Árbók VFÍ/TFÍ - 01.06.2001, Blaðsíða 246
244 Árbók VFÍ/TFÍ 2000/2001
Framtíðarhorfur
Ljósleiðarasambönd hafa svo ótvíræða kosti að framtíð þeirra er björt og mikil. Þau eru
þegar alls ráðandi í stofnnetum og sífellt stærri hluti aðgangsnetanna byggist á þeim. Hins
vegar er afar kostnaðarsamt að ljósleiðaravæða borgir, bæi og byggðir og því munu menn
notast við ódýrari fjarskipti um langan tíma enn. Þörfin fyrir þann hraða sem einungis
ljósleiðarasambönd geta veitt er ekki komin fram og á þessum tímapunkti getur enginn bent
á slíka þörf hjá heimilum. Sjónvarpsþjónusta er sá þáttur sem krefst mestrar bandvíddar.
Kvikmyndaveita (e. video on demand) krefst t.d. um 4 Mb/s gagnahraða til að ná fram sam-
bærilegum mynd- og hljóðgæðum og í útsendingum sjónvarps. Háskerpusjónvarp krefst
innan við 20 Mb/s. Með öflugri tölvum næst sífellt betri árangur í MPEG-2 og MPEG-4
kóðun þannig að sífellt þarf minni bitahraða til að ná sömu gæðum. Jafnvel þótt heimili
þyrftu þrjár rásir frá kvikmyndaveitu krefðist það aðeins 12 Mb/s og þrjár háskerpurásir
þurfa innan við 60 Mb/s. Flutningur tals með IP og hefðbundinn tölvupóstur þurfa hverfandi
bandvídd og venjubundinn internetaðgangur þarf heldur ekki mikið.
PON-högunin hentar mjög vel í aðgangsnetinu þvi hana er hægt að aðlaga þörfum hvers
tíma án þess að ráðast í jarðframkvæmdir. Dæmi um þetta er breiðband Símans sem nú er
rekið sem kapalkerfí til dreifingar sjónvarpsmerkja. Með kapalmótöldum er hægt að bjóða
gagnaflutningsþjónustu með allt að 10 Mb/s flutningshraða. Þegar kröfur um meiri hraða
koma fram er hægt að breyta því í EPON og næsta skref gæti verið WDM PON þegar
hraðakröfurnar verða enn meiri. Sem fyrr segir gæti slíkt kerfi skilað allt að 10 Gb/s heim
til viðskiptavinar jafnvel þótt spölurinn frá götuskáp og heim sé brúaður með kóaxstreng.
Verður þá hver fúllsæmdur sem hefur slíka tengingu.
Heimildir
[1] H. Steward, ACTSLINE. Sharing Access Networks Between Fixed and mobile ser-
vices. Telekom praxis 05.2001
[2] N. Caponio, S. Mottet, C. Kazmierski, B. Jacobs, Z. Ioannidis, A. Ferreira, A. Oliveira,
C. Zimmer, PIR4.5. Opporlunities for WDM-Technologies in Access networks.
EURESCOM-P614, 1998
[3] E. Weis, M. Adamy, F. Bourgart, S. Mottet, P. Bradley, L. Soldano, M. Smit, Anjali
Riise, A.-F. Mlonyeni, M. Pousa, T. Almeida, PIR7.2. Evolution towards WDM PON.
EURESCOM-P917, 2000
[4] I. Cooper, V. Barker, M.Andrews, M. Bramhall, P.Ball. "Video over BPON with
Integrated VDSL. Fujitsu Sci. Tech. J. 37, pp 87-96, June 2001.
[5] http://www.ieee802.Org/3/efm/
[6] http://www.fsanet.net/
[7] http://www.worldwidepackets.com