Morgunblaðið - 04.03.2011, Qupperneq 34

34 | MORGUNBLAÐIÐ
Þ
að er yfir hundrað ára
hefð hér á landi að senda
símskeyti á hátíðisdögum.
Hefðin lifir góðu lífi enn
þann dag í dag og mikið
að gera við móttöku og afhendingu
skeyta, s.s. í kringum útskriftir,
brúðkaup og svo auðvitað ferming-
arnar,“ segir Ágústa Hrund Stein-
arsdóttir, forstöðumaður markaðs-
deildar Íslandspósts.
Ágústa áætlar að send séu átta
þúsund heillaóskaskeyti til ferm-
ingarbarna ár hvert sem gerir að
jafnaði um og yfir tvö skeyti á
hvert fermingarbarn. Ágústa segir
að eflaust hafi hefðin orðið til á
þeim tíma þegar ættingjar áttu oft
erfitt með að ferðast um langan
veg til að samgleðjast ferming-
arbarninu. Í dag nota margir ætt-
ingjar skeytin á sama hátt til að
taka þátt í fermingunni ef þeir
geta ekki komist í eigin persónu.
„Gaman er að sjá hvernig bæði
fermingarbarnið og gestirnir halda
upp á skeytin. Þau eru gjarnan
höfð á áberandi stað og oft lesin
fyrir viðstadda um leið og þau ber-
ast,“ lýsir Ágústa. „Auk þess að
skrifa stutta kveðju þá leggja
sendendur það oft á sig að velja
stutt ljóð sem hæfir tækifærinu,
eða láta fljóta með heilræði handa
fermingarbarninu til að fylgja því
út í lífið.“
Kveðja sem fólk geymir
Og símskeyti eru ólík öðrum
kveðjum. „Að fá símskeyti er
óneitanlega hluti af stemningu
dagsins, og svo er þetta auðvitað
mjög varanleg kveðja. Það er
ágætt að fá SMS, tölvupóst eða
kannski kveðju á Facebook í tilefni
af fermingunni, en símskeytin eru
eitthvað sem maður á alltaf. Sjálf á
ég enn mín fermingarskeyti og
margir geyma þau alla ævi með
gestabókinni, ljósmyndum og öðr-
um minjagripum frá þessum stóra
degi.“ Þó skeytasendingahefðin sé
gömul er ekki þar með sagt að
skeytin breytist ekki í takt við tím-
ann.
Árið 2008 byrjaði Íslandspóstur
að bjóða upp á skeyti þar sem
sendandinn getur sett inn eigin
myndskreytingu. „Fram að því
valdi sendandinn úr fjölda ljós-
mynda af lista, og getur enn, en nú
má líka setja inn eigin stafrænu
ljósmynd á skeytið. Í staðinn fyrir
að velja mynd úr safni okkar af
kerti, blómi eða biblíu má kannski
setja eina góða af ferming-
arbarninu á yngri árum, eða ein-
hverju öðru skemmtilegu sem
tengist deginum,“ segir Ágústa.
Annað sem hefur breyst, en fáir
vita kannski af, er að sú tíð er liðin
að borgað sé fyrir hvert sent orð.
„Já, það var víst þannig í gamla
daga að ef heillaóskaskeytið var
stutt þá vissirðu að sendandinn var
að spara,“ segir Ágústa og hlær. „Í
dag er í boði þrenns konar verð
eftir því hvort skeytið er pantað
með símtali í 1446 eða yfir netið,
og hvort sendandinn setur inn eig-
in ljósmynd, en lengd kveðjunnar
ræðst af plássinu á sjálfu skeyt-
inu.“
ai@mbl.is
Fermingar-
skeytin
ómissandi
hluti af
deginum
Oft fylgir með kveðjunni fallegt ljóð eða heilræði fyrir líf-
ið framundan. Sendendur geta valið mynd úr safni eða
sett sína eigin stafrænu ljósmynd á skeytið.
Morgunblaðið/Sigurgeir S
Skeyti Ágústa Hrund Steinardóttir hjá Símanum segir falleg fermingarskeyti hluta af stemningu dagsins.
Skeyti sem berast fyrir kl. 15 eru afhent samdægurs á höfuðborgarsvæð-
inu, en ef fermingin fer fram úti á landsbyggðinni er vissara að hafa sóla-
hringsfyrirvara á skeytinu til að tryggja afhendingu á réttum tíma.
Skilafrestur skeyta
Fermingargjöf sem gefur
Fermingarskeyti eða gjafabréf frá Hjálparstarfi kirkjunnar er gjöf
sem heldur áfram að gefa. Fermingarbarnið fær skeytið eða bréfið
í hendurnar en andvirðið rennur til jafnaldra fermingarbarnsins
sem býr við fátækt.
Sendu skeyti, það kostar 1.990 kr.
Eða gefðu fermingargjafabréf að upphæð 5.000 kr.
Þú færð skeytin og gjafabréfin á www.gjofsemgefur.is
eða pantar þau á skrifstofunni okkar, 528 4400.
Þú prentar út, sækir til okkar – eða við sendum fyrir þig.
Einfalt og gleðilegt.
Óskalistinn minn:
Rúm
Myndavél
Svefnpoki
Ipod
Webcam
Handklæði
Teppi
Orðabók
Hálsmen
Svo væri gaman að fá
pening og „Gjöf sem
gefur“. Mig langar til
að einhver sem er ekki
eins heppinn og ég fái
að njóta með mér.
www.gjofsemgefur.is
Við systkinin erum munaðarlaus.
1.990 kr. fermingarskeyti á
Íslandi dugar fyrir 4 hænum.
Þær gefa okkur fullt af eggjum.
Eða við gætum fengið sparhlóðir.
Þá færi ekki allur dagurinn í að
leita að eldsneyti og við
hefðum meiri tíma til að læra.
5.000 kr. gjafabréf á Íslandi
myndi gefa okkur 2 geitur.
Namm! Mjólk og kjöt, ekki
lengur bara maísgrautur!
Eða kannski reiðhjól. Þá
kæmist ég á markað með
uppskeruna okkar og við
fengjum pening fyrir ýmsu
sem okkur vantar.
Óskalistinn minn: