Árbók VFÍ/TFÍ - 01.06.2001, Page 122

120 Árbók VFÍ/TFÍ 2000/2001
Vöruútflutningur: Vöruútflutningur í heild dróst saman um tæpt 1% á árinu 2000 og nam
148,4 milljörðum króna. Utflutningsframlciðsla jókst á hinn bóginn um ríflega 3%.
Mismunurinn liggur í birgðasöfnun og minni útflutningi skipa og flugvéla en var á árinu
1999. Þetta er heldur minni útflutningur en gert hafði verið ráð fyrir.
Vöruinnflutningur: Vöruinnflutningur jókst um 3,8% á árinu 2000 og nam 186,8
milljörðum króna. Mestur var vöxtur í innflutningi fjárfestingarvara, 9,8%. Þar af jókst inn-
flutningur skipa um \2V2%. Innflutningur rekstrarvara jókst heldur minna eða um 3,7%. Þar
af jókst innflutningur rekstrarvara til stóriðju um 1%. Innflutningur neysluvara stóð hins
vegar nánast í stað, eftir mikla aukningu síðustu ár. Þar gætir samdráttar í innflutningi
bifreiða, en hann varð 12,7% á árinu 2000. Innflutningur annarra neysluvara en bifreiða
jókst á hinn bóginn um 4,5% milli áranna 1999 og 2000.
Vöruinnflutningur hefur aukist ár hvert frá árinu 1993 og náði vöxturinn hámarki á árinu
1998. Ef Iitið ertil áranna 1996 til 2000 hefur innflutningur aukist að jafnaði um nálægt 11%
á ári.
Þjónustujöfnuður: Afgangur var á þjónustuviðskiptum á árunum 1993 til 1997. Frá árinu
1998 hefur verið mikill vöxtur bæði í innflutningi þjónustu sem og útflutningi. Hins vegar
hefur vöxtur innflutnings verið mun meiri en vöxtur útflutnings og því hefúr afgangurinn á
þjónustuviðskiptum snúist í halla sem fer sívaxandi. Stærstur hluti þjónustuviðskipta eru
flugsamgöngur og önnur viðskipti vegna ferðalaga.
Á árinu 2000 nam hallinn 10,8 milljörðum króna og hefur liann aldrei verið svo mikill
áður. Vöxtur í innflutningi þjónustu nam 23% að raunvirði á árinu 2000 og 17% að meðal-
tali 1998-2000. Vöxtur þjónustuútflutnings jókst um 18% að raunvirði á árinu 2000 og um
9% að meðaltali frá 1998-2000.
Ferðaþjónusta: Einn liður þjónustujafnaðar cru tekjur og gjöld vegna ferðaþjónustu. Fjöldi
erlendra ferðamanna á árinu 2000 var um 303 þúsund og fjölgaði þeim um 15,3% frá árinu
á undan. Erlendum ferðamönnum íjölgaði einnig mikið á árunum 1998 og 1999, um 13%
og 15%, hvort ár.
Á árinu 2000 voru heildartekjur af erlendum ferðamönnum um 30,2 milljarðar króna.
Tekjur vegna útgjalda innanlands jukust um 11,4%, sem er um 5% raunaukning en fargjalda-
tekjur jukust aðeins um 7,7%. Þessi munur kann að stafa af aukinni samkeppni erlendra
flugfélaga á íslenskum markaði. Um 35% af fjölgun ferðamanna voru Bretar en lággjalda-
ilugfélagið GO hóf flug til íslands árið 2000.
Á árinu 2000 komu 283 þúsund íslendingar frá útlöndum. Það er 10% aukning frá fyrra
ári. Reiknað er með að útgjöld íslendinga erlendis hafi verið um 37 milljarðar króna á árinu.
Það er um 18% aukning á milli ára.
Jöfnuður þáttatekna: Jöfnuður þáttatekna er að jafnaði neikvæður og á árinu 2000 jókst
hallinn úr 13'A milljarði í 19 milljarða króna. Aukninguna má aðallega rekja til aukinna
vaxtagreiðslna af erlendum skuldum vegna skuldasöfnunar erlendis á undanförnum árum.
Þrátt íyrir að vaxtagreiðslur vegi þyngst í jöfnuði þáltatekna hafa orðið nokkrar breytingar
á samsetningu þáttatekna síðustu ár. Þannig hafa vaxtatekjur og ávöxtun hlutafjár aukist eftir
því sem verðbréfaeign erlendis hefur vaxið. Á móti vegur að hluta að launagreiðslur til
útlendinga hafa aukist töluvert að undanfömu.
Viðskiptajöfnuöur: Halli á viðskiptajöfnuði nam 68,9 milljörðum króna á árinu 2000 sem
jafngildir 10,3% af landsframleiðslu. Þetta er þriðja árið í röð sem viðskiptahalli hefur farið