Vera - 01.06.2001, Síða 28

Bára Magnúsdóttir
Heimsþorp -
samtök gegn
kynbáttafordómum
á Islandi
rætt við Melkorku Óskarsdóttur formann
Hver eru þau sem stofnuðu þessi samtök og hvernig
bar það að? Við vorum nokkrir vinir að tala um hvað
kynþáttafordómar hefðu aukist. Við fengum þá hug-
mynd að stofna féiag og drifum bara í því að byrja að
skipuleggja. Og svo veltum við fyrir okkur að fylkja
liði f l.maí göngunni. Síðan hringdu f okkur krakkar,
sem við rétt könnuðumst við, og voru í sömu pæling-
um. Þannig að þetta voru tveir aðskildir hópar sem
fengu þessa hugmynd á sama tíma. Við ákváðum að
slá okkur saman og stofnuðum samtökin á Kakóbarn-
um Geysi 12. maí síðastliðinn. Vinahópurinn minn
tengist harðkjarnatónlistarsenunni. Sumir eru í
hljómsveitum eða mæta á tónleika. Sjálf er ég ekki
virk í senunni en kærastinn minn, Bóas Hallgrímsson,
er í hljómsveitinni Vígspá.
VERA jótar fordóma sína gagnvart harðkjarnasen-
unni og viðurkennir að hún hélt að músikbransinn
væri mjög afturhaldssamur. Þetta hardcore er svo
öðruvísi. Þessar pælingar eru svo mikið þar. Yfirleitt
er jákvæður boðskapur á tónleikum, Margir í harð-
kjarnanum eru með sterka jafnréttiskennd og hafa
ýmis jákvæð gildi í heiðri. Til dæmis er hópur innan
hans sem kallar sig straight edge (sXe) og það er fólk
sem drekkur ekki, reykir ekki og borðar heldur engar
dýraafurðir.
Hefur unga kynslóðin hugsjónir? Það eru kannski fáir
sem koma sér að verki en það er greinilegt að það er
fullt af fólki sem er með skoðanir. Eins og harðkjarna-
senan sem ég bind miklar vonir við. Og það er heil-
mikil umræða í gangi á Dordinglinum
(www.dordingull.com/hardkjarni) um pólitík og for-
dóma. Það er ekki nóg að lesa Moggann til að vita
hvað er að gerast í samfélaginu.
Höfðuð þið orðið vör við mikinn rasisma í kringum
ykkur eða gerði Félag íslenskra þjóðernissinna úts-
lagið? Ég fékk sjokk þegar ég fór í menntaskóla. Þar
var hópur af fólki sem greinilega hafði mjög rasfskar
skoðanir. Og svo voru það þessar kannanir sem sýna
að ungt fólk sé svona fordómafullt sem vöktu okkur
til umhugsunar. Stofnun Félags íslenskra þjóðernis-
sinna var kannski dropinn sem fyllti mælinn.
Við púkkum ekkert upp á þjóðernissinnana. Sú
staðreynd að þeir skuli vera til segir sitt, en það er
hins vegar erfitt að rökræða við fólk sem virðist
byggja málflutning sinn á órökstuddum fullyrðingum
fullum af neikvæðum tilfinningum.
Hver er stefna ykkar?
Markmið okkar er m.a. að hefja máls á þessu við-
fangsefni, að vekja athygli fólks á fordómunum og
hvað þeir geta gert einstaklingum og þjóðfélaginu.
Við viljum fá fólk til að hugsa og við ætlum sérstak-
lega að beina máli okkar að ungu fólki.
Við viljum kanna réttarstöðu innflytjenda og gera
eitthvað í henni. Vinna samtakanna verður aðallega
bundin í málefnahópum. Þannig mun hópur af fólki
skoða atvinnumál eða réttindamál og getur komið
með hugmyndir um hvað sé hægt að gera.
Við erum að sækja um styrki í verkefni til að fara
inn f skólana og félagsmiðstöðvar og gera góða
bæklinga og halda úti heimasíðu. Eins ætlum við að
slá saman tónleikum og málþingum, gera þetta
skemmtilegt. a

Mynd: Þórdís
Melkorka Oskarsdóftir er nýútskrifuð af mólabraut í Borg-
arholtsskóla og ætlar í almenna bókmenntafræði í Hó-
skóla íslands í haust. Hér er hún ósamt Bóasi á tailenska
veitinghúsinu Banthai við Laugaveg.
Nær 300 manns eru skráSir í samtökin Heimsþorp - samtök gegn kynþáttafordómum á íslandi. Þau eru opin fólki á
öllum aldri. Netfangið er gegnrasisma@visir.is og fólk getur skrifað til að fá upplýsingar eða skrá sig í samtökin.
28