Morgunblaðið - 04.03.2011, Síða 28

28 | MORGUNBLAÐIÐ
Gefðu öðruvísi
fermingargjafir
Stórhöfða 25 • 569 3100
eirberg.is
Opið virka daga kl. 9 -18
og á laugardögum kl. 11 -16
Handsnyrtisett
• 12 mismunandi hausar
• Naglalakksþurrkari
HandaSpa
• Handsnyrting
• 12 mismunandi hausar
• Vatnsbað
• Naglalakksþurrkari
Stækkunarspegill
• Með ljósi
• Fimmföld stækkun
Sunrise vekjaraklukka
Kveikir smátt og smátt á náttborðs-
lampanum. Útvarp og náttúruhljóð.
Varpar klukkunni í loftið
A
ð fermingarbörn klæðist
kyrtli á deginum stóra
byggir á tæplega sextíu
ára hefð hér á landi. For-
sagan er sú að 1954 sendu
prestar Akureyrarkirkju frá sér
orðsendingu þar sem fram kom að
nota skyldi sérstaka búninga fyrir
fermingarbörnin það vorið.
Róta þessa er þó lengra að leita.
Séra Friðrik J. Rafnar, sem lengi
var sóknarprestur á Akureyri, hafði
sjálfur árið 1906 séð börn í ferming-
arkyrtlum í Edinborg í Skotlandi og
líkað vel. Sagði hann notkun á ferm-
ingarkyrtlum hafa þríþætt ágæti. Í
fyrsta lagi gerði það fermingar-
athöfnina hátíðlegri að börnin séu
klædd hvítum skikkjum, í annan
stað sæi þá enginn efnalegan mis-
mun þeirra og í þriðja lagi yrði
þetta til að draga úr kostnaði for-
eldra við fermingu barna sinna og
kæmi í veg fyrir að fermingar-
athöfnin yrði nokkurs konar tísku-
sýning.
Fyrstur, að því er talið er, til þess
að bera upp hugmyndina um ferm-
ingarkyrtla er sr. Jón M. Guð-
jónsson, þá sóknarprestur á Akra-
nesi. Hugmyndin er þó líklega
komin frá Noregi og í Æskulýðs-
félagi Akureyrarkirkju var um 1950
nefnt að dómkirkjan í Ósló hefði
verið fyrst til þess að nota ferming-
arkyrtla og að Sandvíkurkirkja í
Bergen hefði fylgt í kjölfarið. Nú
færi þessi siður eins og eldur í sinu
um allan Noreg og reikna mætti
með að fljótlega myndu allar kirkjur
þar í landi nota fermingarkyrtla.
Og svo fór, að því er fram kemur
á vefsetrinu kirkjan.is, að Íslend-
ingar helguðu sér sið þennan. Vorið
1954 fermdust fyrstu íslensku börn-
in í fermingarkyrtlum í Akureyr-
arkirkju og í Lögmannshlíðarkirkju
í Kræklingahlíð skammt utan við
Akureyri.
Hvítur hreinleiki
Hönnun fermingarkyrtilsins er
ekki tilviljun. Hann er hvítur sem
merkir hreinleikann. Er síður niður
á hæla og á þannig að minna á
skírnarkjólinn. Með því er kyrtillinn
tilvísun í skírnina og felur í sér að
fermingin grundvallist á skírninni.
Að börnin fermist um fjórtán ára
aldurinn er ekki tilviljun heldur.
Fermingin er gömul kirkjuleg at-
höfn sem var framkvæmd af bisk-
upum fyrir siðbreytinguna á 16. öld.
Latneskt heiti hennar er confirma-
tio, og merkir staðfestingu skírn-
arinnar sem Jesús Kristur stofnaði
til eða aðild að samfélagi heilagra.
Er þannig gagnkvæm staðfesting
kirkju og barns á skírninni, yfirlýs-
ing um áður gerðan sáttmála um að
einstaklingurinn sé guðsbarn sem
lifi í náð og fyrirgefningu og hún er
gerð á þeim tímamótum þar sem
einstaklingur hættir að vera barn
og býr sig undir að verða fullorðinn.
Þá kemur yfirlýsingin fram þegar
barnið hefur eflst vitsmunalega og
sjálfstæði þess og hugsun hefur náð
nýju þrepi. Líkaminn hefur breyst
og kynþroskinn á sér stað, þannig
að segja má að ný kynslóð hafi kom-
ið fram.
sbs@mbl.is
Morgunblaðið/Árni Sæberg
Kyrtlarnir hvítu og
Guðsbörnin í náðinni
Fermingarkyrtla eiga
langri hefð. Hvítar
skikkjur hreinleikans
daga úr mismunun.
Sjálfstæði og þroski
Mátun Kyrtlarnir mátaðir fyrir fermingarathöfn í Bústaðakirkju í Reykjavík vorið 1989. Tískan breytist en hvíta skikkjan er alltaf eins.
Hátíð Fermingardagurinn er
gleðistund barns og fjöl-
skyldu - og kyrtlarnir setja
sterkan svip á athöfn dags-
ins. Frá fermingu í Grafar-
vogskirkju í Reykjavík.