ég alltaf
geyma hjá mér.
Ég mun halda áfram að kasta á
þig kveðju af og til, vittu til.
Ég stend á strönd og horfi á skip
sigla í morgunblænum út á hafið.
Það er falleg smíði og ég stend þar
og horfi á það unz það hverfur
sjónum mínum út við sjóndeild-
arhring.
Það er farið!“
Farið! Hvert? Farið úr minni augsýn.
Það er allt og sumt.
Það er þó enn jafnstórt í möstrum,
bol og siglutrjám og þegar ég sá það
Og getur flutt jafnmikinn farm og
mannfjölda á ákvörðunarstað.
Minnkandi stærð og hvarf þess úr
minni augsýn er í huga mér en ekki í
því.
Og einmitt þegar einhver nálægur
segir;
Það er farið!“
Þá eru aðrir, sem horfa á það koma
og aðrar raddir heyrast kalla:
Þarna kemur það!“
Og þannig er að deyja.“
(Brent biskup.)
Þakka allar yndislegu stundirnar
saman, þín verður sárt saknað.
Megi bjarta ljósið þitt lifa áfram í
hjörtum okkar, elsku afi.
Þín,
Alda Pálsdóttir.
Í dag er góður vinur minn og
frændi borinn til grafar.
Þrátt fyrir mikinn aldursmun á
okkur áttum við sameiginlegt
áhugamál sem var pólitíkin. Við vor-
um mikið sjálfstæðisfólk, ég var for-
maður félagsins og hann formaður
fulltrúaráðsins hér í Grindavík. Ég
á margar góðar minningar af ferð-
um okkar Óla á alla kjördæmisráðs-
fundina um allt kjördæmið, fundi í
Valhöll og núna síðast í vor þegar
við vorum saman í kjörnefnd fyrir
flokkinn hér í Suðurkjördæminu.
Við gátum talað saman endalaust
um okkar sameiginlega áhugamál
og var það vísir á það að ef maður
átti símtal við hann þá tók það sinn
tíma. Pólitískur áhugi hans var mik-
ill og hann vann með okkur alveg
fram á það síðasta þrátt fyrir veik-
indi sem hann virtist vera að jafna
sig á. Núna síðast í byrjun desem-
ber var hann búinn að taka það að
sér að vera formaður kjörnefnda
fyrir komandi prófkjör og vissum
við að þá væri það í góðum höndum.
Við fráfall Óla misstum við góðan
og sanngjarnan mann og ég veit að
hann er með okkur í anda og mun
senda okkur baráttustrauma að of-
an.
Óli og afi minn heitinn Guðmund-
ur Kristjánsson voru miklir félagar
og stunduðu þeir reglulega golf hér
áður fyrr. Ég veit að Óli saknaði
hans mikið og golfferða þeirra en
mikið er ég nú viss um að þeir eru
að græja sig í að taka einn hring
saman gömlu félagarnir.
Elsku Anna, Heiðbjört, Ómar og
fjölskyldur, guð gefi ykkur styrk á
þessum erfiðu tímum.
Jóna Rut Jónsdóttir.
Okkur duttu í hug þessar hend-
ingar þegar Anna hringdi í okkur og
sagði að þú værir farinn. Að eignast
vin tekur andartak en að eiga vin
tekur alla ævi. Svo sannarlega var
okkar vinátta þannig.
Fyrst æskuárin og síðan árin
þegar við vorum að basla við að
byggja húsin okkar hvort á móti
öðru. Börnin okkar léku sér svo á
milli húsanna. Á gleðistundum og
þegar erfiðleikar steðjuðu að, alltaf
var þessi vinátta til staðar. Svo stór-
an greiða gerðuð þið hjónin okkur
að seint verður fullþakkað. Þegar
við fluttumst til Njarðvíkur hélt
áfram þessi góða vinátta okkar. Óli
okkar, fyrir þessa vináttu þökkum
við í dag og hún mun haldast áfram
við Önnu og börnin ykkar.
Elsku Anna, Heiðbjört, Ómar og
fjölskyldur, okkar innilegustu sam-
úðarkveðjur.
Eyrún, Stefán og börn.
Fallinn er frá góður félagi og góð-
ur vinur.
Í dag er við kveðjum Ólaf koma
fram mörg minningabrot um mann
sem ávallt var reiðubúinn að ljá
starfskrafta sína félaginu og bæn-
um til velfarnaðar. Ólafur starfaði
lengi að bæjarmálum fyrir Sjálf-
stæðisfélag Grindavíkur. Hann sat í
bæjarstjórn Grindavíkur um nokk-
urra ára skeið, m.a. sem oddviti fé-
lagsins tímabilið 1998-2002.
Auk þess sat hann um langt ára-
bil í ýmsum nefndum og ráðum hjá
Grindavíkurbæ.
