Morgunblaðið - 04.03.2011, Síða 50

50 | MORGUNBLAÐIÐ
É
g tók við þjónustu sem
prestur Óháða safnaðarins
árið 1995 og ákvað þá strax
að breyta formi fermingar-
undirbúnings. Sú hugmynd
mín, að flytja fræðsluna inn á heim-
ilin fékk strax góðar undirtektir.
Raunar hefur aldrei komið til þess að
foreldrar eða börnin hafi skorast úr
leik,“ segir séra Pétur Þorsteinsson.
Prestaskóli í Vatnaskógi
Fermingarbörnin í Óháða söfn-
uðinum þetta vorið eru sautján tals-
ins. Eitt er búsett erlendis og fær
undirbúning fyrir stóru stundina hjá
presti í búsetulandi sínu og tekur því
ekki þátt í hinni hefðbundnu ferm-
ingarfræðslu vetrarins.
„Það ég best veit hefur enginn
prestur þann hátt á að fræðslan,
prestaskólinn eins og ég kalla þetta
stundum, sé inni á heimilunum. Ann-
ars staðar er þetta stund í kirkjunni
eða skólanum einu sinni í viku. Í
flestum kirkjum og söfnuðum er sá
háttur hafður á að fermingarbörnin
fari með prestinum í sumarbúðir í
Vatnaskógi einu sinni á vetrinum.
Þar eigum við lengri stund saman.
Förum yfir námsefnið og ræðum um
inntak trúarinnar og það hefur gefist
mjög vel. Sé farið aðeins út fyrir bæj-
armörkin og í annað umhverfi skap-
ast oft létt og óþvinguð stemning,“
segir Pétur.
Góður tímapunktur
Fermingar í kirkju Óháða safn-
aðarins þetta vorið fara fram 27.
mars og 17. apríl sem er pálma-
sunnudagur. Pétur hefur haft þann
hátt á að heimsækja öll fermingar-
börn sín á deginum stóra og færa
þeim að gjöf bænabók, ferming-
arskjal og sögu safnaðarins óháða,
sem stofnaður var árið 1950.
„Mér finnst gaman að fylgja
krökkunum eftir; líta inn hjá þeim og
fólkinu þeirra á þessum fallega degi –
og fá svartbaunaseyði og kransæða-
kítti,“ segir Pétur sem hóar hópnum
aftur saman að þremur, fimm, átta
og tíu árum liðnum. Koma þá þeir
sem heimangengt eiga og bera sam-
an bækur sínar, meðal annars um
hvernig efni fermingarfræðslunnar
hafi nýst sér sem veganesti á lífsins
leið.
„Ég held að fjórtán ára aldurinn sé
á margan hátt góður tímapunktur
fyrir krakkana til að fermast. Á því
aldursskeiði eru þau á fullu að taka
út sinn þroska og eru um margt
gagnrýnin á tilveruna – enda koma
krakkarnir oft með afar skemmti-
legar glósur í fermingarfræðslunni
sem aftur gefur umfjöllunarefni
dagsins alveg nýja vídd.“
sbs@mbl.is
Enginn hefur skorast úr leik
Fræðslan á heimili
barnanna. Sautján börn
fermast þetta vorið hjá
Óháða söfnuðinum, þar
sem starfið er um margt
með óvenjulegum hætti.
Morgunblaðið/Árni Sæberg
Prestaskóli Fermingarbörnin í Óháða söfnuðinum hittast hálfsmánaðarlegar yfir veturinn heima hjá einhverju úr þeirra hópi. Hér er hópur þessa vors og presturinn fyrir miðri mynd.
Morgunblaðið/Árni Sæberg
Prestur Sr. Pétur Þorsteinsson fermir sautján börn í vor.
„Fermingarfræðslan hófst 25.
september og við höfum hist
annan hvern laugardag síðan. Í
nóvember fórum við í tveggja
daga fræðsluferð í Vatnaskóg
jafnframt því sem við höfum
mætt reglulega í messur í vet-
ur,“ segir Sylvía Torfadóttir Hall.
Hún er ein af ungmennunum
sem hafa mætt í ferming-
arfræðslu við Óháða söfnuðinn í
vetur.
„Krakkarnir sem eru með mér
í fermingarfræðslunni koma af
öllu höfuðborgarsvæðinu; úr
Breiðholti, Grafarvogi, Kópavogi
og víðar að. Mér líkar þetta
mjög vel, með þessu móti kynn-
ist maður nýjum krökkum, öðr-
um en bara skólafélögum eða
þeim sem eru í hverfinu mínu.
Mér finnst líka skemmtilegt að
við hittumst í heimahúsum en
ekki kirkjunni. Með því verða
umræðurnar á margan hátt
óþvingaðri og eru oft afar
skemmtilegar,“ segir Sylvía.
Á fjölmörgu er tæpt í ferm-
ingarfræðslunni – ekki síst í
samræðum barna og prests.
„Þetta er áhugavert. Maður
lærir um hvað trúin snýst um.
Það er alltaf hægt að treysta
Guði, sem elskar okkur skilyrð-
islaust, og elska. Það líður ekki
öllum vel í dag en hjá Guði er
alltaf hægt að eiga öruggt skjól,
hvað sem gengur á,“ segir
Sylvía.
Trúin er
áhugaverð
Morgunblaðið/Árni Sæberg
Ást Guð elskar okkur skilyrðislaust, segir fermingarstúlkan Sylvía Hall.
LAURA ASHLEY
Faxafeni 14 108 Reykjavík S:5516646
Fermingargjafir
í miklu úrvali...