Vera - 01.06.2001, Qupperneq 8

Skyndimynd
Hún er yngsti hljóðfæraleikari Sinfóníuhljómsveitar íslands
frá upphafi. Lauk grunnskólanum í vor og lék um svipað
leyti sína fyrstu tónleika með hljómsveitinni, metnaðar-
fulla dagskrá sem m.a. innihélt Hátíðarforleik Shosta-
kovitsj og Bolero eftir Ravel.
Elfa Rún Kristinsdóttir byrjaði fimm ára gömul fiðlu-
nám hjá móður sinni, Lilju Hjaltadóttur, sem einnig leik-
ur með Sinfóníunni. Síðastliðin þrjú ár hefur hún stundað fiðlunám við
Tónlistarskólann í Reykjavík hjá Guðnýju Guðmundsdóttur konsertmeist-
ara Sinfóníuhljómsveitar íslands. „Ég lauk 7. stigi á fiðluna eftir áramót og
Guðný hvatti mig og tvo aðra nemendur sína, þær Ingrid Karlsdóttur og
Helgu Þóru Björgvinsdóttur, til að fara í hæfnispróf hjá hljómsveitinni. Við
uppfylltum allar þrjár þær kröfur sem gerðar eru til lausráðinna hljóðfæra-
leikara hljómsveitarinnar og fáum því allar tækifæri til að spila með þeim."
Þrátt fyrir að Sinfóníuhljómsveitin sé nú í sumarfríi er margt spennandi
framundan í sumar hjá Elfu Rún. „Ég ætla til Leipzig í Þýskalandi á þriggja
vikna námskeið sem er í samstarfi við Juilliard tónlistarháskólann f New
York. Þaðan liggur leiðin til Norðurlandanna þar sem ég æfi stíft í tvær
vikur með Orkester Norden, sem er sinfóníuhljómsveit ungs fólks frá
Norðurlöndunum. Eftir æfingarnar förum við í viku tónleikaferðalag vítt og
breitt um Skandinavíu og til Skotlands. Eftir það liggur leiðin til Englands
á vikunámskeið þar sem foreldrar mínir eru einnig á meðal kennara", segir
Elfa Rún en faðir hennar er Kristinn Örn Kristinsson píanóleikari.
Elfa Rún stefnir á að Ijúka 8. stiginu á fiðlu og einleikaraprófi í nánustu
framtíð. Hún segist vonast til að sækja, auk framhaldsskólanáms, nám við
Listaháskóla íslands næsta vetur. „Það stendur til að að stofna þar sér-
staka deild fyrir unga hljóðfæraleikara sem eru í hefðbundnu framhalds-
skólanámi," segir Elfa Rún yfirveguð um áform næsta veturs. Rétt eins og
ekkert sé sjálfsagðara fyrir 16 ára ungling en að byrja nám f framhalds-
skóla, listaháskóla, æfa sig 3-6 klukkustundir á dag, sækja æfingar og leika
tónleika með Sinfóníuhljómsveit íslands.
Mynd: Gréta
8