Árbók VFÍ/TFÍ - 01.01.1996, Blaðsíða 38

36 Árbók VFÍ/TFÍ 1994/95
Mest er aukningin í nýframkvæmdum, en viðhald og þjónusta jukust einnig. Vetrarþjón-
ustan 1994 kostaði 581 milljónir króna sem er svipaður kostnaður og árið 1993.
Taka vinnulána jókst frá fyrri árum, en undanfarin ár hefur verið tekið mjög lítið af vinnu-
lánum. Segja má að fjárhagur Vegagerðarinnar hafi staðið í járnum í árslok 1994.
Þjónusta og viöhald vega: Markmið þjónustu og viðhalds er að stuðla að greiðum
samgöngum og varðveita þau verðmæti sem bundin eru í þjóðvegakerfinu. Hér er um að ræða
mikið og vaxandi starf.
Heildarlengd stofnbrauta og þjóðbrauta er um 8.000 km og undanfarin ár hefur umferðin
verið nær níu hundruð milljónir ekinna km á ári. Þá má nefna að væntingar vegfarenda aukast
og munu stöðugt vera nokkuð á undan þróuninni til bættrar þjónustu.
Við gerð langtímaáætlunar í vegagerð 1983 var miðað við að vegir yrðu endurbyggðir í
ríkum mæli og lagðir bundnu slitlagi. Til þess að komast áfram með bundið slitlag hefur verið
gripið til þess ráðs í nokkrum mæli að styrkja og lagfæra vegi í stað þess að endurbyggja þá
undir slitlag.
Jafnframt hefur verið lögð áhersla á styrkingu aðalkerfisins fyrir viðhaldsfé. I nokkrum
tilvikum hefur verið lagt bundið slitlag í framhaldi af slíkum styrkingum. Hefur það þá að
hluta verið greitt af viðhaldsfé. Árangurinn af þessu er sá að verulega hefur dregið úr
sérstökum takmörkunum öxulþunga á aðalvegum á undanförnum árum. Þá hefur einnig tekist
að halda áætlun hvað varðar gerð bundins slitlags. Alls er bundið slitlag komið á 2.842 km eða
um 35% af þjóðvegum og fara nú tæplega 84% af öllum akstri á þjóðvegum fram á bundnu
slitlagi.
Vegir sem eru meðhöndlaðir á þennan hátt jafnast ekki á við vegi sem byggðir eru
samkvæmt staðli, að því er varðar feril, öryggi og fleira. Það er þó mat Vegagerðarinnar að
bundið slitlag sé svo mikilvægt að rétt sé að leggja áherslu á það. Á árinu 1994 voru 172 km
þjóðvega lagðir bundnu slitlagi.
Mynd 16 Útgjöld til vegamála ím.kr. á verðlagi 1994 á árunum 1964-1994. Heimild Vegagerð ríkisins.