Birtingur - 01.01.1968, Blaðsíða 25

til þess að koma til móts við ný gildi, ef þeir
vilja halda vöku sinni. Þetta ber að skilja þegar
litið er á list Þorvalds og samherja hans eldri
og yngri og þær breytingar, sem hafa opnað
leiðir til að fylgjast með þróuninni o gskilja
ólík viðhorf.
Við meigum ekki gleyma Þorvaldi sem teikn-
ara, né öðrum nútímalistamönnum íslenzkum
er við setjum upp yfirlitssýningar á verkum
þeirra. Til þess er teikningin of mikilvægur
þáttur í allri nútímamyndlist og það er raun-
ar einmitt teikningin í mynd og málverki, sem
leysti úr læðingi þau öfl er öllu umbreyttu
og enn á síðustu árum er það einmitt teikn-
ingin og breytt viðhorf til hennar sem skapar
ný gildi. Segja má að mörg nútímamálverk séu
nreir teikning en málverk. Jafnvel gamlar mó-
delmyndir og skissur, gerðar við ýmis tækifæri,
geta haft þýðingu í því efni að varpa Ijósi á
þróun viðkomandi listamanns. Teikningin
hefur hvarvetna verið endurreist hin síðari ár
og nýtur vaxandi vinsælda og skilnings sam-
tímis að menn láta sem hún sé ekki til hér á
landi. Hér höfum við dregist illa aftur úr
grannþjóðum okkar og ekki fylgt þróuninni.
Yfirgripsmiklar sýningar nútímateikninga eru
settar upp víða um heim — jafnvel og ekki
sízt fyrir austan tjald, þar sem nútímateikn-
ingin virðist mönnum aðgengilegri málverk-
inu.
I’orvaldur Skúlason: Tcikning við Grettissögu, 1916
BIRTINGUR
23