Morgunblaðið - 06.01.2010, Blaðsíða 36
Eftir Kristrúnu Ósk Karlsdóttur
kristrun@mbl.is
Sér-íslenskur jólasveinagjörningur listamannanna Ás-
mundar Ásmundsonar og Ragnars Kjartanssonar
verður að þessu sinni haldinn í Kling og Bang Gall-
eríi að Hverfisgötu 42.
„Þetta er í raun hefðbundið jólaball, við Ragnar
höfum staðið fyrir þessu síðastliðin átta ár. Við
blöndum saman hefðbundinni jólaskemmtun og list-
rænni skemmtun, án þess þó að þetta verði með of
listrænu ívafi. Okkar aðalmarkmið er bara að
gleðja fólk,“ segir Ásmundur.
Verður þá dansað og sungið í anda jólanna?
„Já, það verður dansað í kringum jólatréð og jóla-
sveinarnir Kertasníkir og Bjúgnakrækir koma í heim-
sókn, áður en þeir halda upp til fjalla. Það verður boðið upp á
gotterí, svo getur margt óvænt gerst, við útilokum til dæmis
ekki blysfarir og annað álfagaman.“
Ásmundur segir þá félaga sjá alfarið um skemmtunina og
undirspil ekki þurfa þegar þeir eiga í hlut.
„Allir eru velkomnir á Jólagjörninginn og ég hvet fólk til að
koma í jólaskapinu með börnin í fararbroddi. Þetta er síðasta
tækifærið til að gera sér glaðan jóladag áður en þetta hörm-
ungaár byrjar. Fólki veitir ekki af að hleypa glaðværð inn í líf
sitt,“ segir Ásmundur að lokum í jólaskapi.
Gjörningurinn hefst kl. 17:30.
Árlegur Jólasveinagjörningur
36 MenningFÓLK
MORGUNBLAÐIÐ MIÐVIKUDAGUR 6. JANÚAR 2010
Tónleikasenan er ekki dauð úr
öllum æðum þó jólin séu yfirstaðin.
Í kvöld verða hljómsveitirnar Alefli
og Green Lights með tónleika á Só-
dómu Reykjavík auk tónlistar-
mannsins Ingvars. Leikurinn hefst
kl. 19.30 og er aðgangseyrir 500 kr.
Tónleikarnir eru fyrir alla aldurs-
hópa, engar vínveitingar í boði.
Green Lights, Alefli og
Ingvar á Sódómu
Fólk
The Wire, virtasta jaðartónlist-
artímarit heims hefur valið tvo ís-
lenska tónlistarmenn á topp fimm-
tíu lista sinn yfir bestu plötur ársins
2009. Eru það Ben Frost og Hildur
Guðnadóttir. Hildur situr í fimm-
tugasta sæti með plötu sína Without
Sinking en Ben hafnar í níunda sæti
með nýjasta verk sitt, By the
Throat. Frost hefur mikið verið
hampað af ritinu að undanförnu og
var heilsíða lögð undir einkar lof-
samlega gagnrýni um plötuna fyrir
stuttu. Í fyrsta sæti listans er plata
Broadcast & The Focus Group, In-
vestigate Witch Cults of the Radio
Age.
Ben Frost og Hildur
Guðna í The Wire
„Bergur Ebbi Benediktsson –
vil taka þátt í einhverju spennandi
árið 2010, einhverju sem er svo
skemmtilegt og öðruvísi að enginn
mun ná að skilgreina það fyrr en
2013, og það á að tengjast leikhúsi.“
Svo hljóðaði Facebook-færsla
Bergs Ebba, tónlistar-, fjölmiðla-
manns og uppistandara, í gær. Það
verður forvitnilegt að vita hvort
einhver svarar þessari auglýsingu
Bergs og að sjá hvað út úr því kem-
ur.
Vill eitthvað skemmti-
legt og öðruvísi 2010
„ÉG hef alltaf verið mjög hrifinn af
Esjunni og séð hana sem samein-
ingartákn. Heildarhugmyndin að
baki disknum er að geimverur yf-
irtaka Perluna og fara að skjóta
leysigeislum þaðan á Esjuna og ég
kem til bjargar, er ofurhetjan,“
segir Andri Ásgrímsson kankvís
um nýútkomna sólóplötu sína, Orr-
ustan um Esjuna.
Andri er betur þekktur sem nú-
verandi gítarleikari, fyrrverandi
hljómborðsleikari, hljómsveitar-
innar Leaves. En er ekki nóg að
gera með Leaves? „Það er nóg að
gera í augnablikinu en hefur ekki
alltaf verið þannig í seinni tíð, það
fóru t.d fjögur ár í síðustu plötu en
ég var um síðustu tvö ár að vinna að
þessu sólóverkefni. Efnið hrann-
aðist upp hjá mér og mér hefur allt-
af langað til að gera þetta.“
Leaves á leið til London
Andri skilgreinir tónlist sína sem
klassíska. „Þetta er svona drama-
tískt klassískt tölvupopp. Ég skil-
greini þetta samt sem klassík enda
alltaf hallast í þá átt, ég skreyti
hana með hljóðgervlum og bý til
svona „sæ-fæ“-tónlist.“
Andri gefur Orrustan um Esjuna
út sjálfur og vann hana nánast alla
sjálfur með aðstoð vina og ættingja.
