Fréttablaðið - 05.11.2011, Side 76

5. nóvember 2011 LAUGARDAGUR48
Inger Steinsson Inger Rós Ólafsdóttir Ólafur Örn Pétursson
ÚTFARARÞJÓNUSTA
Vönduð og
persónuleg
þjónusta
Sími: 551 7080 · 691 0919 · athofn@athofn.is · www.athofn.is
timamot@frettabladid.is
„Sigurður Árnason, tengdafaðir minn,
orti um málefni líðandi stundar, þó ekki
kvæði heldur var hann fyrst og fremst
maður tækifærisvísunnar,“ segir Einar
Sigurðsson, fyrrverandi landsbóka-
vörður, sem hefur tekið saman bókina
Nú kveð ég þig Slétta. Hún geymir vísur
eftir Sigurð Árnason frá Oddsstöðum á
Sléttu (1890-1979) auk viðtals sem tekið
var við hann áttræðan. Einar hefur líka
skrifað inngang og skýringar sem auð-
velda lesendum skilning á því sem fram
kemur bæði í kveðskapnum og viðtalinu.
„Sigurður er eftirminnileg persóna
og það vald sem hann hafði á mál-
inu er merkilegt því hann gekk aldrei
í skóla. Lærði bara að lesa hjá fóstru
sinni á Oddsstöðum og náði ótrúlegri
færni í skrift og meðferð tungumáls-
ins sem hann virðist mest hafa numið
af umhverfinu. Hann fékk skáldgáfuna
í vöggugjöf og stundaði yrkingar eins
og íþrótt, hafði næmt auga fyrir öllu
sem var gamansamlegt og skoplegt og
skemmti fólki með „vísu dagsins“ eins
og hann kallaði það. Hann orti til hinstu
stundar. Þess vegna heitir einn kafli í
bókinni Elli kerling. Í honum er margt
hnyttið en líka ýmislegt um æðstu rök
tilverunnar og þar kemur fram bæði sið-
ferðilegur og trúarlegur strengur,“ lýsir
Einar og fer með stöku.
Ég elskaði lífið og æskuna heitt
og aldrei mig vantaði þorið;
Ég vildi að ég skuldina gæti nú greitt
guði við síðasta sporið.
Siguður átti heima á Oddsstöðum fram
yfir þrítugt, kvæntist þá Arnþrúði
Stefáns dóttur frá Skinnalóni og þau
stofnuðu heimili á Raufarhöfn. Börn
þeirra urðu fimm og auk þess gekk Sig-
urður dóttur Arnþrúðar af fyrra hjóna-
bandi í föður stað. Í ellinni dvaldi hann
á heimili Einars og dóttur sinnar, Mar-
grétar Önnu, í Reykjavík, þar af í mörg
ár blindur.
„Meðan Sigurður var hjá okkur skrif-
aði ég á blaðsnepla vísur sem hann fór
með, bæði gamlar og nýjar,“ rifjar Einar
upp. „Þeim safnaði ég í skúffu en fyrir
fjórum árum fékk ég viðtal á diski sem
annar tengdasonur Sigurðar, Grímur
M. Helgason, hafði tekið við hann. Ég
skrifaði það upp og þá lifnaði sú hug-
mynd að gefa út þessa bók,“ segir Einar
og botnar viðtalið:
„Sigurður var frár á fæti alveg fram
að því að hann varð blindur og gat ekki
lengur farið hratt yfir. Svo var hann
aðlaðandi persónuleiki og skemmtilegur
samferðamaður.“ gun@frettabladid.is
EINAR SIGURÐSSON: TÓK SAMAN BÓK MEÐ VÍSUM TENGDAPABBA OG VIÐTALI
MAÐUR TÆKIFÆRISVÍSUNNAR
MEÐ NÝJU BÓKINA „Meðan hann var hjá okkur skrifaði ég á blaðsnepla vísur sem hann var að fara með, bæði gamlar vísur og svo var hann
alltaf að yrkja,“ segir Einar Sigurðsson, fyrrverandi landsbókavörður, um tengdaföður sinn, Sigurð Árnason. FRÉTTABLAÐIÐ/VALLI
47 HELGA BRAGA JÓNSDÓTTIR leikkona er 47 ára í dag.„Mikilvægast er að sjá það góða í náunganum og
sjálfum sér.“
Merkisatburðir
1848 Fyrsta fréttablaðið á Íslandi, Þjóðólfur, hefur göngu sína.
Það kemur út tvisvar til fjórum sinnum í mánuði til 1911.
1960 Ásgrímssafn er opnað í húsi Ásgríms Jónssonar listmálara
við Bergstaðastræti í Reykjavík.
