Árbók VFÍ/TFÍ - 01.01.1996, Blaðsíða 29

Tækniannáll 27
er að mestu leyti í höndum verktaka. Fyrirtækið Björgun í Reykjavík sér um að dæla skelja-
sandi til verksmiðjunnar en fyrirtæki Jónasar Guðmundssonar á Bjarteyrarsandi í Hvalfirði sér
um rekstur líparítnámunnar á Litla Sandi í Hvalfirði.
Hráefnanotkun til brennslunnar var með eftirfarandi hætti: Skeljasandur 81.451 m3, líparít
til brennslu 16.400 tonn og basaltsandur 300 m3. Kol voru flutt inn til gjallvinnslunnar frá
Svalbarða og voru notuð 13.103 tonn af kolum.
Áframhald var á tilraunabrennslu olíuúrgangs í gjallofni verksmiðjunnar. Á árinu 1994 var
1.560 m3 af olíuleifum eytt samanborið við 471 m3 árið áður. Töluverðar rekstrartruflanir hafa
orðið í ofni samfara aukinni olíueyðingu. Orka olíuleifanna hefur því ekki nýst verksmiðjunni
eins og vonir stóðu til. Orka til gjallframleiðslu hefur því aukist verulega milli ára, en vonast
er til að orkunýting verði betri í framtíðinni með aukinni reynslu og bættum búnaði til
olíuleifabrennslu. Brennsla skautaleifa frá Álverinu í Straumsvík var lítil á árinu, eða 133
tonn, samanborið við 777 tonn árið 1993 og virðist l'ara minnkandi.
Senientsframleiðsla: Samfara 3% samdrætti í sölu sements varð sementframleiðsla aðeins
80.856 tonn árið 1994 samanborið við 86.419 tonn, árið 1993. Sementsframleiðsla dreifist
þannig milli sementstegunda: Portlandsement 69.399 tonn. hraðsement 9.036 tonn og blönd-
unarsement 2.421 tonn.
Til sementsframleiðslunnar voru flutt inn frá Spáni 2.050 tonn af gipsi. Járnsúlfati er
blandað saman við allt sement sem verksmiðjan framleiðir, en það er gert til að eyða sexgildu
krómi úr sementinu. Sexgilt króm getur valdið húðsjúkdómi hjá múrurum. 120 tonn voru
keypt af járnsúlfati.
Frá íslenska járnblendifélaginu voru keypt 6.478 tonn af járnblendiryki. Járnblendiryk er
possolaefni, sem blandað er í sementið til þess að sporna við alkalískemmdum í steinsteypu.
Eiginleikar þess sements sem framleitt var á árinu 1994 eru svipaðir því sem var árið áður,
enda engar afgerandi breytingar gerðar á framleiðslurásum verksmiðjunnar.
Eldur kom upp í pressurými í sementsskemmu verksmiðjunnar í Ártúnshöfða þann 27.
ágúst 1994. Miklar skemmdir urðu bæði á vélbúnaði og húseign. Þá brann varahlutalager
bílaverkstæðisins til kaldra kola. Þrátt fyrir mikið tjón varð verksmiðjan fyrir litlum skakka-
föllum þar sem eignir voru tryggðar.
6.2.2 Kísiliðjan við Mývatn
Samtals voru framleidd 25.197 tonn af fullunnum kísilgúr á árinu 1994. Er það 42% aukning
frá fyrra ári og 12% meira magn en meðaltal síðustu 5 ára. Þetta er mesta framleiðsla félagsins
undanfarin 4 ár. Framleiðsla síðastliðin 5 ár hefur verið að meðaltali 22.402 tonn á ári. Mest
hefur verksmiðjan framleitt 29.388 tonn, árið 1985. Samtals var dælt 32.000 tonnum í
hráefnisþró verksmiðjunnar á árinu 1994. Síðastliðin 5 ár hefur dæling numið 34.500 tonnum
að meðaltali á ári.
Á árinu 1994 voru flutt út 24.528 tonn af kísilgúr, en það er tæplega 25% aukning frá fyrra
ári. Mest hefur verksmiðjan flutt úr 27.700 tonn árið 1985. Meðalútflutningur síðastliðinna
fimm ára er 22.210 tonn. Innanlandssala árið 1994 nam 38 tonnum.
Breytingar urðu á stjórn félagsins árið 1994. Þá urðu töluverðar breytingar á starfsmanna-
haldi á árinu en öllum starfsmönnum félagsins var sagt upp störfum í árslok 1993.
Starfsmönnum fækkaði um rúm 20% á árinu 1994.
Á árinu 1994 var tekin í notkun ný rannsóknarstofa. Hafist var handa við skipulegar
rannsóknir með það að markmiði að lækka bjórleysanlegt járn í kísilgúr, auk annarra verk-
efna er lúta að því að bæta framleiðsluferli verksmiðjunnar og lækka kostnað.
Iðntæknistofnun lauk við verkefni á vegum Kísiliðjunnar hf., sem hefur það að markmiði
að minnka magn lífræns efnis í hráefni verksmiðjunnar með aðstoð örvera.