Almanak Hins íslenska þjóðvinafélags - 01.01.1931, Blaðsíða 33
innar aftur í þjóðþinginu (neðri deild). Hann and-
aðist tæplega áttræður, 20. apríl 1882. Hann var tví-
kvæntur og átti samtals 24 börn. Eru af honum
komnir ýrasir merkir menn í Danmörku.
Það vitni er B. Chr. borið, að hann haS verið
maður fágætlega heiðarlegur og ósíngjarn, borið rika
ást til frelsis og fósturjarðar, haft óhvikula trú á
málstað sinn. Hann var allra manna hugrakkastur,
þó að ofurefli væri við að etja, manna ótrauðastur
til þess að berjast fyrir sannfæringu sinni fram að
hinztu stundu, jafnan fús á að fórna sjálfum sér og
hagsmunum sínutn fyrir málstað sinn, kunni vel að
sjá, hvað í ungum mönnum bjó, og hafði yndi af
þvi að laða þá að sér og búa þá til baráttu. Á efstu
árum var honum brugðið um draamóra í stjórnmál-
um, en það viðurkenna jafnt vinir sem óvinir, að
hann hafi verið einn hinn þarfasti maður í frelsis-
baráttu Dana.
Áhugi B. Chr. á þjóðmálum leiddi til þess, að
hann fekk ekki sinnt hagsmunum sjálfs sín. Hann
hafði haft mikil málflutningsstörf, en lét af þeim til
þess að geta gefið sig allan við þjóðmálunum. Jafn-
hliða sinnti hann og búskap alla ævi, en eyddi svo
miklu í tilraunir og umbætur, að jafnaðarlega átti
hann víð þröng kjör að búa, enda ómegðin mikil.
Bændur sýndu þá i verki, hvers þeir mátu starf
hans; hófu þeir samskot sín í milli árið 1849 og þar
um bil, og réttist þá hagur hans i bili.
íslendingar mega vel geyma minning þessa ágæta
manns fyrir liðveizlu þá, er hann veitti málum þeirra
á stéttaþingum Eydana í Hróarskeldu; er þeim þætti
og samvinnu hans við íslendinga eða forustumenn
þeirra þá í Kauprnannahöfn nægilega lýst i 2. bindi
ritsins um Jón Sigurðsson. Einnig síðar, er ríkisþing
Dana var komið á fót, nutu íslendingar oft góðvildar
og samúðar B.- Chr. þar.
(29)