Saga - 2005, Qupperneq 168

Sögu ehf. Texti og fróðleikur um jökla: Helgi Björnsson. Annar texti:
Inga Jónsdóttir o.fl. Kvikmyndaefni: Saga film ehf. Smíði og uppsetn-
ing leikmynda: Sviðsmyndir ehf. Íshellir: Gerð, uppsetning, lýsing og
hljóðhönnun: Janvs Design, Simon Hill. Prentun stórra ljósmynda:
Frank og Jói ehf. Prentun á gler: Merking ehf.
Á Austurlandi er að finna fjölbreyttar sögusýningar. Frá Höfn í
Hornafirði að Vopnafirði voru starfræktir árið 2005 nærri tveir tug-
ir sögusafna, safnvísa, sögusýninga og sögusetra. Fjórðungurinn
nýtur þess að snemma var farið að huga að skipulagi safna í þess-
um landshluta. Í bæklingi um Tækniminjasafn Austurlands frá ár-
inu 1995 segir m.a. um þetta: „Á aðalfundi sínum árið 1971 skipaði
Samband sveitarfélaga á Austurlandi (SSA) safnanefnd að tillögu
Hjörleifs Guttormssonar og skyldi hún skoða stöðu safnamála í
fjórðungnum og gera tillögu um skipan þeirra. Þær tillögur komu
fram á aðalfundi SSA árið eftir og var Safnastofnun Austurlands
komið á fót til að annast minjavörslu og heildarskipulagningu
safnavinnu í fjórðungnum. Mun sú skipan safnamála einstök hér á
landi og þótt víðar væri leitað og lýsir mikilli framsýni.“1 Vissulega
var þetta fyrirhyggja og hefði mátt standa svona að málum í fleiri
landshlutum en arfur þessa skipulags birtist í mörgum og ólíkum
sögusýningum á Austurlandi.
Nokkrar austfirskar sýningar hafa nýlega tekið talsverðum breyt-
ingum. Um þrjár þeirra verður fjallað stuttlega í þessari sjónrýni.
Hér er ekki ætlunin að fjalla um sýningar í fjórðungnum í heild
heldur að vekja athygli lesenda á nýlegum endurbótum á sýning-
um á Seyðisfirði, Reyðarfirði og Hornafirði.
Tækniminjasafn Austurlands
Tækniminjasafn Austurlands á Seyðisfirði var formlega stofnað
árið 1984 en í tengslum við skipulagningu safna á Austurlandi
hafði safnanefnd SSA áður lagt til að stofnað yrði símaminjasafn á
Seyðisfirði. Árið 1976 fékk Seyðisfjarðarkaupstaður Wathneshúsið
að gjöf frá samgönguráðuneytinu undir safn en í húsinu hafði ver-
ið ritsímastöð í nærri sjötíu ár. Bæjarstjórn Seyðisfjarðar fluttist hins
vegar í húsið um sama leyti og söfnun muna hófst. Á næstu árum
var unnið að uppbyggingu safns og á 100 ára afmæli Seyðisfjarðar-
E G G E RT Þ Ó R B E R N H A R Ð S S O N168
1 Jóhann Grétar Einarsson og Ragnheiður H. Þórarinsdóttir, Tækniminjasafn
Austurlands. Seyðisfirði. [Sýningarbæklingur. Seyðisfjörður] 1995, [bls. 2].
Saga haust 2005-NOTA 23.11.2005 20:10 Page 168