Vera - 01.10.1997, Síða 16

onur
i fjármálaheiminum
Ekkert meðfætt
að kunna á þetta
En hver er tilgangur þessa nýja
sjóðs? „Tilgangur hans er að
stuðla að nýsköpun í atvinnulíf-
inu og styðja við hugmyndir á
meðan þær eru ekki orðnar
markaðshæfar; það er að segja styðja við
nýskapandi fyrirtæki sem eru ennþá í gróð-
urreitnum,“ segir Guðrún. „Þá getur Ný-
sköpunarsjóður veitt lán eða keypt hlut í
þessum ungu fyrirtækjum. Hugmyndin er
að þau verði seinna nógu öflug til að geta
flogið á eigin vængjum. Við erum sem sagt
að tala um áhættufjármögnun."
Hvers vegna varst þú skipuð í stjórnina?
„Sjávarútvegsráðherra skipaði mig. Hann
skipaði reyndar tvo háskólamenn í stjórn og
varastjórn, mér finnst það athyglisvert.
Hann hefði getað skipað pólitíska fulltrúa
en kaus að skipa fólk sem hefur reynslu af
því að vinna með nýsköpun í rannsóknar-
og þróunarverkefnum. Eg geri ráð fyrir að
hann hafi skipað mig sem aðalmann vegna
þess að ég hef unnið að nýsköpun í rann-
sóknarumhverfi Háskólans og sit í úthlut-
unarnefnd Rannsóknaráðs, þar sem maður
kynnist mörgum frábærum nýsköpunar-
hugmyndum í tækni og vísindum. Síðan hef
ég í nokkur ár verið tilnefnd af borgarstjóra
í stjórn Aflvaka hf. sem er líka áhættufjár-
mögnunarfyrirtæki. Varamaður minn í
stjórn Nýsköpunarsjóðs er prófessor Þor-
steinn Ingi Sigfússon, formaður Rannsókna-
ráðs Islands, mjög klár og einstakur maður
sem er þekktur fyrir atorku í nýsköpun. Ég
er mjög ánægð með að ráðherra skuli hafa
valið nafna sinn Sigfússon sem varamann
minn og vona að vel takist til með þennan
sjóð. Það eru allir sem að honum koma full-
ir áhuga og það er ferskur andi yfir stjórn-
inni.“
Hvert er ráðstöfunarfé sjóðsins?
„Þessi sjóður hefur fjóra milljarða sem
stofnfé en auðvitað verður aðeins vaxtatekj-
unum varið. Síðan er ráðgert að bæta við
einum milljarði þegar bréf í Fjárfestingar-
banka atvinnulífsins verða seld í vor. Ætl-
unin er að vextir af þeim milljarði verði
nýttir til nýsköpunar á sviði hátækni og
uppiýsingatækni með sérstöku tilliti til
Guðrún Pétursdóttir,
í stjóm Nýsköpunarsjóðs
landsbyggðarinnar eftir því sem tæki-
færi gefast."
Hvaðan koma þessir fjórir milljarð-
ar sem þið bafið í stofnfé?
„Það er ekki verið að búa til nýja
peninga, heldur koma þeir frá Fisk-
veiðasjóði, Iðnlánasjóði og Iðnþróun-
arsjóði. Ég hef tekið eftir því að menn
hafa miklar væntingar um að með Ný-
sköpunarsjóði komi betri tíð með nóg
af peningum fyrir nýsköpun. En því
miður er ekki útlit fyrir byltingu í þeim
efnum, því þótt fjórir milljarðar séu
miklir peningar, eru vaxtatekjurnar af
þeim miklu takmarkaðri."
Hefur stjórnin mótað sér einhverja
stefnu eða valið sér áherslur?
„Ég held að við munum skoða hvern
og einn fjárfestingarkost mjög vel, sama á
hvaða sviði hann er. Einn mikilvægasti þátt-
ur starfseminnar verður fagleg ráðgjöf um
rekstur, áætlanagerð, markaðsleit og síðan
að fylgja því eftir. Við erum ekki búin að
móta okkur starfsreglur en við munum
kynna okkur vel þau fyrirtæki sem leita til
okkar og úthluta peningum eftir því sem
talið er skynsamlegt.“
Pú talar um að margir séu með vœnting-
ar um betri tíð með nóg af peningum, en
þýðir áhœttufjármögnun ekki mun harðari
kröfur og eftirlit?
„Bæði og. Eðli málsins samkvæmt
ganga ekki allir hlutir upp í áhættufjár-
mögnun. Henni er ætlað að hjálpa til við
að koma fótunum undir ungan rekstur
sem ekki er víst að nái flugi. Það verður
því að gera ráð fyrir töluverðum afskrift-
um. Hins vegar þurfa einmitt þessi fyrir-
tæki oft á meiri ráðgjöf og eftirliti að
halda en önnur sem lengra eru á veg kom-
in og búin að sýna að þau geti staðist
væntingar.“
Hefur það einhverja þýðingu fyrir konur
að þú sért í stjórn þessa nýja sjóðs?
„Já, almennt held ég að það sé konum
hvatning og allt eru þetta áfangasigrar í
jafnréttisbaráttunni. Það eykur líka fjöl-
breytni í viðhorfum innan stjórnar þegar
fólk af báðum kynjum á þar sæti þegar mál-
Guðrún Pétursdóttir var ný-
lega skipuð, af sjávarútvegs-
ráðherra, í stjórn hins ný-
stofnaða Nýsköpunarsjóðs.
í fimm manna stjórn er hún
eina konan.
in eru rædd. Menn líta á mál út frá mismun-
andi sjónarhornum.“
Heldurðu að konur eigi eftir að sœkja um
aðstoð frá sjóðnum til að gera stóra bluti?
„Ég vona að þær sæki um, þær eiga þang-
að erindi ekki síður en karlar.“
Nú befurðu reynslu afsvona starfsemi. Er
það nauðsynlegt?
„Já, það er gott að hafa reynslu - en hún
eykst með hverju viðfangsefni. Það er ekk-
ert meðfætt að kunna á þetta. Þegar ég var
skipuð í stjórn Aflvaka hafði ég aldrei kom-
ið nálægt svona málum áður. Ég verð að
viðurkenna að ég var hálf kvíðin. En það
kom fljótlega í ljós að ég spurði öðru vísi
spurninga, hafði aðra nálgun og það jók
fjölbreytni í umfjöllun og sjálf lærði ég heil-
mikið. Maður er alltaf að læra og aðalatrið-
ið er að vera ekki hræddur við að spyrja;
spurningu fylgir svar - það er nú það góða!“
Eiga konur meiri möguleika á stuðningi
vegna þess að þú sem kona situr í stjórn-
inni?
„Því get ég ekki svarað. Það fer eftir hug-
myndunum sem þær senda til okkar eða við
finnum hjá þeim eftir öðrum leiðum. Hins
vegar gæti skipt máli að kona sitji í stjórninni
þegar farið er að skoða hugmyndirnar, ein-
faldlega vegna þess að konur sjá hlutina með
öðrum augum og geta bent á sjónarhorn sem
eru önnur en karlar eiga að venjast.“
i6 wiíra