Vera - 01.12.1999, Blaðsíða 48

r
Kvennadeild
Landspítalans
L
í ár er kvennadeild Landspítalans 50
ára og hefur því starfað samfleytt
Kvensjúkdómalæknar kvennadeildar: f. v. Þóra Steingrimsdóttir, Tanja Þorsteinsson, Hildur Harðardóttir, Hulda
Hjartardóttir, Ragnheiður I. Bjarnadóttir og Anna Þ. Salvarsdóttir. Á myndina vantar Þóru F. Fischer.
i
frá árinu 1949. Fyrir opnun kvenna-
deildarinnar þurftu konur á höfuð-
borgarsvæðinu að fæða börn sín
heima eða á fæðingarstofum sem
Ijósmæður ráku í borginni. Fæðing-
arheimili Reykjavíkur var einnig
starfrækt í um það bil þrjátíu ár en
því var lokað fyrir nokkrum árum.
Mikil þróun hefur átt sér stað innan læknisfræð-
innar sl. 50 ár. Þjónusta við konur með kvensjúk-
dóma hefur vitaskuld tekið stórstígum framförum
á þessu tímabili og í dag er hægt að gera smá-
sjáraðgerðir sem engan hefði dreymt um fyrir 50
árum. Nú er hægt að hjálpa mörgum sem eiga við
ófrjósemi að stríða á glasafrjóvgunardeild Land-
spítalans og nú er mögulegt að bjarga lífi margra
fyrirbura sem hefðu ekki lifað af fyrir tíma há-
tækninnar. Ákveðið fyrirkomulag, svonefnt MFS-
prógramm, hefur notið mikilla vinsælda undan-
farin ár á fæðingardeild Landspítalans. Það bygg-
ir á þeirri hugmynd að betra sé fyrir konuna að
sama Ijósmóðir fylgist með meðgöngu, fæðingu
og sængurlegu.
I kjölfar aukinna kvenréttinda á þessari öld
hafa konur nú haslað sér völl í stétt kvensjúk-
dómalækna. Á kvennadeild Landspítalans eru nú
starfandi 18 sérfræðingar í fæðingum og kven-
sjúkdómum, þar af eru sjö konur. Fyrsta konan
sem kom til starfa sem sérfræðingur er Þóra F.
Fischer. Hún kom árið 1982 eftir framhaldsnám í
Bandaríkjunum og Þýskalandi og hefur starfað á
kvennadeildinni síðan, mest í fæðingarlæknis-
fræði og fósturgreiningu. Næst kom Anna Þ. Sal-
varsdóttir, 1985, en hún er sérmenntuð í Svíþjóð
I krabbameinslækningum kvenna. Þá kom Ragn-
heiður Inga Bjarnadóttir 1994 eftir framhaldsnám
í Bretlandi og starfar hún við almennar kvenlækn-
ingar og fæðingarhjálp. Hildur Harðardóttir kom
árið 1996 eftir framhaldsnám I Bandaríkjunum og
starfar hún við almennar kvenlækningar, fæðing-
arhjálp og fósturgreiningu. Þóra Steingrímsdóttir
kom árið 1998 eftir framhaldsnám í Svíþjóð og
Hulda Hjartardóttir 1998 eftir framhaldsnám í
Bretlandi og starfa þær báðar sem almennir kven-
sjúkdóma- og fæðingalæknar. Loks er Tanja
Þorsteinsson sem fékk sérfræðiréttindi árið 1997
og starfar mest á glasafrjóvgunardeild.
Af þessari upptalningu má sjá að það hafa
ekki aðeins orðið breytingar á kynjasamsetningu
lækna kvennadeildarinnar heldur einnig aldurs-
breyting og má segja að ný kynslóð sé að taka við.
Á síðustu árum hafa einnig bæst við tveir karlkyns
sérfræðingar, þannig að kynslóðaskipti eru að
eiga sér stað.
Hildur Harðardóttir kvensjúkdómalæknir segir
að mörgum konum finnist ekki skipta máli hvort
læknirinn sé karlkyns eða kvenkyns, mestu máli
skipti að trúnaðarsamband ríki og gagnkvæmt
traust. Hún segir að yngri konur nefni gjarnan að
þær vilji frekar kvenkynskvensjúkdómalækni og
sé það að einhverju leyti kynslóðabundið því þetta
sé fyrsta kynslóðin sem elst upp við kvenlækna I
öllum sérgreinum. Eldri kynslóðin átti ekkert val á
sínum tíma og þekkir því ekki það að eiga valkost,
þeim finnist því að læknirinn eigi að vera karlmað-
ur. Hildi finnst aðalatriðið vera að konur geti val-
ið. Þær eigi að geta valið sér þann kvensjúkdóma-
lækni sem þær treysta, hvort sem hann er karl
eða kona.
vsv
Fóa feykirófa Pumalína
Islandia
Yggdrasill Rammagerðin
Gallerí!//
Epal Græna Smiðjan
Islenska handverkshúsið
Fjölskyldu og húsdýragarðurinn
Kjarvalstaðir
Gallerí Ash Víkurprjón
Heilsuhornið
Dótakassinn Krummafótur
463 1424
48 • VERA