Bændablaðið - 15.03.2012, Page 1

42
5. tölublað 2012 Fimmtudagur 15. mars Blað nr. 366 18. árg. Upplag 24.000
18
Dýrara að kynda með innlendri raforku en innfluttri olíu í sveitum landsins:
Húshitunarkostnaður nærri þrefalt
hærri í dreifbýlinu en í Reykjavík
Í lok ráðunautafundar sem hald-
inn var í Bændahöllinni í síðustu
viku var haldin athyglisverð ráð-
stefna um orkunotkun í íslenskum
landbúnaði og þau tækifæri sem
geta leynst í orkubúskap á íslensk-
um bújörðum. Í erindi Ágústu
Loftsdóttur hjá Orkustofnun á
Akureyri kom m.a. fram að veru-
lega hallar á landsbyggðina hvað
varðar orkukostnað við húshitun.
Það er því mikið hagsmunamál
fyrir bændur að framleiða sjálfir
þá orku sem til þarf.
Á meðan hitunarkostnaður í
Reykjavík 2011 var nærri þrjár
krónur á kílówattstund (kr./kWh)
þá var kostnaður vegna húshitunar
með olíu tæpar 8 kr/kWh þegar búið
var að draga frá nærri 7 króna niður-
greiðslur. Ef fólk í sveitum landsins
notaði innlenda raforku til húshitunar
þá var kostnaður notenda enn meiri
en ef notuð var olía.
Ef eingöngu eru bornir saman
innlendir orkugjafar þá er dæmið
sláandi, því þar er kostnaður vegna
rafhitunar í dreifbýli nærri 12 krónur
á kílówattstund en með niðurgreiðslu
ríflega 8 kr/kWh. Rafhitun í þéttbýli
og kyntar hitaveitur eru að borga um
6-7 kr./kWh þegar búið er að taka
tillit til niðurgreiðslna.
Athygli vekur í tölum Ágústu að
í niðurgreiðslukerfi á orku til húshit-
unar virðist beinlínis verið að hvetja
fólk til að nota frekar olíu en raforku
sem framleidd er af fyrirtækjum
íslenska ríkisins. Niðurgreiðslur
vegna olíuhitunar nema nærri 7
krónum á kílóvattstund á meðan
niðurgreiðslur vegna raforkuhitunar
í dreifbýli nema einungis ríflega 3
krónum á kílóvattstund. Þá borgar
olíunotandinn tæplega 8 krónur á
kílówattstund úr eigin vasa fyrir
innfluttu orkuna á meðan raforku-
notandinn þarf að greiða nærri níu
krónur fyrir kílówattstundina af
alíslenskri endurnýjanlegri hreinni
vatnsfallsorku. /HKr.
- Nánari umfjöllun um
orkuráðstefnu á bls. 32-33
Sláturhúsið Hellu ehf., sem er stærsta stórgripasláturhús landsins, stendur nú í stórræðum við að byggja upp nýja
aðstöðu fyrir kjötvinnslu sláturhússins, í sjálfstæðri byggingu. Ráðgert er að taka hana í notkun síðar í mars og
mun sláturhúsið þá uppfylla reglugerðir Evrópusambandsins og öll skilyrði sem innleidd eru í nýrri löggjöf um
framleiðslu búfjárafurða, sem tók gildi 1. nóvember 2011. - Sjá umfjöllun á bls. 24-25 Mynd / HKr.
12
Sláturhúsið Hellu hækkar verð
til nautgripabænda um 2,5%
Sláturhúsið Hellu hf. hækkaði
verð til nautgripabænda frá og
með 12. mars 2012. Vegið meðaltal
hækkunarinnar er 2,5 %.
Hækkunin er 15 kr./kg. fyrir UN
I Úrval og UN I flokkana, 10 kr./
kg. fyrir UN II og K flokkana, en
verð fyrir kálfakjöt er óbreytt eins
og sláturlaun og flutningur.
Hæsta verð til bænda er því 640
krónur á kílóið fyrir UN I Úrval A
yfir 210 kg en 590 krónur á kg fyrir
skrokka undir 210 kg í sama flokki.
/HKr.
Stjórn Fjallalambs á Kópaskeri
samþykkti á fundi sínum þann
12.3.2012 að greiða 2,25% uppbót
á haustinnlegg dilka 2011.