„Nói trommari í Leaves trommaði
fyrir mig og Arnar Guðjóns söngv-
ari mixaði plötuna. Ég fékk tvo
strengjaleikara og bróðir minn að-
stoðaði mig við umslagshönnunina,
annars gerði ég allt annað,“ segir
Andri. Hann hefur ekki enn haldið
útgáfutónleika en segist stefna að
því, Leaves taki bara tímann núna.
„Við erum að vinna að nýrri plötu
og erum mikið í stúdíói um þessar
mundir og svo spilum við á einum
tónleikum í London núna í janúar.“
ingveldur@mbl.is
Morgunblaðið/Heiddi
Einn Andri Ásgrímsson, Leaves-liði, hefur gefið út sína fyrstu sólóplötu.
Esjan og ofurhetjan
Andri Ásgrímsson úr Leaves gefur út sólóplötuna Orr-
ustan um Esjuna Leaves vinnur nú að nýrri plötu
Eftir Helga Snæ Sigurðsson
helgisnaer@mbl.is
FÉLAGARNIR Steindór Grétar
Kristinsson og Bjarni Þór Gunnars-
son skipa tilraunaglaða rafdúettinn
Einóma og spannar starfsemi hans
ein tíu ár. Einóma hefur hlotið afar
jákvæða dóma fyrir verk sín til
þessa, m.a. glimrandi dóm hjá BBC
fyrir plötuna Milli tónverka. Á
næstu dögum sendir þetta ágæta
tvíeyki frá sér nýja plötu, 12" vínyl,
með tveimur löngum lögum en auk
þess eru þeir félagar í sólóverk-
efnum og plötur væntanlegar frá
báðum. En tónlist og ný plata Ein-
óma er efni þessa viðtals og það er
Bjarni sem situr fyrir svörum.
Vínyllinn lifir góðu lífi
„Mér finnst eins og vínyllinn ætli
að lifa af,“ segir Bjarni, spurður út í
það af hverju þeir félagar kjósi að
gefa plötuna út á vínyl frekar en
geisladiski. „Síðasta smáskífan sem
við gáfum út var líka bara vínyll og í
svona raftónlist þá sýnist mér á öllu
að fólk vilji það helst.“ Bjarni segir
auk þess að hljómurinn sé betri á ví-
nyl og að vínyll sé eigulegri en
geisladiskur.
– Hvernig skilgreinirðu tónlistina
ykkar?
„Við vorum með svolítið tilrauna-
kennda raftónlist en þetta er eigin-
lega orðið dálítið dansvænna núna.
Það var eiginlega þannig að við feng-
um alltaf að spila af og til, var boðið
að spila og þannig kom platan til. Við
spiluðum í Berlín í byrjun ársins og
vorum þá meira dansandi og það
gekk rosalega vel upp. Ég myndi þó
ekki segja að þetta væri danstónlist
en einhvers staðar á milli dans-
raftónlistar og tilraunakenndrar
tónlistar.“
– Hvernig duttuð þið inn í þennan
raftónlistargeira?
„Við byrjuðum í rauninni bara
þegar raftónlistaræðið byrjaði, fyrir
10-15 árum, fórum að kaupa græjur
og höfum svo bara haldið áfram.“
Morgunblaðið/RAX
Einóma á Ingólfstorgi Steindór og Bjarni eru tveir en vilja þó hljóma sem einn maður og því heitir rafdúettinn Einóma.
„Dálítið dansvænna núna“
Rafdúettinn Einóma sendir frá sér 12 tomma tveggja laga vínylplötu í vik-
unni, Tvennu Fólk virðist heldur kjósa vínyl þegar kemur að raftónlist
Einóma gaf fyrst út undir merkj-
um Thule árið 2001, fyrst 12" vín-
ylplötu, Floating Point by Zero, og
áttu einnig lag á safnplötu en gaf
svo út tvær stórar plötur hjá
bresku útgáfunni Vertical Form,
Undir Feilnótum og Milli Tónverka,
á árunum 2002 og 2003. Morr
Music sá um dreifingu platnanna
og segir Bjarni þá Steindór hafa
fengið góða dreifingu og dóma út
á þau verk og dúettinn ágætis at-
hygli.
Árið 2006 kom út platan Encam
á vegum útgáfunnar Trachanik Re-
cords í Berlín og nú er á leiðinni
smáskífan Tvenna á vegum útgáf-
unnar Lamadameaveclechien í
Belgíu. Nafn útgáfunnar í íslenskri
þýðingu er Konanmeðhundinn.
Belgíska útgáfan Konanmeðhundinn
myspace.com/einoma
Morgunblaðið/Golli
Kertasníkir og Bjúgnakrækir skemmtu sér vel í fyrra.