Fréttablaðið - 22.10.2011, Blaðsíða 94

22. október 2011 LAUGARDAGUR62
sport@frettabladid.is
KÖRFUBOLTI „Þeir voru búnir að
spila vel í fyrstu tveimur leikjun-
um og mikið búið að skrifa um þá
í blöðunum. Okkur langaði að bæta
okkur frá síðasta leik og við gerð-
um það sem þurfti,“ sagði Hregg-
viður Magnússon, leikmaður KR,
eftir 85-74 sigur á Njarðvíking-
um í gær. Ungt lið Njarðvíkinga
hafði unnið tvo fyrstu leiki sína en
þurfti að lúta í lægra haldi í DHL-
höllinni.
„Ég var bara gríðarlega ánægð-
ur með Kristofer Acox, sem kom
gríðarlega öflugur af bekknum.
Finnur stóð sig gríðarlega vel og
svo var þetta bara samstillt átak.
Við erum samt að gera of mikið
af mistökum og eigum eftir að
batna mikið varnarlega. Varðandi
sóknar leikinn hef ég engar áhyggj-
ur. Við eigum gríðarlega mikið af
vopnum en vörnin er eitthvað sem
við reynum að bæta á hverjum
degi.“
KR-ingar voru yfir nær allan
fyrri hálfleikinn, voru að finna
sig vel í sóknarleiknum en bar-
áttuglaðir og liprir Njarðvíkingar
voru mættir til að selja sig dýrt og
héngu í skottinu á þeim. Munur-
inn var mest sjö stig. Vel studdir
af stuðningsmönnum sínum náðu
gestirnir að jafna með síðustu
körfu hálfleiksins en það var þrist-
ur frá Ólafi Helga Jónssyni. KR í
fyrsta sinn ekki yfir síðan staðan
var 0-0.
Spennandi og skemmtilegt
Ljóst var snemma að spennandi
og skemmtilegur leikur væri í
fæðingu. Með fyrstu körfu seinni
hálfleiksins komst Njarðvík í
fyrsta sinn yfir í leiknum. Við það
virtist liðið slaka aðeins of mikið
á en KR-ingar vöknuðu til lífsins
og voru skyndilega komnir með
nokkuð þægilega ellefu stiga for-
ystu. Munurinn var sex stig, 66-60,
fyrir síðasta fjórðunginn.
Varnarleikur KR lagaðist eftir
því sem líða tók á leikinn og liðið
náði að sigla sigrinum í höfn af
nokkru öryggi. Glæsileg troðsla
David Tairu í lokafjórðungnum
kætti marga áhorfendur á leiknum
og þrátt fyrir að KR hafi oft spilað
betur vannst sigur.
Vantaði upp á varnarleikinn
„Það vantaði upp á varnarleikinn
hjá okkur. Það er það fyrsta sem
manni dettur í hug,“ sagði Einar
Árni Jóhannsson, þjálfari Njarð-
víkinga, við Fréttablaðið. „Við
vorum að eiga við allt önnur gæði
í þessum leik en fyrstu tveimur,
með allri virðingu fyrir Haukum
og Val. Við lentum í vandræðum
með Hreggvið í teignum og hann
var okkur erfiður.“
Einar segir að þó sé hægt að
taka fullt af jákvæðum hlutum úr
leiknum. „Það voru margir góðir
hlutir í gangi og þetta var stórt
próf fyrir okkar hóp. Það segir
kannski sitt um metnað okkar að
við erum hundfúlir að fara héðan
með tap. Ég hef trú á því að okkar
menn muni njóta þess að taka þátt
í þessum slag og mannast hratt og
vel.“
Njarðvík á Þór í næsta leik. „Það
verður bara svakaleikur. Þórsar-
arnir eru bara með verulega öfl-
ugt lið. Það verður járn í járn og
barist upp á líf og dauða um tvö
mikilvæg stig,“ sagði Einar. - egm
EMIL HALLFREÐSSON skoraði jöfnunarmark Hellas Verona gegn Nocerina í leik liðanna í ítölsku B-
deildinni í gærkvöldi. Leiknum lyktaði með 1-1 jafntefli en þetta er annar leikurinn í röð þar sem Emil skorar. Alls
hefur hann skorað fjögur mörk á leiktíðinni í deild og bikar og verið fastamaður í byrjunarliði Verona.
Við eigum gríðarlega
mikið af vopnum en
vörnin er eitthvað sem við
reynum að bæta á hverjum
degi.
HREGGVIÐUR MAGNÚSSON
LEIKMAÐUR KR
Iceland Express-deild karla
KR - Njarðvík 85-74 (41-31)
KR: David Tairu 23, Hreggviður Magnússon
20/9 fráköst, Finnur Atli Magnusson 17, Emil Þór
Jóhannsson 11, Björn Kristjánsson 5, Jón Orri
Kristjánsson 3, Kristófer Acox 2/10 fráköst, Skarp-
héðinn Freyr Ingason 2, Martin Hermannsson 2.
