Morgunblaðið - 24.04.2010, Blaðsíða 22

22 FréttirERLENT
MORGUNBLAÐIÐ LAUGARDAGUR 24. APRÍL 2010
Reuters
MIKIL spenna var í miðborg Bangkok í gær þegar hundruð óeirða-
lögreglumanna voru send að vegatálmum og víggirðingum sem mótmæl-
endur, svonefndir „rauðstakkar“, hafa reist til að krefjast þess að ríkis-
stjórn Taílands segi af sér. Óttast er að blóðug átök blossi upp ef hervaldi
verður beitt til að binda enda á mótmælin. Ein kona og tugir manna særð-
ust þegar fimm handsprengjum var kastað að mótmælendum í fyrrakvöld.
25 lágu í valnum eftir að öryggissveitir reyndu að binda enda á mótmælin
10. þessa mánaðar. Yfir 800 manns særðust í átökunum.
Óttast blóðbað í Bangkok
FRÉTTASKÝRING
Eftir Boga Þór Arason
bogi@mbl.is
LEIÐTOGAR þriggja stærstu stjórnmála-
flokka Bretlands greiddu hver öðrum þung
högg í annarri lotu sjónvarpskappræðna þeirra
sem fram fór í fyrrakvöld. Gordon Brown for-
sætisráðherra og David Cameron, leiðtogi
Íhaldsflokksins, gerðu þá báðir harða hríð að
Nick Clegg, leiðtoga Frjálslyndra demókrata,
en þeir náðu ekki að koma á hann rothögginu
sem þeir vonuðust eftir. Önnur lotan var mun
harðari en fyrsta rimma leiðtoganna viku áður
þegar Clegg kom Brown og Cameron í opna
skjöldu og þótti bera af þeim sem gull af eiri.
Frammistaða hans varð til þess að fylgi Frjáls-
lyndra demókrata stórjókst og fylgissveiflan
jók líkurnar á því að enginn flokkur fengi meiri-
hluta á breska þinginu í fyrsta skipti frá árinu
1974.
Cameron og Brown bættu sig
Brown og Cameron þykja báðir hafa staðið
sig betur í annarri lotunni en þeirri fyrstu. Ef
tekið er meðaltal af fimm skoðanakönnunum,
sem gerðar voru eftir viðureignina, má segja að
rimmunni í fyrrakvöld hafi lokið með jafntefli
Cleggs og Camerons. Að meðaltali sögðust
33,4% telja að Clegg hefði staðið sig best, 32,8%
nefndu Cameron og 27,6% Gordon Brown.
Hægrisinnaðir fjölmiðlar sögðu að Cameron
hefði staðið sig mun betur en í fyrstu lotunni en
viðurkenndu að Clegg hefði tekist að komast
hjá rothögginu sem Cameron þurfti að koma á
hann til að auka líkurnar á því að Íhaldsflokk-
urinn fengi meirihluta á þinginu eftir að hafa
verið í stjórnarandstöðu í þrettán ár.
Skoðanakannanirnar benda til þess að
Brown hafi bætt sig mest í annarri lotunni mið-
að við þá fyrstu þótt frammistaða hans hafi þótt
síðri en keppinautanna.
Cameron þótti afslappaðri en í fyrstu viður-
eigninni, náði betra sambandi við áhorfendur
og virtist hafa lært ýmislegt af frammistöðu
Cleggs í fyrstu lotunni.
Önnur lotan var mun líflegri en sú fyrsta og
útlit er fyrir mjög spennandi úrslitalotu sem
fram fer á fimmtudaginn kemur þegar leiðtog-
arnir takast á um efnahagsmál.
Clegg og Cameron skildu jafnir
 Gordon Brown og David Cameron gerðu harða hríð að leiðtoga Frjálslyndra demókrata
 Nick Clegg stóð atlöguna af sér og komst hjá rothögginu sem keppinautarnir vonuðust eftir
Reuters
Jafntefli Frá kappræðum leiðtoganna.
» Könnun The Times bendir til þessað Bretum líki best við Clegg en þeg-
ar spurt er hver sé best til þess fallinn að
vera forsætisráðherra nefna fleiri
Cameron eða Gordon Brown.
» 76% sögðu að Clegg væri viðkunn-anlegur, 38% kunnu vel við Cameron
og 16% við Brown. 46% sögðu Cameron
vera vel til þess fallinn að vera forsætis-
ráðherra og 43% nefndu Brown.
Skoðanakannanir sem gerðar voru eftir
kappræðurnar í fyrrakvöld benda til þess
að Frjálslyndir demókratar hafi enn í fullu
tré við Verkamannaflokkinn og Íhalds-
flokkinn og að lítill munur verði á fylgi
flokkanna þriggja í kosningunum 6. maí.
STJÓRNVÖLD í Grikklandi óskuðu
í gær formlega eftir tafarlausri að-
stoð frá Evrópusambandinu og Al-
þjóðagjaldeyrissjóðnum vegna
gífurlegs skuldavanda landsins.
George Papandreou, forsætisráð-
herra Grikklands, sagði í sjónvarps-
ávarpi í gærmorgun að Grikkir
þyrftu á því að halda að áætlun ESB
og AGS um aðstoð við Grikkland
yrði komið í framkvæmd þegar í
stað. Fjármálaráðherra landsins
kvaðst vænta aðstoðarinnar á næstu
dögum.
Talsmaður framkvæmdastjórnar
Evrópusambandsins sagði að af-
greiðslu málsins yrði flýtt og kvaðst
ekki sjá neinar „hindranir“.
Angela Merkel, kanslari Þýska-
lands, sagði þó að grísk stjórnvöld
þyrftu að leggja fram sparnaðar-
áætlun og aðstoðin yrði ekki veitt
nema hún teldist nauðsynleg til að
verja evruna.
Grikkir óska eftir aðstoð
 Vilja tafarlausa hjálp ESB og AGS vegna skuldavandans
–– Meira fyrir lesendur
PANTAÐU AUGLÝSINGAPLÁSS
Katrín Theódórsdóttir
Sími: 569 1105
kata@mbl.is
Eins og undanfarin ár gefur
Morgunblaðið út blað tileinkað
þessari vinsælu íþrótt.
Farið verður um víðan völl og
fróðlegar upplýsingar um liðin sem
leika sumarið 2010.
MEÐAL EFNIS:
Umfjöllun um öll 22 liðin
í Pepsí-deildum karla
og kvenna
Allir leikmenn,
leikjafjöldi og mörk
Sérfræðingar spá í
styrkleika liðanna
Allir leikdagar
sumarsins.
Ásamt öðru
spennandi efni
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 16, mánudaginn 3. maí.
Íslandsmótið í knattspyrnu
Pepsí-deildin bæði karla og kvennalið árið 2010