Birtingur - 01.01.1968, Blaðsíða 4

reyndar sýnt athyglisverðan áhuga á að efla
listir og menningarstarfsemi á ýmsum öðrum
sviðum. Bæjarfélagið hefur látið lagfæra gam-
alt bóndabýli og afhent leikflokknum sem æ£-
ingar- og sýningarhúsnæði og veitir auk þess
árlegan styrk til leikhúsrekstrarins. Að öðru
leyti er Óðin-leikhúsið sjálfseignarstofnun.
Það var að öllu vel íhuguðu, að leikflokkurinn
ákvað að setjast að í litlum bæ: hér er unnt að
einangra sig að því marki, sem eykur einbeit-
ingu við vinnuna án þess að loka sig frá um-
heiminum, og þar að auki er þessi litli bær
einkar hagstæður sem miðstöð fyrir menning-
arstarfsemi, sem miðuð er við öll Norðurlönd
°g byggist á samskiptum við önnur Evrópu-
lönd.
Fullu nafni heitir Óðin-leikhúsið Nordisk
Teaterlaboratorium for Skuespilkunst
og þessi orð gefa allgreinilega til kynna starfs-
svið og markmið leikhússins.
Nordisk: Leikhúsið er stofnað og starfar
með hag allra Norðurlanda í huga (Danmerk-
ur, Finnlands, Færeyja, íslands, Noregs og
Svíþjóðar). Leikararnir eru frá Norðurlönd-
um, leikferðalög eru einkum farin innan
Norðurlanda, og öll önnur störf, sem unnin
eru á vegum leikhússins — og minnzt verður
á síðar — miðast við leikhúsfólk í þessum
löndum. Þetta er ekki jafnsjálfsagt og ókunn-
ugum kann að virðast; þrátt fyrir náinn skyld-
leika — ekki sízt tungumálanna — hafa tengsl-
in milli Norðurlandanna á sviði menningar-
lífs og lista verið sáralítil og eru raunar enn,
og á það ekki hvað sízt við um leiklistina.
Ástandið er að vísu mismunandi í löndunum,
en sé Svíþjóð undanskilin hefur það til dæmis
hvað snertir menntun leikara einkennzt a£
skipulagsleysi, skorti á nýjum hugmyndum og
alvarlegu og listrænu starfsviðhorfi.
Teaterlaboratorium: Með þessu orði er
lögð áherzla á, að hér er um að ræða tilrauna-
miðstöð fyrir leiklistina. Með öðrum orðum
er þetta ekki leikhús, sem sýnir reglubundið
og breytir oft um verkefni, heldur rannsókn-
arstofnun innan leiklistarinnar, og það, sem
liggur til grundvallar og réttlætir tilveru þessa
leikhúss, er ekki árangur, sem eitt sinn náðist,
vinsælar sýningar eða eitthvert ákveðið og
endanlegt tjáningarform, heldur stöðug gagn-
rýni og endurmat á fenginni reynslu og áfram-
haldandi tilraunir með nýja möguleika, ekki
vegna eirðarlausrar Jrarfar fyrir sífellda „end-
urnýjun“ heldur af einlægri ósk og áhuga
sprottnum úr starfi, um að brjóta til mergjar
möguleika þessarar listgreinar.
for Skuespilkunst: Kjarni þessara rann-
sókna er leikarinn og list hans, og á grundvelli
kenninga Grotowskis er hér um að ræða víkk-
un eða öllu heldur gjörbreytingu á merkingu
þeirri, sem venjulega er lögð í orðið leikari,
2
BIRTINGUR