Birtingur - 01.01.1968, Blaðsíða 11
K
leikrit evrópskrar og pólskrar leikritunar til
grundvallar sýningum sínum, hefur Óðin-leik-
húsið til þessa valið nútímatexta; þó þar hafi
ekki verið fjallað um einstök mál, sem ofar-
lega voru á baugi einmitt þá, ber árangur sá,
sem náðst hefur vott um meðvitund og áhuga
á samtímanum og andlegri og sögulegri að-
stöðu nútímamannsins. Leikhúsið bendir ekki
á neinar lausnir, það styrkir ekki rótgróna
sannfæringu neins — ekki einu sinni hinna
„frjálslyndu“ — en það er samt hvorki „ab-
súrd“ eða „níhílístískt" í afstöðu sinni.
Kannski á eftir að koma í ljós, að þetta leik-
listarform samsvari innan leiklistarinnar
framlagi Rimbauds innan Ijóðlistarinnar. Að
nýju verðum við leidd inn á leiksvið lífsins.
Jafnframt því sem Óðin-leikhúsið vinnur að
eigin listsköpun er það einnig mótsstaður
leikhúsfólks frá öllurn Norðurlöndunum og
leggur þannig áherzlu á, að það er ekkert
„sértrúar“-fyrirtæki, sem hunzar öll önnur
form samtímaleiklistar. Þessi starfsemi, sem er
mjög fjölþætt, hófst 1965 með útgáfu ársfjórð-
ungsritsins Teatrets Teori og Teknikk,
sem á skömmum tíma hefur hlotið orð fyrir
að vera líflegasta leiklistartímarit Norður-
landa. Það er einskorðað við leiklist og hefur
meðal annars birt greinar um leikhús Grotow-
skis, um Stanislavski, Antonin Artaud og
_.i
bxrtingur
9