Árbók VFÍ/TFÍ - 01.06.2001, Side 140

138 Árbók VFÍ/TFÍ 2000/2001
Stofnsjóð. Þetta hefur í för með sér að Vöruþróunar- og markaðsdeildin þarf að leggja til
liliðar íjármuni til að mæta þessari áhættu og kemur verkefnisstjórn deildarinnar að mati
umsókna um áhættulán.
Spurn eftir áhættulánum jókst á árinu 2000 í alls 132 beiðnir miðað við 105 árið áður, en
það var fyrsta árið sem áhættulán voru veitt. I árslok 2000 höfðu 57 erindi um áhættulán
verið samþykkt, 59 beiðnum synjað og þrjú erindi dregin til baka. Veitt voru lánsloforð á
árinu 2000 að fjárhæð 236,6 milljónir króna miðað við 146,4 milljónir árið áður. Það má því
segja að aukning áhættulána hafí samsvarað þeirri lækkun sem varð á styrkveitingum á árinu
2000 og vel það.
Ljóst er að þessi þáltur í starfsemi sjóðsins er til frambúðar og hefur þann ótvíræða kost
umfram styrkina að nýta ljármagnið oftar en einu sinni.
Rannsóknarráð íslands
A ársfundi 2000 Rannsóknarráðs lagði menntamálaráðherra höfuðáherslu á aukið vægi
grunnrannsókna og menntun ungra vísindamanna. Hann lýsti eindregið þeirri skoðun að
einkaaðilar ættu að sinna öðrum þáttum rannsókna- og þróunarstarfs. Þessi orð ráðherra má
e.t.v. túlka á fleiri en einn veg en hvernig sem á þau er litið vekja þau upp spurninguna með
hvaða hætti stefnumótun í rannsóknun og þróunarmálum þjóðarinnar fer fram. Um þessar
mundir fer fram stefnumótunarvinna hjá Rannís.
Rannsóknastofnanir atvinnuveganna
I umræðunni um nýsköpunarmál hafa rannsóknastofnanir átt nokkuð undir högg að sækja.
Þetta á ekki síst við um þær sem heyra undir iðnaðarráðuneytið. Fjárveitingar til þessara
stofnana hafa hlutfallslega dregist saman og þeim er i vaxandi mæli gert að sækja tekjur á
markaði. A sama tíma hefur íslenskum þekkingarfyrirtækjum, litlum og stórum, ijölgað ört
og bolmagn margra þeirra og færni til að stunda eigin rannsókna- og þróunarstarfsemi
stóraukist.Það er afar mismunandi hvernig samstarfí þessara fyrirtækja við rannsóknastofn-
anir er háttað.
Það má segja að verksvið og hlutverk rannsókna- og þjónustustofnana atvinnulífsins
verði stöðugt flóknara og erfíðara, eftir því sem kröfur, sérhæfni og þekkingarstig fýrirtækj-
anna eykst. Þá gerir skortur á tæknifólki þeim erfítt fyrir að halda hæfasta fólkinu. Aukin
samkeppni á ráðgjafamarkaði þrengir einnig að þeim verkefnum sem njóta stuðnings á ijár-
lögum þannig að skilja þarf þann hluta starfseminnar frá þeim sem er á samkeppnismarkaði.
Iðntæknistofnun hefur undanfarin ár unnið að endurskipulagningu á starfsemi sinni með
breyttar kröfur í huga. Stærstu breytingarnar eru stofnsetning sérstaks starfssviðs, Impru,
sem er upplýsinga- og þjónustusvið fyrir frumkvöðla og lítil fyrirtæki. Mikil eftirspurn hefur
verið eftir þjónustu Impru. Þá hefur starfsemi tveggja deilda Iðntæknistofnunar og Rann-
sóknarstofnunar landbúnaðarins um matvælastarfsemi og efnagreiningar verið sameinuð.