Vera - 01.12.1999, Side 3

L E I Ð A B L
^hdra
d
/

Það er skrýtið hvað öldin virðist skreppa saman þegar við keppumst nú um að líta til baka og koma
árunum frá 1900 til 1999 fyrir ( mannkynssöguhillunni. (raun eru 100 ár ekki svo langur tími og
þegar við sem fædd erum eftir miðja öldina lítum til baka og metum þau er eins og fyrri hluti ald-
arinnar, sem okkur þótti áður svo óralangt í fortíð, verði líka t(mar sem við getum haft yfirsýn yfir.
1907, 1915 og 1918. Þessi ár þóttu okkur áður í eldgamladaga en nú eru þau orðin hluti af heild-
armynd aldarinnar sem við kveðjum senn.
Og hvað var það nú sem gerðíst á þessari merkilegu öld - þeirri tuttugustu? I mínum huga er kven-
réttindabaráttan tvímælalaust það merkilegasta sem gerðist og allur árangur hennar. Kosninga-
rétturinn, kjörgengið, rétturinn til menntunar og opinberra embætta. Þróun heimilistækja sem
gerði vinnu kvenna á heimilunum auðveldari og skóp þeim ný tækifæri. Getnaðarvarnapillan. Vit-
undarvakningin á sjöunda áratugnum sem hvatti konur til að gera sér grein fyrir því hvað þær vildu
í raun og veru. Rétturinn til að ráða yfir eigin líkama með frjálsum fóstureyðingum og réttinum til
að viðurkenna kynhneigð sína. Kvennahreyfingin og alþjóðlegu ráðstefnurnar sem hún hefur hald-
ið á fimm ára fresti frá árinu 1975. Baráttan gegn heimilisofbeldi, sifjaspellum og kynlífskúgun.
Það eru samt dökkar blikur á lofti við lok aldarinnar sem hvetja okkur til að halda kvennabarátt-
unni áfram á næstu öld. Nýjar kynslóðir fæðast sem muna ekkert eftir öllum átökunum sem á und-
an eru gengin. Ungir menn sem finnst sjálfsagt að þeir hafi meiri rétt til lífsins heldur en konur.
Ungar konur sem trúa því að rétt útlit sé besta vopnið í lífsbaráttunni og leggja allt í sölurnar til
að ná því. Lítilsvirðing fyrir kvenlíkamanum hefur aukist. ( nafni frelsis er hann til sölu á kynlífs-
markaði þar sem allt er falt og engin siðalögmál gilda.
En vandamálin eru til að takast á við þau. Það býr mikil orka I ungu fólki og réttlætiskennd þess
getur gert kraftaverk. Við höfum séð mörg kraftaverk gerast sl. hundrað ár; byltingar í þágu mann-
réttinda þar sem árangur hefur náðst gegn kúgun og óréttlæti, þó enn sé af nógu að taka. Við
skulum vera bjartsýn og nýta allar framfarirnar sem öldin hefur gefið okkur. Byggja síðan ofan á
þær og halda áfram. Því hvað var aftur markmiðið? Var það ekki að gera lífið betra og réttlátara
fyrir okkur öll?
Gleðileg jól og gæfuríkt komandi ár!

Hver hafa lagt sitt á vogarskálar jafnréttis?
Hver hafa unnið jafnréttisbaráttunni gagn og hver ógagn?
Sendu Veru ábendingar
L Ú S
Þáttagerðarmaður á BBC
sem fór sem tískuljósmyndari til Mílanó og
víðar og tókst að upplýsa að hjá Elite samtök-
unum hafi fyrirsætur mátt þola kynferðislega
áreitni af hálfu yfirmanna, dópi hafi verið hald-
ið að þeim og þær beittar ýmis konar þvingun-
um. Þetta eru sláandi fréttir og verða vonandi
til þess að vekja ungar stúlkur til vitundar um
að halda vöku sinni þegar gylliboð um frægð
og frama vegna útlitsins eru annars vegar.
Félagsmálaráðherra
fyrir að leggja til breytingu á lögum um at-
vinnuréttindi útlendinga. Ef tillagan verður
samþykkt munu útlendingar sem hingað koma
til að dansa nektardans ekki lengur falla undir
hugtakið listamaður og njóta undanþágu frá
kröfu um atvinnuleyfi. Vonandi samþykkir Al-
þingi þessa lagabreytingu sem fyrst.
Hjón í Skagafirði
fyrir að greina frá þeim aðferðum sem hand-
rukkarar beita ungt fólk vegna eiturlyfjaskulda.
Það var tímabært að einhver þyrði að stíga
fram og segja frá þeirri grimmd sem fjöldi fólks
hefur verið beittur vegna skulda við eiturlyfja-
sala. Þær skuldir vaxa síðan gífurlega vegna
glæpsamlega hárra vaxta sem handrukkararnir,
handbendi eiturlyfjasalanna, innheimta.
í N U S
fslenskir nektardansstaðir
Nýlega var greint frá þvi að erlendar nektar-
dansmeyjar hefðu leitað ásjár í Kvennaathvarf-
inu vegna þess að þær hefu verið neyddar til að
stunda vændi meðfram nektardansinum og
nytu mun minni verndar hér en i öðrum lönd-
um. Hávær orðrómur er á kreiki um að hægt sé
að ganga frá viðskiptum með kvenmannshold
á nektardansstöðum og fara síðan á tiltekið
hótel ( borginni.
Samband ungra sjálfstæðismanna
sem hefur lýst þeirri skoðun sinni að fáránlegt
sé að ríkisvaldið beiti sér gegn starfsemi nektar-
dansstaða. I ályktun þeirra segir m.a. „SUS
hafnar öllum tilburðum hins opinbera ( þá átt
að takmarka athafnafrelsi einstaklinganna til
þess að þóknast kröfum háværra þrýstihópa og
sjálfskipaðra siðapostula." Hver var annars að
tala um skoðanakúgun?
Lágmarkslaun á Islandi
Lágmarkslaun hér á landi eru 90% lægri en í
Danmörku og þar er vinnudagur fólks almennt
20% styttri en hér á landi. Þessar staðreyndir
komu fram I könnun sem VR lét nýlega gera.
Það er þjóðarskömm ef ekki tekst að hækka
lágmarkslaun verulega strax á nýrri öld.
VERA • 3