Saga - 2005, Side 173

verið álitamál hversu mikið efni eigi að setja á einstaka veggi eða
vegghluta, t.d. mætti einfalda framsetningu á veggnum þar sem
fjallað er um starf símritarans.
Í sumarbyrjun 2003 var opnuð sýningin Vjelasmiðja Jóhanns Hans-
sonar. Í henni eru þræddar talsvert aðrar leiðir en í 14 ár — Innreið
nútímans í Wathneshúsi. Unnið er út frá tilfinningalegri upplifun og
þar er takmarkaðan skýringartexta að finna. Raunar mættu skýr-
ingarmiðarnir í málmsteypunni missa sín því að þeir eru óþarfa ut-
anaðkomandi áreiti í tilfinningalegu rými. Sjá má ýmsan vélbúnað
eins og var í notkun á fyrstu áratugum 20. aldar en jafnframt er lít-
il leikmynd í verkfæraherbergi þar sem gína er notuð. Sýningunni
er ætlað að vera „lifandi og leitast [er] við að endurvekja andrúm
tímans sem fjallað er um.“7 Þetta tekst prýðilega því að gesturinn
getur lifað sig inn í liðna tíð, ekki síst þegar vélar eru settar af stað
eða unnið er í eldsmiðjunni.
Nálgun efnis og framsetning í Wathneshúsi og Vjelasmiðjunni er
ólík, annars vegar vitsmunaleg og hins vegar tilfinningaleg. Auk
þess er safnasvæðið sjálft kapítuli út af fyrir sig með sínum gömlu
húsum, bátum og bryggju. Allt gerir þetta að verkum að áhugavert
er að sækja Tækniminjasafn Austurlands á Seyðisfirði heim.
Íslenska stríðsárasafnið
Íslenska stríðsárasafnið á Reyðarfirði var opnað árið 1995 „í þeim
tilgangi að gera fólki kleift að ferðast aftur til daga hersetunnar og
ýmist rifja upp gömul kynni eða stofna til nýrra. Megináhersla er
lögð á lífið á stríðsárunum og áhrif hersetunnar á íslensku þjóðina.
Sýningar safnsins snúast um að koma þeim til skila á lifandi og
skemmtilegan hátt.“8 Fljótlega eftir að Íslenska stríðsárasafnið tók
til starfa var opnuð sýning í svokölluðum Spítalakampi þar sem
gestum gafst m.a. kostur á að skoða loftvarnarbyrgi, bragga, „fish
and chips“-hús ásamt ýmsum gömlum munum og fjölda mynda.9
Á næstu árum var bætt við gripum en margar tiltölulega smáar
ljósmyndir frá stríðsárunum voru þó áberandi á sýningunni ásamt
leikmynd af lífinu í bragga sem var stúkuð af með keðjum.
T Æ K N I — S T R Í Ð — Í S 173
7 Tækniminjasafn Austurlands. Vefslóð: http://www.tekmus.is → Íslenska →
Aðgangur.
8 Íslenska stríðsárasafnið. Vefslóð: http://fjardabyggd.is/ → Lífið í Fjarðabyggð
→ Söfn og sýningar → Íslenska stríðsárasafnið á Reyðarfirði.
9 Morgunblaðið 6. júlí 1995, bls. 19. („Sýning verður í sumar á stríðsminjum“).
Saga haust 2005-NOTA 23.11.2005 20:10 Page 173