1992 Á Alþingi er felld tillaga um þjóðaratkvæðagreiðslu um
inngöngu Íslands í Evrópska efnahagssvæðið.
1993 Fjöldi fólks bíður án árangurs eftir því að geimverur lendi
við Snæfellsjökul klukkan 21.07.
2006 Saddam Hussein, fyrrverandi forseti Íraks, og tveir af
helstu samstarfsmönnum hans eru dæmdir til dauða fyrir
glæpi gegn mannkyninu.
Jökulhlaup hófst úr Gríms-
vötnum í Vatnajökli þennan dag
árið 1996. Það var mikið að
vöxtum og hafði stórkostlegan
jakaburð í för með sér.
Gos hafði brotist upp úr
jöklinum, milli Bárðarbungu
og Grímsvatna rúmum mánuði
áður og sigketill myndast sem
hlaut nafnið Gjálp. Úr honum
rann vatnið í Grímsvötn.
Milli goss og hlaups hafði
verið unnið að því að styrkja
varnargarða og önnur mannvirki
á Skeiðarársandi. Þó fór svo að
brúin yfir Gígjukvísl sópaðist
burtu, þjóðvegurinn rofnaði
á stórum kafla og gríðarlegar
skemmdir urðu á brúnni yfir
Skeiðará. Því hófst mikið upp-
byggingarstarf þegar hamför-
unum linnti.
ÞETTA GERÐIST: 5. NÓVEMBER 1996
Stórt hlaup hófst úr Grímsvötnum
Innilegar þakkir sendum við öllum
þeim sem sýndu okkur samúð og hlý-
hug við andlát og útför föður okkar,
tengdaföður, afa og langafa,
Ingþórs Hallbergs
Guðnasonar.
Sérstakar þakkir fær starfsfólk lungnadeildar A-6
Landspítala í Fossvogi.
Ágúst Hjörtur Ingþórsson Hulda Anna Arnljótsdóttir
Björg Ingþórsdóttir Garðar Halldórsson
Ásdís Ingþórsdóttir Axel Viðar Hilmarsson
Alda Rún Ingþórsdóttir
barnabörn og barnabarnabörn.
Ástkær eiginmaður minn,
faðir okkar, tengdafaðir og afi,
Þorsteinn Björnsson
Bergstaðastræti 8, Reykjavík,
lést á heimili sínu hinn 1. nóvember.
Jarðarförin verður auglýst síðar.
Anna V. Heiðdal
Jón Örn Þorsteinsson
Ólína S. Þorvaldsdóttir
Ingvar Björn Þorsteinsson Sigríður Júlíusdóttir
Ólafur Gunnar Guðlaugsson Herdís Finnbogadóttir
Daníel Magnús Guðlaugsson Hafdís Guðmundsdóttir
og barnabörn.
Ástkær móðir okkar, tengdamóðir,
amma og langamma,
María Steingrímsdóttir
andaðist á heimili sínu, Hjúkrunarheimilinu Sóltúni,
þriðjudaginn 18. október. Útförin hefur farið fram frá
Fossvogskapellu. Innilegar þakkir eru færðar starfsfólki
í Sóltúni og Furugerði 1. Þeir sem vilja minnast hennar
láti minningarsjóð Hjúkrunarheimilisins Sóltúns njóta
þess.
Hjördís Guðrún Svavarsdóttir Gísli Steinar Jónsson
Hörður Svavarsson Díana Sigurðardóttir
Gunnar Svavarsson Hrönn Ásgeirsdóttir
barnabörn og barnabarnabörn.
Kona mín,
Guðrún Aðalheiður
Aðalsteinsdóttir
Hofakri,
verður jarðsungin frá Hvammskirkju laugardaginn
5. nóvember kl. 14.00.
Fyrir hönd aðstandenda,
Ástvaldur Elísson.
Okkar ástkæri
Sigurður Bergsson
vélfræðingur,
Norðurbakka 17A, Hafnarfirði,
lést þriðjudaginn 1. nóvember. Útförin fer fram þriðju-
daginn 8. nóvember kl. 13.00 frá Víðistaðakirkju í
Hafnarfirði. Þeim sem vilja minnast hans er bent á
Umhyggju, félag til stuðnings langveikum börnum.
Soffía Stefánsdóttir
Þór Sigurðsson Katrín Hrafnsdóttir
Bergur Már Sigurðsson
Anna Soffía Sigurðardóttir Jón Trausti Snorrason
Gunnar Thorberg Sigurðsson Edda Sólveig Gísladóttir
barnabörn og barnabarnabörn