Dagblaðið Vísir - DV - 18.12.2004, Síða 36

36 LAUGARDAGUR 18. DESEMBER 2004
Helgarblaö DV
Keith Richards er 61 árs í dag. Hljómsveit hans, Rolling Stones, hefur verið á fullri ferð í rúma Qóra
áratugi og meðlimir virðast ekkert á leiðinni að hætta. Samband aðalmannanna tveggja, Keiths og
söngvarans Micks Jagger, hefur oft verið í fréttunum og kallað ástar/haturssamband. Og það voru að
sjálfsögðu kvennamál sem komu upp á milli þeirra kumpána. Það var þegar Jagger lék á móti Anitu
Pallenberg sem var kærasta Keiths. Eins og við mátti búast enduðu þau í rúminu saman - og það var
allt fest á filmu. Þetta leiddi meðal annars til heróínneyslu Keiths.
Anita Pallenberg Kærasta Keiths Richards sem k
mótiMick Jaggerí bíómynd. Þau enduðu írúminu
an og Keith var bugaöur maður á eftir.
Þeir sem fylgdust með Keith Richards
á 7. og 8. áratugnum hafa varla búist
við því að hann myndi ná 60 ára
aldri. Álíka ólíklegt hefði þá þótt að
Mick Jagger yrði aðlaður af breska
heimsveldinu. En Keith Richards verður 61 árs
gamall í dag, og Jagger ber titillinn Sir Mick.
Þegar Keith var spurður hvort meðlimir Roll-
ing Stones kölluðu hann nú Sir svaraði hann
„Nei, við höfum önnur nöfn yfír hann.“ Svar-
aði er lýsandi yfir það ástar/haturssamband
mannanna tveggja sem staðið hefur í rúma
fjóra áratugi og getið af sér sumar af bestu
lagasmíðum rokksögunnar.
Ást og hatur
fþróttakennarasonurinn Mick Jagger
kynntist Keith Richards, syni eftirlitsmanns í
ljósaperuverksmiðju, árið 1951. Þá voru þeir
báðir sjö ára gamlir og nýbyrjaðir í sama skóla.
Þeir hittust ekki aftur fýrr en sumarið 1960,
þegar Mick vann sem íssali fyrir utan bókasafn
og Keith kom og fékk sér vanilluís. Rúmu ári
síðar hittust þeir aftur á lestarstöð þar sem
Mick var með blúsplötur undir höndum sem
Keith kom auga á. Nú hófst vinátta þeirra fyrir
alvöru. Þeir stofnuðu saman hljómsveitina
Rolling Stones, og það sem á eftir kom tilheyrir
rokksögunni.
Ef ástarsamband Micks og Keiths hófst
þennan haustdag árið 1961 vegna tónlistar
hófst haturssamband þeirra um sjö árum síð-
ar. Og þá var það stúlka sem kom við sögu.
Kynlíf og kvikmyndir
Haustið 1968 átti Mick Jagger í ástarsam-
bandi við Marianne Faithfull sem var nýorðin
ólétt. Hann var að leika í sinni fyrstu bíómynd,
Performance, á móti Anitu Pallenberg. Anita
hafði verið kærasta Stones-gítarleikarans Bri-
an Jones, en var nú með Keith Richards.
Jagger átti að leika úrkynjaða poppstjörnu
en átti erfitt með að koma sér inn í hlutverkið.
Marianne stakk upp á því að hann myndi leika
persónuna sem blöndu af hljómsveitarmeð-
limum Stones, myndi nota sjálfspyntingar-
hvöt Brian Jones í bland við hinn svala Keith.
Mick fór að ráðum hennar og kom sér inn í
hlutverkið. En það sem Marianne sá ekki fyrir
var að með þessu var hann að lfkjast tveimur
mönnum sem Anitu þótti afar aðlaðandi.
Ekki leik á löngu þar til Anita og Mick sváfu
saman. Og ekki nóg með það, heldur var það
fest á filmu. Og ekki nóg með það, heldur var
það sett í bíómyndina. Oklippt útgáfa af atrið-
inu vann meira að segja verðlaun á klám-
myndahátíð í Ilollandi.
Keith og eiturlyf
Það fékk mikið á Keith þegar hann komst
að því hvað gerst hefði á tökustað. Hann neit-
aði að spila inn á lögin úr myndinni og gítar-
leikarinn Ry Cooder kom í hans stað. Samstarf
Rolling Stones lifði þó krísuna af, og árið eftir
gáfu þeir út eina sína allra bestu plötu, Let It
Bleed.
En meðan á tökum myndarinnar stóð hafði
Keith ánetjast heróíni, ef til vill til að deyfa
sársaukann, og það leið næstum því áratugur
þar til hann losnaði við fíknina. Tveimur árum
síðar skildi hann við Anitu Pallenberg, og gift-
ist fyrirsætunni Patti Hansen árið 1983. Jagger
og Marianne skildu að skiptum árið 1970, en
þá hafði hin kokkálaða Faithfull einnig ánetj-
ast heróíni.
Stolt og sjálfsmorð
James Fox, annar aðalleikari myndarinnar,
var ungur og upprennandi leikari en lék ekki
aftur í bíómynd í rúman áratug. Ekki fór held-
ur vel fyrir leikstjóra myndarinnar, Donald
Cammeil. Hann leikstýrði ekki aftur mynd fyrr
en 1977, og átti bara eftir að gera tvær myndir
í viðbót meðan hann lifði. Kannski varð hann
mest þekktur fyrir að leikstýra U2 myndband-
inu Pride, en ffamdi svo sjálfsmorð árið 1996.
Myndin Perfor-
mance hneykslaði
marga á sínum tíma, en
er í dag orðin einhvers
konar klassík. Meira að
segja Keith Richards
gat ekki afneitað út-
komunni og sagði
seinna: „Myndin er
líklega það besta sem
að Cammell gerði, fyr-
ir utan að skjóta sig.“
vaiur@dv.is
Keith Richards Byrjaöi að
neita herólns eftir aö kærast
an svafhjá Mick Jagger.
Stones á sviði Mick og Keith
eru enn saman I dag þrátt fyrir
áföll slöustu áratuga.

Mick Jagger Hélt framhjá
óiéttri Marianne Faithfull með
kærustu Keiths Richards.