Fréttablaðið - 05.11.2011, Síða 2

5. nóvember 2011 LAUGARDAGUR2
Þórunn, verður þá ekki fullt út
úr dyrum lengur?
„Það er alltaf fullt út úr dyrum. Það
er bara mismunandi fullt.“
Þórunn Sigurðardóttir er stjórnar-
formaður Ago, rekstrarfélags Hörpunnar,
sem hyggst ekki heimila fleiri árshátíðir
og slíkar skemmtanir vegna drykkjuláta
sem trufla listviðburði í húsinu.
NOREGUR Saksóknari í Mandal
í Noregi krefst sextán ára
fangelsis vistar yfir morðingja
Heidi Thisland-Jensen. Réttar-
höldum lauk í gær.
Heidi Thisland var stungin til
bana af kærasta sínum, sem er
25 ára gamall og hefur játað á sig
morðið. Átta ára gamall sonur
Heidi fluttist til fjölskyldu sinnar
í Vestmannaeyjum þegar móðir
hans var myrt. „Það eru hrotta-
legar lýsingar sem ég hef fengið
þegar réttarlæknirinn var að
lýsa áverkum Heidiar, gömlum
og nýjum sárum, en það er ekki
lýsingarhæft,“ segir Óskar P.
Friðriks son, afi drengsins. - sv
Varð íslenskri konu að bana:
Krafist sextán
ára fangelsis
HEIDI MEÐ SYNI SÍNUM Kærasti Heidi
varð henni að bana í Noregi í mars.
FRÉTTABLAÐIÐ/ÓSKAR P. FRIÐRIKSSON
GRIKKLAND, AP Þingmenn í sósíal-
istaflokknum Pasok, flokki
Georgs Papandreú forsætisráð-
herra, tóku margir í gær undir
kröfur stjórnarandstöðunnar um
að hann segi af sér.
Seint í gærkvöldi stóð til
að þingið greiddi atkvæði um
trausts tillögu á hendur ríkis-
stjórninni, sem Papandreú lagði
fram fyrr í vikunni.
Naumt var á mununum, en
tímasetningin einkennileg því
degi fyrr hafði Papandreú hafið
tilraunir til að mynda þjóðstjórn
með stærsta stjórnarandstöðu-
flokknum, hægri flokknum Nýju
lýðræði. - gb
Papandreú í pólitísku fárviðri:
Atkvæði greidd
um vantraust
STENDUR Í STRÖNGU Georg Papandreú,
forsætisráðherra Grikklands. FRÉTTABLAÐIÐ/AP
DÓMSMÁL Ríkissaksóknari hefur
gefið út ákæru á hendur fyrrver-
andi forstöðumanni fangelsisins
á Kvíabryggju, Geirmundi Vil-
hjálmssyni, og öðrum karlmanni
til viðbótar.
Það var 26. nóvember á síð-
asta ári sem forstöðumanninum
var veitt tímabundin lausn vegna
gruns um auðgunarbrot í starfi.
Lék grunur á að forstöðumaður-
inn fyrrverandi hefði dregið sér
fjármuni eða verðmæti í eigu
fangelsis ins. Við rannsókn máls-
ins leitaði lögregla meðal annars
á heimili Geirmundar og í sumar-
húsi í eigu föður hans. Við leitina
lagði hún hald á ýmsa muni sem
taldir eru í eigu fangelsisins.
Ríkislögmaður hefur lagt fram
bótakröfu í málinu á hendur Geir-
mundi. Krafan er tilkomin vegna
tjóns sem talið er ljóst að ríkis-
sjóður hafi orðið fyrir.
Forstöðumaðurinn fyrrverandi
hefur megnið af þeim tíma, frá
því að honum var veitt lausn frá
störfum, verið á launum. Hefur
hann haft helming fullra launa,
eða um 270 þúsund krónur á mán-
uði, samkvæmt lögum um réttindi
og skyldur opinberra starfsmanna.
Hann var tekinn af launaskrá
fyrir um það mánuði. Þá hafði
hann þegið um það bil þrjár millj-
ónir frá því að honum veitt lausn
frá störfum.
- jss
Ríkissaksóknari hefur gefið út ákæru á hendur tveimur karlmönnum:
Ákært í Kvíabryggjumálinu
KVÍABRYGGJA Tveir karlmenn hafa verið
ákærðir í Kvíabryggjumálinu svokallaða.
