Bændablaðið - 15.03.2012, Blaðsíða 7

Bændablaðið | fimmtudagur 15. mars 2012 7
ár reynsla sumra kvenna
af sílikonpúðum er
svo sem ekkert til að
gantast með, en Indriði
Aðalsteinsson á Skjaldfönn,
sem fylgst hefur með umræðunni,
kýs þó að fjalla um málið í gam-
ansömum stíl.
Í nokkuð langri „Skjaldfannar-
skýrslu „Indriða til þáttarins
er fjallað um ástandið svona
almennt, og engu eirt frekar en
vanalega:
Sannleikurinn sjaldan reynist
sagna bestur,
og aðeins fyrir feigan mann
að fara að reyna að brúka hann.
Berist fregn um ruddastrák
sem rakar punginn,
hann verður allra hetja þá,
hann fer utan á símaskrá.
Sjáir þú til svakalegrar sílíkonu,
að þér vinur góði gættu,
hún gæti valdið sprengihættu.
Karlpeningsins líf er orðið
lítils virði,
er glæsimey með barminn brattan
ber að forðast eins og skrattann.
Og Matvælastofnun fær líka sinn
skerf í skýrslu Indriða:
Ef þú sinnir eftirliti
einhverskonar,
framhjá lögum líta skaltu,
og leyndum öllum brotum haltu.
Að axla ábyrgð hlægilegt
er hér á Fróni,
hafirðu stolið, svindlað, svikið,
sóminn eflist fyrir vikið.
Nokkuð langt er umliðið síðan
sést hefur til Péturs læknis
Péturssonar í þættinum. Ekki
er hann þó hættur að víkja til mín
vísum. Allar samt einu marki
brenndar:
Hann er eins og flónaflokkur,
fyllir syndalistana.
Blessun Guðs er yfir okkur,
en Árni greyið misst‘ana.
Einstaka sinnum vottar þó fyrir
vinsemd í vísum Péturs þótt
meira fari fyrir hinu:
Sýni ég af vinsemd vott,
sem vísast lítt mun dofna.
Eftir dagsverk afar gott
auðnist þér að sofna.
Afar vandað er þitt tal,
auðnusól mun rísa.
Vin minn kæran kæta skal
kvöldsins lokavísa.
En skáldið sækir í sama farið. „
Lætur honum líka skár / leiðindi
að semja“:
Drjúgan hlaustu ættararð,
allvel þroskahraður,
en saklaust barnið seinna varð
syndum spilltur maður.
Og þar sem frekar líflegt hefur
verið á stjórnarheimilinu er ekki
óeðlilegt að hagyrðingar sæki
þangað yrkisefnin. Erlendur
Hansen á Sauðárkróki heggur
samt varlega til Vinstri grænna í
þessari vísu:
Hálum steinum stikla á,
Steingrímur og Valur.
Hóla-Jón er fallinn frá,
far vel Hjaltadalur.
Umsjón: Árni Jónsson
kotabyggd1@gmail.com
Í umræðunni
MÆLT AF
MUNNI FRAM
S
Kótelettufélag Íslands með
karlakvöld í Heiðarbæ
Það var mikið um dýrðir í
félagsheimilinu Heiðarbæ
föstudagskvöldið 2. mars þegar
Kótelettufélag Íslands boðaði til
karlakvölds í Reykjahverfi og bauð
öllum fullorðnum karlkyns íbúum
sveitarinnar til kvöldverðar. Að
sjálfsögðu voru ekta kótelettur á
borðum eins og þær gerast bestar,
með öllu viðeigandi meðlæti eins
og ömmurnar og mömmurnar
höfðu hér á árum áður. Í eftirmat
voru blandaðir ávextir úr dós og
ferskjur með þeyttum rjóma eins
og hver vildi. Þetta mæltist vel
fyrir og var mæting úr sveitinni
góð, auk þess sem nokkrir aðrir
gestir létu sjá sig.
Félagar í Kótelettufélagi Íslands
sáu um alla matseld og var það sam-
dóma álit allra að maturinn væri
alveg frábær.
20-22 millimetra þykkar kótilettur
og bara af E-lömbum
Undir borðum voru svo ræðuhöld
og hélt Tryggvi Óskarsson bóndi á
Þverá ræðu um sögu félagsins og
sögu kótelettunnar. Kom fram að í
félaginu eru einungis hafðar kóte-
lettur sem eru 20-22 mm á þykkt og
af E-lömbum, sem er besti flokkur-
inn. Þá þarf vöðvaþykkt að vera 32
mm og ekki er notað kjöt af minni
skrokkum en sem nemur 18 kg.
Kóteletturhrúturinn á Þverá
Tryggvi sagði félagsmenn hafa
ferðast víða og völdu þeir m.a. kóte-
lettuhrút Íslands sl. haust, sem nú er
á Þverá og má búast við fallegum
lömbum undan þegar vorar.
Hann lýsti nokkurri óánægju
með þær kótelettur sem nú fást í
búðum, sumt af þeim væri bara
rusl. Þetta þyrftu búðareigendur að
bæta. Fleiri ræðumenn kvöddu sér
hljóðs, m.a. Jóhannes Sigurjónsson
ritstjóri héraðsfréttablaðsins Skarps,
Halldór Kristinsson fyrrverandi
sýslumaður, Gunnar Hallgrímsson
bóndi í Klambraseli og Jón Helgi
Jóhannsson bóndi í Víðiholti.
Í lok veislunnar fengu allir áritað
skjal frá Kótelettufélagi Íslands til að
staðfesta það að viðkomandi hefði
snætt kótelettur í Heiðarbæ. Öllum
þótti þetta stórskemmtilegt kvöld og
þökkuðu meistarakokkunum mikið
vel fyrir sig. / Atli Vigfússon.
Borð voru hlaðin kótelettum og öðrum kræsingum. Myndir / Atli Vigfússon.
Meistarakokkarnir Birgir Þór Þórðarson og Jón Helgi Jóhanns-
son.
Helgi Þór Kárason, félagi í Kótelettufélagi Íslands, fékk sér vel
á diskinn.