Árbók VFÍ/TFÍ - 01.06.2001, Side 176
3.3
Hitaveita Suðurnesja
Eldborg
Sagan í hnotskurn
Höfundur greinarinnar, Björn Stefánsson hjá Hitaveitu Suðurnesja, hefur alla tíð haldið
saman minnisstœðum atriðum úr sögu Hitaveitu Suðurnesja. 1 síðustu tveimur árhókum
hefur verið birt frásögn hans af tilurð hitaveitunnar, þ.e.a.s. aðdragandanum og stofnun
Hitaveitu Suóurnesja og síðan minnisverðum atriðum frá starfsárum Hitaveitu Suðurnesja
frá stofnun fyrirtœkisins, 1975, ogfram til ársins 1985.
Hér verður fyrst sagt frá Eldborg, kynningar- og mötuneytishúsi í orkuveri Hitaveitu
Suðurnesja við Svartsengi, ogsíðan haldið áfram með frásögn Bjarnar Stefánssonar þar sem
frá var horfið í síðustu árbók og hefst frásögnin á árinu 1986.
Eldborg
Um nokkurt skeið hafði verið til umræðu að byggja mötuneytis- og kynningarhús við orku-
verið í Svartsengi. Mötuneyti starfsmanna orkuversins var í bráðabirgðahúsnæði, sem reist
var, þegar framkvæmdir við orkuverið hófust árið 1976 og fullnægði það ekki lengur þeim
kröfum, sem gerðar eru til slíkra mötuneyta. Orkuversbyggingar, sérstakt umhverfí orku-
versins, svo sem Bláa lónið, ósnortið umhverfí, jarðfræði þess og gróðurfar, hreint loft og
starfsemin í orkuverinu hafa vakið mikla athygli og þeim ijölgar sífellt sem heimsækja
staðinn og fræðast um hann. Aðstaða til móttöku gcsta og kynningar á starfseminni var orðin
allsendis ófullnægjandi.
Stjórn Hitaveitu Suðurnesja samþykkti á hátíðarfundi sínum, 28. desember 1994, vegna
tvítugsafmælis hitaveitunnar, að skipa þriggja manna nefnd til að kanna möguleika á bygg-
ingu mötuneytis- og kynningarhúss. A stjórnarfúndi 7. febrúar 1995 var samþykkt, að
tillögu nefndarinnar að efna til samkeppni um hönnun slíkrar byggingar. Markmiðið með
samkeppninni var að fá fram hugmyndir að sérstæðri byggingu sem félli vel að orkuverinu
og hinni einstæðu náttúru svæðisins og þjónaði einnig vel því hlutverki að vera vistlegt
mötuneyti fyrir starfsmenn og jafnframt áhugaverð aðstaða til kynningar á orkuverinu við
Svartsengi, starfsemi Hitaveitu Suðumesja og náttúru og sögu svæðisins.
Íjúlí 1995 varefnt til opinnar hugmyndasamkeppni um hönnun hússins, „Samkeppni um
kynningar- og mötuneytishús í orkuveri Hitaveitu Suðurnesja við Svartsengi", og rann
skilafrestur tillagna út 19. október. Alls bárust 43 tillögur, svo dómnefnd, sem skipuð var
þremur fulltrúum Hitaveitu Suðurnesja og tveimur fulltrúum Arkitektafélags íslands, var