STJÓRNMÁL „Hvað sem mönnum
finnst um staðsetningu flugvallar-
ins er það óþolandi ríkisforsjá að
lögfesta flugvöll
í Vatnsmýri.“
Svo sk r i fa r
Gísli Marteinn
Baldurs son,
borgarfulltrúi
Sjálfstæðis-
f lokksi ns , á
Facebook-síðu
sína um nýtt
lagafrumvarp
sem níu samflokksmenn hans og
þrír framsóknarmenn hafa lagt
fram á Alþingi.
Frumvarpið, sem Jón Gunnarsson
mælir fyrir, kveður á um að miðstöð
innanlandsflugs skuli vera áfram í
Vatnsmýri og gegna hlutverki vara-
flugvallar fyrir millilandaflug.
Gísli Marteinn segir sveitarfélög
hafa ákvörðunarvald í eigin málum
samkvæmt stjórnarskrá. „En for-
ræðishyggjan í þessari tillögu ætlar
að taka þann rétt af Reykvíkingum.
Svo er frumvarpið vandræðalega
illa unnið og órökstuddum fullyrð-
ingum slegið fram í greinargerð af
algerri vanþekkingu,“ bætir hann
við. Þetta sé helber dónaskapur og
yfirgangur af hálfu fulltrúa ríkis-
valdsins og allir borgarfulltrúar
muni mótmæla frumvarpinu.
Jón Gunnarsson leggur orð í belg
á síðunni. Hann segist vita af and-
stöðu borgarfulltrúa flokksins en
frumvarpið sé hins vegar í sam-
ræmi við ályktanir landsfundar. „Í
þessu tilfelli tel ég réttlætanlegt að
Alþingi taki af skarið í þessu máli,“
segir hann.
„Farðu rétt með Jón,“ segir Gísli.
„Landsfundur hefur sagt að flug-
völlur skuli vera á höfuðborgar-
svæðinu, einhvern tíma var meira
að segja sagt stór-höfuðborgarsvæð-
inu. Það er allt annað en að heimta
að hann skuli vera einmitt á þeim
stað sem hann er nú.“ - sh
Borgarfulltrúi Sjálfstæðisflokks segir flugvallarfrumvarp óþolandi ríkisforsjá:
Rífur í sig frumvarp samflokksmanna
OFBOÐIÐ Gísli Marteinn telur sam-
flokksmenn sína á þingi úti að aka í
flugvallarmálinu. FRÉTTABLAÐIÐ/ANTON
JÓN GUNNARSSON
LÖGREGLUMÁL Sérstakur saksókn-
ari yfirheyrði í liðinni viku Hreið-
ar Má Sigurðsson, fyrrverandi
forstjóra Kaupþings. Yfirheyrsl-
an snerist um mál tengt katarska
sjeiknum Mohammed Bin Khalifa
Al-Thani, sem keypti fimm pró-
senta hlut í Kaupþingi rétt fyrir
hrun. Lögmaður Hreiðars stað-
festi þetta í samtali við Vísi í gær.
Ólafur Ólafsson, næststærsti
hluthafi Kaupþings fyrir hrun,
var einnig yfirheyrður vegna
málsins í vikunni. Rannsókn þess
er á lokastigi hjá embættinu og
stefnt er að því að ljúka henni
fyrir áramót. - sh
Sérstakur saksóknari:
Yfirheyrði Ólaf
og Hreiðar Má
STJÓRNSKIPAN Tillögur stjórnlaga-
ráðs um breytingar á hlutverki
forseta Íslands eru að mörgu leyti
til bóta. Til að mynda er formlegt
hlutverk forseta, sem bar keim
af stöðu konungs í gömlu dönsku
stjórnarskránni, afnumið og því
gefa tillögurnar betri mynd af því
hvar framkvæmdarvaldið liggur
en núverandi stjórnarskrá. Tillög-
urnar skortir hins vegar að tekist
sé nægilega á við þá staðreynd að
forseti fer með virk og raunveru-
leg völd í stjórnskipuninni. Þá eru
ýmis ákvæði vanhugsuð.
Þetta er mat Bjargar Thoraren-
sen, prófessors í stjórnskipunar-
rétti við lagadeild Háskóla Íslands.
Björg fjallaði um hlutverk forseta
í tillögum stjórnlagaráðs á mál-
þingi sem fram fór í fundarsal
Þjóðminjasafnsins í gær.
Björg skipti tillögum stjórnlaga-
ráðs með tilliti til forseta í þrennt:
tillögur sem lúta að breytingum á
reglum um kjör og kjörtímabil, til-
lögur sem lúta að formlegu hlut-
verki forsetans og tillögur sem
varða breytingar á raunverulegum
valdheimildum forsetans.