Björn Víkingur Björnsson fram-
kvæmdastjóri Fjallalambs segir í
tilkynningu frá félaginu að ákvörðun
stjórnarinnar byggist á því að útlit sé
fyrir betri afkomu í rekstri félags-
sins miðað við síðustu ár. Þá hafi
stjórnin ákveðið að uppbótin verður
færð inn á viðskiptareikninga þann
1. apríl n.k.
Helstu eigendur Fjallalambs eru
bændur í Norður-Þingeyjarsýslu,
samtök þeirra og sveitarfélög í
Norður-Þingeyjarsýslu. Ennfremur
starfsmenn og aðrir einstaklingar.
Allir innleggjendur eiga auk þess
hlut í félaginu.
Fjallalamb greiðir 2,25% uppbót
Halldór Runólfsson yfirdýralækn-
ir leggur ekki til að allt fé verði
skorið strax á bænum Merki á
Jökuldal þar sem riða af afbrigð-
inu NOR 98 greindist í haust.
Samkvæmt aðgerðaráætlun sem
Halldór greinir frá í Bændablaðinu
í dag telur yfirdýralæknir það
ásættanlega áhættu að ekki verði
farið í fullan niðurskurð á öllu
fé í Merki að svo stöddu. Heldur
verði fjárbúið tekið til sérstakrar
rannsóknar og unnið samkvæmt
áætlun um mótvægisaðgerðir til
að lágmarka hugsanlega áhættu
í málinu.
Samkvæmt greiningum á
Tilraunastöðinni á Keldum er riðan
í flokki óhefðbundinna tilfella af riðu
eða af afbrigðinu NOR98 og er þetta
fjórði bærinn á Íslandi þar sem þetta
afbrigði greinist. Á bænum eru nú
um 540 kindur á fóðrum.
Nor 98 ekki hættulegt fólki
„Allt fé í þessu varnarhólfi var skorið
niður fyrir tæpum tuttugu árum, en
síðasta tilfelli af riðu kom upp í hólf-
inu 1997. Mikilvægt er að taka skýrt
fram að samkvæmt bestu fáanlegu
vísindum eru hvorki hefðbundin
riða né afbrigði af riðu talin geta
borist í fólk og valdið veikindum í
því,“ segir Halldór í grein sinni um
aðgerðaráætlunina þar sem segir
m.a:
Fimm ára og eldra fé fargað
„Eins fljótt og auðið er verði fargað
öllum kindum í Merki, sem eru
fimm ára og eldri, ásamt kindum
sem eru mest skyldar jákvæðu
kindinni. Heilasýni úr þeim verði
rannsökuð og ákvörðun um frekari
niðurskurð tekin í framhaldi af
niðurstöðum rannsókna. Finnist eitt
eða fleiri jákvætt sýni af afbrigðinu
NOR98 eða hefðbundinni riðu, þá
falli aðgerðaáætlun þessi úr gildi
og strax verði óskað eftir því við
sjávarútvegs- og landbúnaðarráðu-
neytið að niðurskurði á allri hjörð-
inni verði beitt, í samræmi við 8. gr.
laga nr. 25/1993, með tilheyrandi
sótthreinsunaraðgerðum og fjárleysi
í tvö ár.
Finnist engin jákvæð sýni við
niðurskurð nú, þá verði bærinn og
nærliggjandi bæir settir undir sér-
stakt eftirlit héraðsdýralæknis.
Næsta haust yrðu um 70 kindur,
sem verða þá orðnar 5 ára, felldar og
rannsakaðar. Fyndist eitt tilfelli af
NOR98 í þessum ríflega 70 kindum
yrði öll hjörðin skorin, (sbr. lið a í
aðgerðaráætlun). Fyndist ekkert til-
felli í þessum kindum yrði heimilt
að kaupa líflömb að Merki haustið
2012.“ - Sjá nánar á bls. 20
NOR 98 riðumálið á bænum Merki í Jökuldal:
Aðeins fimm ára fé og
eldra verður fargað
- Ef það dugar ekki verður öll hjörðin felld í haust
Halldór Runólfsson.
Fröken Svandís býður í
kandís
Mjólkurfræðikennari
framleiddi eiturlyf
Bærinn
okkar Hóll