Árbók VFÍ/TFÍ - 01.06.2001, Qupperneq 82

80 Árbók VFÍ/TFÍ 1999/2000
Kynningarmál
f
Framkvæmdastjóri og formaður héldu fundi í mars með verkfræðinemum í Danmörku.
Kynningar voru haldnar með verkfræðinemum í HI sem tjölmenntu og voru mjög ánægðir
með kynningamar. Áhugi verkfræðinema á að ganga í SV er mikill.
Samstarf við önnur félög
Stéttarfélag tölvunarfræðinga
Tekist hefur að koma á formlegu samstarfi við Félag tölvunarfræðinga. Áhugi er mikill og
nú er stefnt að ijölgun félagsmanna innan raða Stéttarfélags tölvunarfræðinga. Ljóst er að
hagræði mun verða af samstarfinu þegar tölvunarfræðingum fjölgar innan þeirra raða.
Félag tæknimanna hjá Landsvirkjun
Viðræður áttu sér stað við Félag tæknimanna hjá Landsvirkjun um kaup þeirra á þjónustu
hjá skrifstofu SV. Mikill áhugi var hjá þeim en á fundi þeirra var ákveðið að 2/3 atkvæða
þyrfti til að ganga til liðs við SV og var tillaga um samstarf félaganna felld með naum-
indum. Ekki er líklegt að frekar verði unnið með þeim.
Orlofsmál
Nú er hafið Ijórða starfsár Orlofssjóðs Stéttarfélags verkfræðinga. Fjöldi umsókna virðist
alltaf slá fyrri met. Mikill og vaxandi áhugi er á starfsemi sjóðsins. Vert er að geta þess að
félagar í orlofssjóðnum eru allir félagsmenn stéttarfélagsins sem greitt er fyrir í sjóðinn. í
sjóðinn er nú greitt fyrir verkfræðinga hjá ríki og Reykjavíkurborg auk flestra á almennum
markaði að undanskildum verkfræðistofúm, en þær skila í undantekningartilvikum greiðslum
í sjóðinn. Samkvæmt athugunum stjórnar sjóðsins má gera ráð fyrir að sjóðfélagar geti að
jafnaði gert ráð fyrir úthlutun þriðja til fimmta hvert ár.
Stjórn SV gerði þá tímamótasamþykkt að heíja byggingu tveggja orlofshúsa.
Undirbúningur og framkvæmdir hófust strax en við undirbúning og eftir útboð var ákveðið
að byggja fyrst annan bústaðinn. Gengið var þó frá lóðum fyrir báða.
Vinnumarkaður verkfræðinga
Næga vinnu er að fá fyrir verkfræðinga. Nokkurl launaskrið er í gangi og sýndi kjarakönnun
2001 að janúarlaun hækkuðu um 13% milli ára. Líkt og áður vilja mun fleiri fyrirtæki ráða
verkfræðinga og þeir skipta oftar um vinnu og starfsvettvang en áður var algengt. Það er
ekki að sjá að nokkurt lát sé á þeirri þenslu sem um skeið hefur einkennt efnahagslífið. Því
má enn um sinn ætla að næga atvinnu verði að fá fyrir verkfræðinga. Það er þó full ástæða
til þess að brýna fyrir verkfræðingum á almennum markaði að standa vörð um rétt-indi sín
og semja ekki eingöngu um há laun heldur gæta til dæmis að tryggingum og öðru sem máli
skiptir þegar ráðningarsamningar eru gerðir.