Um tillögur stjórnlagaráðs um
breytingar sem lúta að kjöri for-
seta og kjörtímabili, sagði Björg
þær vera til bóta og nefndi sér-
staklega þá kröfu sem þar er gerð
að forseti hafi meirihluta atkvæða
á bak við sig og að seta hvers for-
seta takmarkist við tólf ár.
Björg taldi tillögur um breyting-
ar á formlegu hlutverki forsetans
einnig til bóta þótt sá galli væri
á þeim að breytingin gengi ekki
í gegnum þær allar. Þó taldi hún
það slæma tillögu að leggja skuli
niður ríkisráð þar sem þannig sé
afnuminn sá vettvangur sem for-
seti og ríkisstjórn hafa til að ræða
mikilvæg mál.
Björg fjallaði um tillagða heim-
ild forseta til að synja skipun dóm-
ara og vísa til Alþingis sem þurfi
að samþykkja skipunina með
tveimur þriðja hlutum atkvæða.
Björg taldi heimildina óþarfa í
ljósi þess að lögum um skipan
dómara hefur nýverið verið breytt
til að koma í veg fyrir misnotkun á
skipunarvaldi dómsmála ráðherra.
Þorvaldur Gylfason stjórnlaga-
ráðsfulltrúi benti á móti á að
Alþingi væri í lófa lagið að breyta
lögunum á ný.
Þá sagðist Björg hafa efasemdir
um hlutverk forseta í kjöri Alþing-
is á forsætisráðherra sem gert er
ráð fyrir í tillögunum.
Björg fjallaði einnig um mál-
skotsrétt forseta. Hún sagði að
betur hefði mátt vanda til mál-
skotsákvæðisins í núgildandi
stjórnarskrá og bætti því við að
lögskýringar um ákvæðið væru
misvísandi. Hún gaf í skyn að úr
því hefði ekki verið bætt í tillögum
stjórnlagaráðs.
Loks sagði Björg það vera galla
á tillögunum að ekki væri kveðið
á um hlutverk forseta Íslands með
tilliti til stefnu stjórnvalda í utan-
ríkismálum. magnusl@frettabladid.is
Hlutverk forsetans
skýrara í tillögunum
Raunverulegt hlutverk forseta í stjórnskipan Íslands er skýrara í tillögum
stjórnlagaráðs en í núverandi stjórnarskrá. Þetta er mat Bjargar Thorarensen,
prófessors í stjórnskipunarrétti. Hún telur þó ýmsa galla á tillögum ráðsins.
BJÖRG THORARENSEN Samkvæmt tillögum stjórnlagaráðs á að leggja ríkisráð niður.
Þetta telur Björg slæmt því með því sé afnuminn sá vettvangur sem forseti og ríkis-
stjórn hafi til að ræða mikilvæg mál. FRÉTTABLAÐIÐ/VALLI
LÖGREGLUMÁL Ríkissaksóknari
hefur gert lögreglu að taka upp
rannsókn á andláti Sigrúnar
Mjallar Jóhannesdóttur, ungrar
stúlku sem lést í fyrrasumar af
ofneyslu fíkniefna. Þetta kom
fram í fréttum RÚV í gær.
Ákvörðunin byggir að miklu
leyti á gögnum sem faðir stúlk-
unnar, Jóhannes Kr. Kristjáns-
son, aflaði áður en hann kærði þá
ákvörðun lögreglu að hætta rann-
sókninni. Rannsakað verður hvort
einhver annar en Sigrún sjálf sé
ábyrgur fyrir andláti hennar. - sh
Dauðsfall aftur til lögreglu:
Skal rannsaka
andlátið betur
EFNAHAGSMÁL Tólf mánaða verð-
bólga mældist 5,3 prósent í
október og lækkaði um 0,4 pró-
sentustig milli mánaða. Vísitala
neysluverðs án húsnæðis hækkaði
um 5,0 prósent á tímabilinu en var
5,5 prósent í september.
Verðbólga var lág fyrstu þrjá
mánuði síðastliðins árs en hefur
síðan aukist hægt og bítandi.
Samkvæmt verðbólguspá Seðla-
bankans, sem kynnt var á mið-
vikudag, fer verðbólga hækkandi
næstu mánuði. Spáir bankinn að
verðbólga verði um 6 prósent á
fyrsta ársfjórðungi 2012 en fari
svo að lækka. - mþl
Nýjar tölur frá Hagstofunni:
Verðbólga nú
5,3 prósent
SPURNING DAGSINS
Skipholti 50b 105 Reykjavík