Allan sinn tíma var Ólafur þekkt-
ur af því að vinna af heillindum og
samviskusemi að farsælli lausn og
framgangi mála, með þá einföldu
sýn í farteskinu, hvað er Grindavík-
urbæ og íbúum hans farsælast?
Minningu Ólafs mun ávallt verða
haldið hátt á lofti, minningu um
mann sem ávallt var einn af föstu
punktunum í tilverunni. Þín verður
sárt saknað.
Við sendum Önnu, Heiðbjörtu,
Ómari, tengdabörnum, barnabörn-
um og öðrum aðstandendum, okkar
innilegustu samúðarkveðjur. Guð
blessi ykkur öll.
F.h. Sjálfstæðisfélags
Grindavíkur,
Kjartan Friðrik Adólfsson.
Minningar á mbl.is
Agnes Lára
Magnúsdóttir
Höfundar: Jón Agnar, Bára
og Þórey.
Jóna Guðrún
Ísaksdóttir
Höfundar: Ingibjörg Páls-
dóttir.
Björgvin, Hafsteinn, Hrafn-
hildur, Sigurður og Viðar.
Helga Helgadóttir.
Samstarfsfólk á alþjóðamark-
aðssviði Seðlabanka Íslands.
Ólafur Benóní
Guðbjartsson
Höfundar: Guðrún Margrét
Salómonsdóttir.
Salómon og Ingibjörg.
Hrafnkell
Kristjánsson
Höfundur: Einar Jón Geirs-
son.
Björn Björnsson
Höfundar: Eygló Ebba
Hreinsdóttir og Sigurjón
Grétarsson.
Björn Viðar Björnsson
Tryggvi Rúnar
Guðjónsson
Höfundar: Hólmfríður Lúð-
viksdóttir og Aðalsteinn Árdal.
Jón Kristberg
Sigurðsson
Höfundur: Guðmundur.
Friðjón Þórðarson
Höfundur: Helgi Seljan.
Þórunn Sólveig
Kristjánsdóttir
Höfundur: Jónína Ósk-
arsdóttir
Hlíf Þórbjörg
Jónsdóttir
Höfundur: Hlíf Berglind
Óskarsdóttir.
Stór hluti æskuminn-
inga okkar er tengdur
heimsóknum til Hans
og Laufeyjar í Lúxem-
borg. Það voru ófáar
ferðirnar sem byrjuðu
og enduðu hjá þeim. Gestrisni þeirra
hjóna er engu lík og var það ekkert
tiltökumál að bæta við fjórum krökk-
um og unglingum á heimilið ásamt
fullorðna fylgdarliðinu.
Í Lúxemborg var alltaf mikil gleði
og fjör. Hans hafði þann eiginleika að
vera alltaf kátur og glaður og af hon-
um skein mikil góðmennska og vænt-
umþykja. Það sem við minnumst
einna mest af Hans er hláturinn hans.
Hans gat hlegið að öllu og smitaði
okkur öll með hlátrinum. Hann var
mikill prakkari og hafði gaman af því
að ærslast í okkur krökkunum og við
ekki síður í honum. Anna Dóra var
yngst í hópnum og þegar hún var í
stríðnishug hvatti Hans hana ávallt
áfram og hló síðan að viðbrögðum
hinna sem var ekki jafn skemmt.
Hann var hennar besti bandamaður í
stríðninni. Löngu síðar minntist hann
ávallt á við hana hversu gaman það
hefði verið að fylgjast með henni sem
krakka og hvernig hún ýtti á veika
Hans Albert Knudsen
✝ Hans AlbertKnudsen fæddist í
Reykjavík 1. október
1947. Hann lést 27.
nóvember sl.
Útför Hans Alberts
Knudsen fór fram frá
Fossvogskirkju 21.
desember 2009.
punkta hinna fullorðnu.
Í okkar huga var
Hans einn af okkur
krökkunum: hló að
aulabröndurunum okk-
ar, hvatti okkur áfram í
prakkarastrikum og
stríðni og hafði gaman
af því sama og við. Sér-
staklega minnisstæð er
ferð í skemmtigarðinn
Strumpaland þar sem
rússíbanaferðirnar
urðu ansi margar og
var Hans þar í farar-
broddi og skemmti sér
alveg jafn vel ef ekki meira en við
krakkarnir.
En það var líka hægt að stóla á
Hans og hlýju hans og góðmennsku
þegar eitthvað bjátaði á. Ber þá helst
að nefna þegar Anna Sigga veiktist
illa í Lúxemborg og þurfti að leggjast
inn á sjúkrahús, en þá voru Hans og
Laufey öllum mikil stoð og stytta og
redduðu öllu því sem þurfti að redda.