Njarðvík: Travis Holmes 20/10 fráköst, Cameron
Echols 18/15 fráköst, Ólafur Helgi Jónsson 13/7
fráköst, Hjörtur Hrafn Einarsson 10, Elvar Már
Friðriksson 7, Rúnar Ingi Erlingsson 4, Maciej
Stanislav Baginski 2.
Þór Þorlákshöfn - Snæfell 85-83 (41-41)
Þór Þ.: Darrin Govens 27, Guðmundur Jónsson
16, Darri Hilmarsson 13, Michael Ringgold
11/11 fráköst, Marko Latinovic 10, Grétar Ingi
Erlendsson 6.
Snæfell: Brandon Cotton 35, Palmi Freyr Sigur-
geirsson 13, Jón Ólafur Jónsson 9/9 fráköst,
Quincy Hankins-Cole 8/14 fráköst, Egill Egilsson
7, Hafþór Ingi Gunnarsson 7, Sveinn Arnar
Davidsson 2, Ólafur Torfason 2.
Haukar - Stjarnan 68-89 (35-47)
Haukar: Jovanni Shuler 22/11 fráköst/7
stoðsendingar/5 stolnir, Steinar Aronsson 10, Örn
Sigurðarson 8, Sævar Ingi Haraldsson 8, Davíð
Páll Hermannsson 6, Emil Barja 6, Óskar Ingi
Magnússon 3, Haukur Óskarsson 3, Helgi Björn
Einarsson 2.
Stjarnan: Keith Cothran 26, Jovan Zdravevski
20, Justin Shouse 13/11 stoðsendingar, Marvin
Valdimarsson 12, Fannar Freyr Helgason 6/10
fráköst, Sigurjón Örn Lárusson 6/9 fráköst, Guð-
jón Lárusson 4, Dagur Kár Jónsson 2.
STAÐAN
Stjarnan 3 3 0 290-237 6
Grindavík 3 3 0 268-229 6
KR 3 2 1 275-274 4
Þór Þ. 3 2 1 270-265 4
Snæfell 3 2 1 292-274 4
Njarðvík 3 2 1 273-239 4
Keflavík 3 2 1 277-244 4
ÍR 3 1 2 274-289 2
Fjölnir 3 1 2 274-293 2
Tindastóll 3 0 3 258-289 0
Haukar 3 0 3 248-289 0
Valur 3 0 3 221-298 0
Sænska úrvalsdeildin
Sundsvall Dragons - Solna Vikings 98-80
Sundsvall: Hlynur Bæringsson 16/5 fráköst, Pavel
Ermolinskij 15/10 fráköst, Jakob Örn Sigurðarson
13. Solna: Logi Gunnarsson 18.
Norska úrvalsdeildin
Stabæk - Molde 1-1
Bjarni Ólafur Eiríksson og Pálmi Rafn Pálmason
léku báðir allan leikinn fyrir Stabæk. Gilles
Mbang Ondo, fyrrum leikmaður Grindavíkur,
lagði upp mark Stabæk í leiknum.
Sænska úrvalsdeildin
HK Malmö - Eskilstuna Guif 27-32
Haukur Andrésson skoraði eitt mark fyrir Guif en
bróðir hans, Kristján, er þjálfari liðsins. Guif er á
toppi deildarinnar eftir sjö umferðir.
Þýska B-deildin
DHC Rheinland - Neuhasen 25-22
Björgvin Hólmgeirsson skoraði fjögur mörk fyrir
DHC Rheinland sem er í 9. sæti deildarinnar.
Enska úrvalsdeildin
LEIKIR HELGARINNAR
Laugardagur
11.45 Wolves - Swansea Sport 2 & HD
14.00 Aston Villa - West Brom Sport 2 & HD
14.00 Newcastle - Wigan Sport 3
14.00 Bolton - Sunderland Sport 4
16.30 Liverpool - Norwich Sport 2 & HD
Sunnudagur
12.30 Man. Utd. - Man. City Sport 2 & HD
12.30 Arsenal - Stoke City Sport 3
12.30 Fulham - Everton Sport 4
14.00 Blackburn - Tottenham Sport 5
15.00 QPR - Chelsea Sport 2 & HD
ÚRSLIT Húnarnir skotnir niður á jörðina
Njarðvík tapaði sínum fyrsta leik þegar liðið mætti í Frostaskjólið í gær. KR-ingar sýndu engan stjörnuleik
en gerðu það sem þurfti og lönduðu báðum stigunum. Bæði lið eru með fjögur stig eftir þrjá fyrstu leikina.
