Árbók VFÍ/TFÍ - 01.01.1996, Blaðsíða 92

90 Arbók VFI/TFI 1994/95
Gnúpverjahrepp og Þjórsá er þveruð við Árnes. Austan Þjórsár liggur línan suður Holta- og
Landssveit og loftlínan endar vestan Árbæjarvegar, en þaðan er um 1600 m jarðstrengur að
aðveitustöðinni á Hellu.
Við val á línustæði var leitast við að fara að óskum Náttúruverndarráðs og velja leiðina
þannig að sem minnst bæri á línunni. Til að ná því markmiði varð víða að fara yfir votlendi.
Mjög dýrt er að reisa línu í slíku landi með hefðbundnum grundunaraðferðum sem felur í sér
að grafa niður staurana og fylla að með möl. Var því gerð tilraun til að ýta niður staurum og
gafst sú aðferð vel. Þá var reynt að reisa sem mest af línunni á frera til að takmarka slóðagerð
og spilla landi sem minnst.
Reising línunnar var boðin út og samið var við Línulagnir hf. á Selfossi. Verkið hófst í
nóvember 1994 og var lokið við að reisa í apríl 1995. Hönnuðir verksins voru verkfræðistof-
an Línuhönnun hf. og Almenna verkfræðistofan hf. auk línudeildar RARIK. Urn strengingu
sáu starfsmenn RARIK á Suðurlandi.
Samhliða byggingu Iínunnar voru aðveitustöðvarnar á Flúðum og Hellu stækkaðar.
Framkvæmdir hófust í ágústmánuði 1994 með því að bjóða út stækkun á húsum aðveitustöðv-
anna. Voru húsin boðin út saman og var samið við Byggðasel hf. í Hveragerði. Framkvæmdir
á Flúðum hófust haustið 1994, húsið var fokhelt fyrir veturinn og skilaði verktakinn því í lok
febrúar 1995. Á Hellu hófust framkvæmdir um miðjan apríl og var lokið um miðjan ágúst sl.
Um hönnun húsanna sá byggingadeild RARIK ásamt verkfræðistofu Suðurlands á Selfossi,
sem einnig sá um eftirlit á Flúðum, en eftirlit á Hellu var í höndum verkfræðistofunnar Snertils
á Hellu. Uppsetning rafbúnaðar á Flúðum hófst í mars 1995 og var að mestu lokið í septem-
ber. Á Hellu hófst uppsetning búnaðar í ágúst og var að mestu lokið í desember. Spennusett
var í desentber sl.
Við stækkun aðveitustöðvanna var hönnun miðuð við að koma öllum búnaði fyrir innan
Mynd 4 Séð yfir Helht og rtágrenni.