Í seinni tíð hittum við Hans oftast í
heimsóknum hans á Íslandi og þá
voru rifjaðar upp gamlar sögur af
ferðunum til Lúxemborgar þegar við
vorum krakkar. Draumurinn var að
fara aftur til Lúx og upplifa gamla
stemmningu – og var Magnús svo lán-
samur að geta það fyrir nokkrum ár-
um – en slíkar ferðir verða aldrei eins
án Hans á staðnum.
Elsku Laufey, Henrik og Helen Sif
megi minningarnar ylja ykkur í sorg-
inni.
Magnús, Anna Sigríður,
Sigrún og Anna Dóra.
Morgunblaðið birtir minningar-
greinar alla útgáfudagana.
Skil | Greinarnar skal senda í
gegnum vefsíðu Morgunblaðsins:
mbl.is – smella á reitinn Senda efni
til Morgunblaðsins – þá birtist val-
kosturinn Minningargreinar ásamt
frekari upplýsingum.
Skilafrestur | Ef birta á minn-
ingargrein á útfarardegi verður
hún að berast fyrir hádegi tveimur
virkum dögum fyrr (á föstudegi ef
útför er á mánudegi eða þriðju-
degi).
Þar sem pláss er takmarkað get-
ur birting dregist, enda þótt grein
berist áður en skilafrestur rennur
út. Greinar, sem berast eftir að út-
för hefur farið fram, eftir tiltekinn
skilafrests eða ef útförin hefur verið
gerð í kyrrþey, eru birtar á vefnum,
www.mbl.is/minningar. Æviágrip
með þeim greinum verður birt í
blaðinu og vísað í greinar á vefnum.
Lengd | Minningargreinar sem
birtast í Morgunblaðinu séu ekki
lengri en 3.000 slög. Ekki er unnt að
senda lengri grein. Engin lengdar-
mörk eru á greinum sem birtast á
vefnum. Hægt er að senda örstutta
kveðju, HINSTU KVEÐJU, 5-15
línur. Ekki er unnt að tengja við-
hengi við síðuna.
Formáli | Minningargreinum
fylgir formáli sem nánustu aðstand-
endur senda inn. Þar koma fram
upplýsingar um hvar og hvenær sá
sem fjallað er um fæddist, hvar og
hvenær hann lést og loks hvaðan og
klukkan hvað útförin fer fram. .
Minningargreinar
✝
Innilegar þakkir til allra sem sýndu okkur samúð og
hlýhug við andlát og útför ástkærs eiginmanns
míns, föður, tengdaföður, afa og langafa,
HARALDAR ÓLA VALDIMARSSONAR
kjötiðnaðarmeistara,
Lindasíðu 25,
Akureyri.
Sérstakar þakkir fær starfsfólk á lyflækninga-
deildum Fjórðungssjúkrahússins á Akureyri og heimahlynningar fyrir
frábæra umönnun.
Ólína Lilja Sigurjónsdóttir,
dætur, tengdasynir og fjölskyldur þeirra.
✝
Þökkum innilega samúð og vinarhug við andlát og
útför móður okkar, tengdamóður og ömmu,
GUÐRÚNAR ELÍSABETAR ÞÓRÐARDÓTTUR.
Starfsfólki Droplaugarstaða þökkum við
ómetanlega umönnun.
Með nýárskveðjum,
Þórdís Árnadóttir, Ingvar Birgir Friðleifsson,
Þórður Árnason, Vilborg Oddsdóttir,
Guðrún Ingvarsdóttir, Hildur Ingvarsdóttir,
Árný Ingvarsdóttir, Elísabet Þórðardóttir.
✝
Innilegar þakkir til allra sem sýndu okkur samúð og
vináttu við andlát og útför eiginmanns míns, föður,
tengdaföður, afa og langafa,
GUÐJÓNS ANTONS GÍSLASONAR,
Bakkastíg 8,
Eskifirði,
sem lést á Fjórðungssjúkrahúsinu í Neskaupstað
laugardaginn 28. nóvember.
Sérstakar þakkir til Torfa Fjalars Jónassonar, hjartalæknis
fyrir ómetanlegan hlýhug og hjálp í veikindum hans.
Guð blessi ykkur öll.
Ingibjörg Þuríður Stefánsdóttir,
Gísli Hjörtur Guðjónsson, Jóhanna Lindbergsdóttir,
Stefán Ingvar Guðjónsson, Kristín Sigurðardóttir,
Jón Trausti Guðjónsson, Guðný Gunnur Eggertsdóttir,
Sævar Guðjónsson, Berglind Steina Ingvarsdóttir,
Guðrún Jónína Guðjónsdóttir, Björgmundur Örn Guðmundsson,
barnabörn og barnabarnabörn.