Saga - 2005, Qupperneq 171

Ný sýning, 14 ár — Innreið nútímans, var einmitt opnuð á efri hæð
Wathneshússins snemmsumars 2004 en hún „beinir sjónum að
heimastjórnarárunum 1904–1918 og er saga fjarskipta þar mjög
áberandi.“5 Sýningin byggist að hluta til á eldri sýningu því að eðli-
lega eru ýmsir gripir hinir sömu, og ljósmyndastofan og sjúkrastof-
an eru á sínum stað. Hins vegar er framsetning efnis nú mun skýr-
ari en áður og augljóst að aðstandendur sýningarinnar hafa pælt í
því hvernig hentugast væri að nálgast viðfangsefnið innan þess
margskipta rýmis sem einkennir Watneshúsið. Unnið er út frá þem-
um og framsetningin byggist á því sem kalla má vitsmunalega upp-
lifun þar sem megináherslan er lögð á hefðbundna fræðslu og þá
oftast í formi texta og muna í samspili við annað efni. Á eldri sýn-
ingunni virtist tilviljun ráða fullmiklu um það hvaða gripir voru til
sýnis, hvar þeir voru og hvað um þá var sagt. Á nýju sýningunni
eru ljósmyndir mun fleiri en áður og sumar margfalt stærri. Þá eru
ýmsir nýir gripir til sýnis í viðeigandi samhengi og með hæfilegum
skýringum. Komið er sjónvarp í sérherbergi með athyglisverðri
heimildarmynd eftir Bohuslav (Woody) Vasulka og Steinunni
Bjarnadóttur um einn dag á Seyðisfirði þar sem síldarverkun og
daglegt líf fólksins á „planinu“ er í fyrirrúmi. Í herberginu er einnig
boðið upp á uppflettiefni. Búið er að mála einstaka veggi í áberandi
lit og þannig reynt að afmarka betur tiltekna efnisþætti. Ýmsa
merkisgripi má snerta og boðið er upp á lifandi leiðsögn. Þannig
hefur orðið endurreisn miðað við fyrri sýninguna í Wathneshúsi.
Sýningin er gestum til fróðleiks og ánægju. Flestar myndir og
munir á henni eru frá árabilinu 1906–1920. Við fyrstu sýn gæti þó
virst sem skerpa þyrfti tímasamhengi hennar þar sem sumar mynd-
ir og gripir eru augljóslega utan heimastjórnartímans. Þessi nálgun
helgast m.a. af því að „innreið nútímans“ er fylgt eftir „þar sem
tækninýjungar með símann í broddi fylkingar opnuðu nútímanum
leið inn í landið og juku mönnum bjartsýni og þor“, eins og segir í
kynningarbæklingi safnsins.6 Á heimastjórnarárunum var grunnur
lagður að rafvæðingu og frekari tækniþróun og þessi þráður er rak-
inn á nokkrum stöðum á sýningunni. Hins vegar mætti kynna gest-
um betur að nútímavæðingunni sé meðvitað fylgt eftir. Þá getur
T Æ K N I — S T R Í Ð — Í S 171
5 Tækniminjasafn Austurlands. Vefslóð: http://www.tekmus.is → Íslenska →
Aðgangur → Gamla símstöðin.
6 Tækniminjasafn Austurlands. Seyðisfirði. Gamla símstöðin — Wathneshúsið. [Sýn-
ingarbæklingur] (Seyðisfjörður 2005), [bls. 2].
Saga haust 2005-NOTA 23.11.2005 20:10 Page 171