Morgunblaðið - 04.03.2011, Blaðsíða 22

22 | MORGUNBLAÐIÐ
E
in af þeim verslunum sem hefur lagt mikla áherslu á
fermingarkrakkana er Gallerí Sautján en verslunin hefur
boðið upp á fermingarfatalínur í yfir tuttugu ár. „Línan
hjá okkur hefur aldrei verið stærri,“ segir Gunnlaugur
Bjarki Snædal, rekstrarstjóri hjá Gallerí Sautján, um
fermingarstrákalínuna í ár.
„Við erum með jakkaföt en líka staka jakka og stakar buxur,“
segir hann og bendir á að til dæmis geti strákarnir verið í svörtum
gallabuxum við jakka en þær eru til í nokkrum mismunandi snið-
um.
„Flestir eru spenntastir fyrir jakkafötunum. Kryddið hjá strák-
unum er aðallega að setja á sig litaða slaufu, vasaklút, axlabönd
eða hatt. Við erum líka með nokkrar gerðir af vestum,“ segir hann
og bætir við að líka séu til sölu þriggja hluta föt, buxur, vesti og
jakki í anda bannáranna og þáttanna Boardwalk Empire.
Fermingarstrákar eru af ýmsum stærðum og gerðum og leggur
Sautján sig fram við að sinna þeim öllum. „Það er oft erfitt fyrir
þessa stráka að finna föt á sig. Sumir eru ennþá krakkar á meðan
aðrir eru fullvaxta og stærðarbilið mikið,“ segir hann og segir
strákana flotta í jakkafötum búðarinnar. „Þetta eru ekki míní-
kallaföt. Mér finnst það mjög mikilvægt.“
Fylkismaður með appelsínugult bindi
Gunnlaugi Bjarka finnst líka mikilvægt að leyfa strákunum að
velja úr breiðri línu í stað þess að troða einhverri einni tísku upp á
þá.
Honum finnst gaman að fá þennan hóp í verslunina og finnst
þetta skemmtilegt tímabil. Umfram allt þarf að sinna ferming-
arbarninu en foreldrarnir þurfa líka að vera ánægðir. „Strákarnir
fá eitthvað við sitt hæfi en foreldrarnir þurfa líka að sjá notagildið.
Eins og með stakar buxur, þær er hægt að nota seinna í skólann.
Við höfum fengið góð viðbrögð við línunni í ár,“ segir hann en
aukahlutirnir koma í mörgum litum. „Til dæmis gæti Fylkismaður
fengið sér appelsínugult bindi eða slaufu,“ segir hann.
Hvað stelpurnar varðar eru kjólar áberandi í fermingarlínunni
hjá Sautján í ár og þá einkum í svörtu, hvítu, drapplituðu og
bleiku. Efnin eru úr blúndu eða léttu „chiffoni“. Kjólarnir eru í
anda sjöunda áratugarins og eru fylltir hælaskór eftirsóttir.
Sækjast eftir kjólum
Gyllti kötturinn hefur líka verið vinsæll hjá fermingarstelp-
unum. „Þær hafa mikið komið hingað, töluvert meira en fyrri ár,“
segir Hafdís Þorleifsdóttir eigandi verslunarinnar, sem selur bæði
ný og notuð föt.
„Þær eru eingöngu að leita að kjólum. Þær vilja ekki svart. Þær
velja ferskjulitað, drapplitað og rautt,“ segir hún um nýju fötin í
búðinni.
„Margar kaupa líka „vintage“-kjóla og breyta þeim,“ segir hún.
Hafdís segir líka að stelpurnar vilji alls ekki of stutta kjóla.
„Síddin sem þær vilja er yfirleitt rétt fyrir ofan hné. Stelpurnar
eru orðnar dömulegri.“
Líkt og í Sautján eru blúndurnar allsráðandi sem og chiffon-
efni.
„Einu sinni vildu mömmurnar að stelpurnar færu í dragtir en
núna er ekki einu sinni spurt um þær,“ segir Hafdís og segir að
lokum að það ríki ákveðin stemning í versluninni í kringum þenn-
an árstíma. „Þetta er skemmtilegur tími en sérstakur og það þarf
að gera bæði foreldrum og stelpunum til hæfis. Okkur finnst mik-
ilvægast að stelpurnar séu hamingjusamar því þetta er nú ferm-
ingardagurinn þeirra.“
ingarun@mbl.is
Dásamlegar
dömur og
skreyttir strákar
Fermingarstelpurnar eru hrifnar af blúndum og
léttum efnum á meðan fermingarstrákarnir
skreyta sig með slaufum, axlaböndum og höttum.
Notadrjúg Þessi
föt úr Sautján
hafa margvíslegt
notagildi eftir
fermingardaginn.
Gyllti kötturinn Þessi versl-
un við Austurstræti selur
bæði ný og notuð föt.
Morgunblaðið/Sigurgeir S
Gallerí Sautján
Blúndurnar
eru vinsælar
hjá stelpunum
og slaufurnar
hjá strákunum.Glæsilegur
kvenfatnaður
á góðu verði
Stærðir 36-56
Bláu húsunum Faxafeni, s. 588 9925
www.emilia.is