Birtingur - 01.01.1968, Blaðsíða 52
ina. í síðustu mynd þríverksins, Sólmyrkv-
anum, ríkir meiri bjartsýni.
Hún hefst á aðskilnaði tveggja elskenda. Vitt-
oria (Monica Vitti) segir skilið við Riccardo
(Francisco Rabal), en hann reynir árangurs-
laust að endurvekja samband þeirra. Hún
kynnist Piero (Alain Delon), ungum fjármála-
manni, sem eltist við verðbréf í Kauphöllinni;
lians heimur er peningarnir. Hann reynir að
vekja ástir Vittoriu, en getur engan veginn
fullnægt þeim kröfum, sem hún gerir til ást-
arinnar. Samband þeirra virðist vonlítið. Und-
ir lokin ákveða þau að hittast aftur. Síðustu
mínúturnar eru nokkurs konar eftirmáli, þar
sem Antonioni sýnir í mörgum atriðum yfir-
gefin svæði, tómlegar byggingar, vélar og þög-
ult mannfólk. í upphafi sjáum við stað þann,
þar sem Piero og Vittoria höfðu mælt sér mót,
en nú er svæðið autt. Síðan rekur hver tákn-
myndin aðra. Maður kemur út úr strætis-
vagni og heldur á vikublaði með forsíðufyrir-
sögninni: Atómöldin. Að síðustu sjáum við
nærmynd af daufum bjarma götulampans, er
lýsir útí náttmyrkrið.
Eftir að hafa gert þessa mynd, stóð Antonioni
á krossgötum. Menn spurðu, hvað tæki nú
við; Antonioni væri búinn að segja allt það,
er honum bjó í brjósti. Rauða eyðimörkin
(II Deserto Rosso, 1964) sannaði ótvírætt, að
um enga stöðnun var að ræða í kvikmynda-
þróun Antonionis. Efnislega var myndin hlið-
stæð hans fyrri verkum, en formið hafði að
nokkru skipt um svip; nú voru litirnir alls-
ráðandi og þeir notaðir til að leggja áherzlu á
inntak verksins. Söguþráðurinn: Ung húsmóð-
ir (Monica Vitti) hefur lent í bílslysi og fengið
taugaáfall. Hún er kvænt verkfræðingi, sem
hún elskar ekki lengur. Hún kynnist öðrum
verkfræðingi (leikinn af Richard Harris), sem
kominn er til að aðstoða mann hennar. Hann
vekur hjá henni nýjar tilfinningar, en getur
með engu móti fullnægt þörfum hennar.
Blow-Up (1966) er bylting í kvikmyndagerð
Antonionis. Þar hefur þrennt verið nefnt til:
1. Antonioni einbeitir sér ekki eins mikið að
innra lífi persónanna og tilfinningalegu sam-
bandi þeirra, heldur er megináherzlan lögð á
að skapa nýjan stíl. 2. Kona er ekki lengur í
aðalhlutverkinu, heldur ungur og ístöðulaus
atvinnuljósmyndari, en Antonioni sagði ein-
hverju sinni, að hann tæki konuna fram yfir
karlmanninn, þar eð hann skildi hana betur.
„Ég held, að við getum komizt nær raunveru-
leikanum með því að grandskoða sálarlíf
kvenna. Þær láta meir stjórnast af eðlishvöt-
inni og eru hreinskilnari." 3. Hin löngu og
hægu atriði eru horfin; hinn nýi stíll ein-
kennist af snöggum og stuttum atriðum.
í Blow-Up fjallar Antonioni um hverful-
leika mannsins, andlegan vanmátt og hið
50
BIRTINGUR