SIGUR Í VESTURBÆNUM Jón Orri Kristjánsson, leikmaður KR, er hér kominn framhjá varnarmönnum Njarðvíkur og á leið upp að
körfunni. Björn Kristinsson, KR og Njarðvíkingarnir Hjörtur Hrafn Einarsson og Cameron Echols fylgjast með. FRÉTTABLAÐIÐ/VALLI
FÓTBOLTI Mál Carlos Tevez hefur
tekið nýja stefnu. Félag hans,
Manchester City, hefur ákveðið
að kæra hann ekki fyrir að neita
að koma inn á í leik liðsins gegn
Bayern München í síðasta mánuði
– heldur fyrir að neita að hita upp.
Þetta var fullyrt á fréttavef Sky
Sports í gær.
Eftir leikinn staðhæfði Roberto
Mancini, stjóri City, að Tevez
hefði neitað að koma inn á sem
varamaður í leiknum, sem City
tapaði, 2-0. Enn fremur sagði hann
að Tevez myndi aldrei spila aftur
undir sinni stjórn.
Tevez var skikkaður í leyfi
á meðan málið var rannsakað.
Þeirri rannsókn er nú lokið og
sýna niðurstöður hennar að ekki
hafi verið hægt að sanna að Tevez
hafi neitað að koma inn á. Sjálfur
ber leikmaðurinn við misskilningi
en þarf þó að mæta afleiðingum
þess að hafa neitað að hita upp
þegar eftir því var óskað. - esá
Tevez neitaði að hita upp:
Kærunni breytt
TEVEZ Óvíst er hvort hann spilar aftur
með Manchester City. NORDICPHOTOS/GETTY
KÖRFUBOLTI Þórsarar frá Þorlákshöfn buðu upp á
fyrsta flokks dramatík þegar þeir urðu fyrsta liðið til
að leggja deildarmeistara Snæfells að velli á tíma-
bilinu í gær, 85-83.
Snæfell virtist vera að landa sigrinum í Þorlákshöfn
þegar skammt var til leiksloka. Hvorki gekk né rak í
sóknarleik heimamanna en með góðum varnarleik og
frábærum stuðningi áhorfenda skoraði Þór sjö síðustu
stig leiksins.
Darrin Govens skoraði fimm stig í röð og jafnaði
metin í 83-83 þegar 24 sekúndur voru eftir. Snæfell
fór í sókn en náði ekki skoti á körfuna og Þór fékk
boltann þegar tvær og hálf sekúnda voru eftir af
leiknum. Þórsarar fundu ekki samherja úr inn kastinu
en fengu annað innkast, undir körfunni, þegar 1,2
sekúndur voru eftir.
Annar dómara leiksins fór þá að ritaraborðinu til
að staðfesta tímann á meðan hinn gerði sig kláran að
setja leikinn af stað. Upp úr innkastinu fékk Marko
Latinovic boltann og skoraði úr sniðskoti um leið og
lokaflautið gall og sigur heimamanna því staðreynd.
„Ég er ósáttur við lokin á leiknum. Annar dómarinn
er að taka boltann inn en hinn er á ritaraborðinu, ég
var ekki tilbúinn. Ég sá ekki hvað gerðist því ég var að
fylgjast með hinum dómaranum á ritaraborðinu. Ég
hef aldrei séð annað eins,“ sagði Ingi Þór Steinþórs-
son, þjálfari Snæfells, í leikslok.
„Dómararnir töpuðu þessi ekki fyrir okkur en það
er leiðinlegt að fá svona uppákomu. Maður vill að
þetta sé allt rétt gert en við fórum með þetta sjálfir.
Það er ekki nógu mikið flæði í okkar leik. Annar
Kaninn hjá okkur skorar mikið en það er ekki mikið
flæði í kringum þetta. Ég er ekki ánægður með hann,“
sagði Ingi Þór. Hann á við Brandon Cotton, sem skor-
aði 35 stig en tók aðeins eitt frákast, gaf eina stoð-
sendingu og gerði lítið gagn í varnarleiknum.
„Ég veit ekki hvað maður getur sagt eftir svona
leik. Það var jafnræði með liðunum. Mér fannst hvor-
ugt lið nægjanlega gott í kvöld. Ég var ekki ánægður
með hvernig við spiluðum og ég efast um að Ingi sé
sáttur við sitt lið,“ sagði Benedikt Guðmundsson,
þjálfari Þórs, í leikslok en hann var ánægður með
áhorfendur.
„Stemningin í húsinu var geðveik. Ég hvet fólk,
sama hvort það heldur með okkur eða liðinu sem við
erum að spila gegn hverju sinni eða einhverju allt
öðru liði, til að koma hingað og upplifa stemninguna,“
sagði Benedikt. - gmi
Þór skoraði sjö síðustu stigin gegn Snæfelli og vann dramatískan sigur:
Nýliðarnir unnu á flautukörfu
FLOTT BYRJUN Benedikt Guðmundsson hefur stýrt liði Þórs til
sigurs í tveimur leikjum í röð. FRÉTTABLAÐIÐ/HAG