Morgunblaðið - 04.03.2011, Qupperneq 20

20 | MORGUNBLAÐIÐ
Í
mörg ár hefur framboðið nánast
verið einskorðað við hraða og
óaðfinnanleg gæði, en um leið
hefur handverkinu verið ýtt svo-
lítið til hliðar. Við erum að end-
urvekja aldagamla og skemmtilega
prentaðferð,“ segir Ólöf Birna Garð-
arsdóttir.
Ólöf rekur ásamt Hildi Sigurð-
ardóttur hönnunarstofuna Reykja-
vík Letterpress. Þar fást þær stöllur
við grafíska hönnun og bjóða upp á
letterpress-prentun.
„Vélina keyptum við frá prentara
sem rekið hafði litla prentsmiðju í
bílskúrnum sínum í Kópavogi. Hann
var hættur með starfsemina en átti
þessa forláta Heidelberg-prentvél
handa okkur. Hann kenndi okkur á
vélina og hjálpaði okkur af stað, og
síðan gerist það í lok nóvember að
við flytjum prentvélina á vinnustofu
okkar í Lindargötunni. Er skemmst
frá því að segja að vélin er búin að
vera nánast í stöðugri notkun síð-
an.“
Áþreifanleg prentun
Í letterpress-prentun er notast
við lausaletur eða prentplötur sem
er svo þrykkt á pappírinn. „Við
vinnum letur og grafík í tölvunni og
látum síðan útbúa svokallaðar klisj-
ur sem settar eru í prentvélina. Þar
sem letrinu er þrykkt í pappírinn
kemur djúp og áþreifanleg áferð
sem fæst ekki með venjulegri off-
sett- eða digitalprentun,“ útskýrir
Ólöf. „Það má líkja þessari prent-
aðferð við sparifötin: hún gefur
ákveðinn karakter. Hægt er að fá
bæði mjög hráa og fínlega áferð
og skemmtilegir „núansar“ koma
með letterpress-aðferðinni.“
Ólöf bendir á hvernig má síðan
tvinna saman nýjustu prenttækni
og letterpress-prentun með því
t.d. að prenta ljósmynd í staf-
rænni prentvél og „kósa“ eða
hnýta saman við örk sem prentuð
er með letterpress-tækninni.
„Hægt er að prenta óteljandi liti í
letterpress-vél, en við getum að-
eins prentað einn lit í einu,“ segir
Ólöf. „Prentvélin sem við erum
með tekur ekki mikið stærri
arkir en A4, sem er reyndar
feikinóg fyrir flesta enda þessi
prentaðferð mest notuð fyrir
boðskort, nafnspjöld og alls
konar skemmtilega smáhluti.“
Veislan byrjar
með boðskortinu
Vestanhafs er letterpress-
prentun sérstaklega vinsæl
þegar prenta á boðskort fyrir
hverskonar hátíðleg tækifæri.
„Þar hefur átt sér stað mikil
gróska í prentun af þessu tagi
og við sjáum ákveðna end-
urvakningu hér líka. Við höfð-
um áhyggjur af því í upphafi að
þurfa að hafa mikið fyrir að
koma þjónustunni á framfæri
en raunin hefur verið að bæði
auglýsingastofur og ein-
staklingar hafa verið mjög dug-
legir að koma til okkar að eigin
frumkvæði og skoða möguleika
þessarar prentaðferðar.“
Vandað og aðlaðandi boðskort
skiptir líka meira máli en margur
myndi halda. „Boðskortið gefur á
vissan hátt tóninn fyrir veisluna,
hvort sem um er að ræða ferming-
arboð eða annað tilefni. Gestirnir
setja sig hreinlega í aðrar stellingar
ef boðskortið er þesslegt og fólk
mætir allt öðruvísi stemmt til veisl-
unnar,“ segir Ólöf. „Langflottast er
svo ef boðskortin mynda hluta af
heildarútliti veislunnar. Við yfirfær-
um hönnunina á kortinu á t.d. serví-
ettur, skreytingu í sal, nafnamerk-
ingar og sætaskipan og á matseðla á
veisluborði. Við höfum t.d. útbúið
litla fána með nöfnum brúðhjóna og
dagsetningu og stungið í bollakökur,
létum útbúa sérmerkt eldspýtnabréf
og blöðrur í stíl. Það eru oft þessir
litlu hlutir sem gera svo mikið fyrir
góða veislu.“
ai@mbl.is
Nýtt fyrirtæki í Þingholtunum prentar boðskort fyrir fermingar og flest önnur tilefni.
Notuð er gömul prentaðferð sem gefur skemmtilega áferð.
Morgunblaðið/Kristinn
Flott Kortin hluti af heildarútliti veislunnar, segja Ólöf Birna Garðarsdóttir og Hildur Sigurðardóttir
Stíll Lett-
erspress er
gömul aðferð.
Morgunblaðið/Kristinn
Stíll Útfærslur eru margar.
Morgunblaðið/Kristinn
Lettersprent Mörg handtök við
prentið en útkoman skemmtileg.
Aðferð
Stíllinn er
gamaldags
en útkoman
er glæsileg.
Áprentuð munnþurrka er minjagripur
Það er ekki bara hægt að prenta boðskort í letterpress-prentvél. „Við höfð-
um hugsað okkur að prenta jólakort fyrir síðustu jól en það náðist ekki
vegna flutninganna. Þess í stað prentuðum við á sérvíettur okkar eigin
hönnun og það gerði mikla lukku,“ segir Ólöf en servíettuprentunin fer
fram í lítilli handknúinni prentvél sem fylgdi með í kaupunum á letterpress-
vélinni. „Við merktum á servíetturnar búta úr vinsælum jólalögum og voru
20 mismunandi servíettur í hverjum pakka. Okkur skilst að þar sem þessar
sérvíettur hafi verið á borðum hafi gestir verið mjög gjarnir á að bresta í
söng. Fyrir áramótin sendum við svo frá okkur servíettur þar sem matar-
gestir gátu gert upp árið með hjálp spurninga sem voru einnig 20 mismun-
andi í hverjum pakka. Núna erum við að undirbúa prentun á málshátt-
arservíettum til þess að nota á páskunum.“
Að prenta nafn fermingarbarnsins á munnþurrkurnar í fermingarboðinu
er skemmtileg hefð. „Ég hreinlega veit ekki hvort þetta tíðkast annars
staðar, en hitt veit ég að margir líta á þetta sem ómissandi hluta af veisl-
unni og spara margt annað við sig áður en hætt er við áprentuðu servíett-
urnar,“ segir Ólöf. „Ekki síst held ég að fólk haldi í þessa hefð því þannig
geta gestirnir tekið með sér lítinn minjagrip um daginn.“
Boðskortið gefur
tóninn fyrir veisluna ’
Við erum að
endurvekja
aldagamla og
skemmtilega
prentaðferð

 



 

sushismiðjan

  

 

   
VEISLUBAKKAR
PANTANIR Í SÍMA
517 3366
WWW.SUSHISMIDJAN.IS