Almanak Hins íslenska þjóðvinafélags - 01.01.1918, Blaðsíða 161
Menn vissu af þessum lindum, en þó var ekki
byrjað að vinna í þeim svo teljandi væri fyr en árið
1899; var það ár útflutt 250,000 smálestir, en jókst
árlega, svo að árið 1914 var útflutt frá Serbíu 22
miljónir smálesta.
Scx ríknstu menu licimsins.
Hagfræðingur í Ameríku hefir nýlega reiknað, hve
mikið eftirtaldir 6 auðménn gætu gert, ef þeir gengju
í félag og væru samhentir að nota auð sinn.
John D. Rockefeller er þeirra langríkastur, hann er
mjög holdgrannur og skarpleitur, næst honum er
Rothschild lávarður, hvíthærður öldungur, þá kemur
Aslor og Stratchona1) lávarður, þar næst Carnegie og
hinn mikilhæfi Morgan.
Þeir gætu borgað allar ríkisskuldir Breta, eins og
þær voru fyrir heimsstyrjöldina og auk þess keypt
allan herflota þeirra og gripasöfn.
Peir gætu haldið út miljón manna her með öllum
útbúnaði í 10—15 ár. — Þeir hefðu getað borgað all-
an kostnað við frelsisstrið Bandaríkjanna (1775—81),
eða strið Breta við Napoleon (1809—15). Fyrir Vi af
eignum þeirra gætu þeir keypt allar húseignir Bret-
lands. Einnig gætu þeir keypt allar járnbrautir þeirra
og kolabirgðir ásamt öllum mótorvögnum heimsins.
Að lokum gætu þeir keypt alt Skotland með því, sem
á því er.
En þrátt fyrir þenna mikla auð, gætu þeir þó
ekki borgað herkostnað Breta nú við heimsstyrjöld-
ina, ef hann er 90 milj. kr. á dag, nema 222 daga.
Tr. G.
1) Rothschild og Strathcona eru Englendingar, en hinir fjórir
Amerikumenn.
(107)