Bændablaðið - 15.03.2012, Blaðsíða 8

Bændablaðið | fimmtudagur 15. mars 20128
Fréttir
Deildarfundur í Auðhumlu
Norðausturdeild var haldinn í
Sveinbjarnargerði nýverið. Þar
var 31 bú verðlaunað fyrir fram-
leiðslu á úrvalsmjólk. Ekkert bú
getur fengið slíka viðurkenn-
ingu nema að skila úrvalsmjólk í
A-flokki mánuðum saman.
Frummælendur á fundinum voru
Egill Sigurðsson stjórnarformaður
Auðhumlu, Einar Sigurðsson for-
stjóri og Sigurður Rúnar Friðjónsson
mjólkursamlagsstjóri MS Akureyri.
Að venjulegum aðalfundar-
störfum loknum ávarpaði Kristján
Gunnarsson mjólkureftirlitsmaður
framleiðendur, þakkaði þeim fyrir
frábæra mjólk og verðlaunaði 31
bú fyrir úrvalsmjólk. Hann sagði
að líftala hefði aldrei verið lægri og
meðalfrumutala hefði verið mjög lág.
Til að fá verðlaun fyrir úrvals-
mjólk þarf mjólkin að vera í 1.
flokki A í öllum mánuðum, en þar
eru mörkin líftala undir 25 þúsund
og faldmeðaltal frumutölu undir 220
þúsund í öllum mánuðum.
Auk þessa mega aldrei vera lyfja-
leifar í mjólkinni og einnig er farið
að mæla faldmeðaltal frírra fitusýra.
Kristján sagði að ekki væri sífellt
hægt að biðja um betra, því nú væru
þessir framleiðendur á toppnum og
það væri frábær árangur.
Eftirtalin bú fengu verðlaun fyrir
úrvalsmjólk: Böðvarsnes, Vogar I,
Daðastaðir, Búvellir, Hjarðarból,
Kálfborgará, Bjarnarstaðir,
Halldórsstaðir, Fljótsbakki,
Öxará, Lækjamót, Hrafnsstaðir,
Engihlíð, Reykjavellir, Laxamýri
og Ytri-Tunga, Vaglir, Merkigil,
Villingadalur, Rifkelsstaðir II, Sigtún,
Klauf, Ytri-Tjarnir II, Gautsstaðir,
Dagverðareyri, Brakandi, Þverá,
Sakka, Melar, Klaufabrekka og
Urðir.
Deildarfundur í Auðhumlu Norðausturdeild:
Verðlaun veitt fyrir úrvalsmjólk
Sögufélagið Húnvetningur rýnir í fortíðina:
Rán Hollendinga á
Skagaströnd 1686
Sögufélagið Húnvetningur á sér
sögu frá 1938. Oft hefur það starf-
að með nokkrum blóma en tóm-
látara orðið á milli eins og verða
vill. Nú er blásið til fundar þann
24. mars. Þar mun Þorlákur Axel
Jónsson sagnfræðingur segja frá
ráni Hollendinga á Skagaströnd
1686.
Undanfarin misseri hefur félagið
staðið fyrir 2-3 fundum árlega og
fengið fyrirlesara; sagnfræðinga
og sögumenn til að fræða fundar-
gesti. Fundarstaðir félagsins ná frá
Skagaströnd vestur í Hrútafjörð en
þar átti Þór Magnússon, fyrrum þjóð-
minjavörður, eftirminnilegt stefnu-
mót við fundargesti á Byggðasafninu
á Reykjatanga í aðventubyrjun 2010
og fræddi þá um safngripi og sögu
þeirra.
Næsti fundur félagsins verður
á Skagaströnd laugardaginn 24.
mars kl. 14 og þar mun Þorlákur
Axel Jónsson sagnfræðingur segja
frá ráni Hollendinga á Skagaströnd
1686. Grafist er fyrir um ástæður
þessa atburðar, farið yfir samskipti
Hollendinga og Íslendinga á 17. öld
og skoðað hvernig verslunarstaður
á borð við Höfðakaupstað birtist í
tiltækum hollenskum heimildum.
Fjallað verður einnig um hvernig
verslunarstaður Höfði var og þýð-
ing hans fyrir íbúa svæðisins verður
krufin. Sýndar verða myndir með
skjávarpa og gestum gefst tækifæri
til þess að bera fram fyrirspurnir.
/IHJ
Þorlákur Axel Jónsson.
Hestamannafélagið Þjálfi í Suður-
Þingeyjarsýslu hélt námskeið fyrir
börn í reiðhöllinni í Torfunesi á
dögunum.
Börnin skemmtu sér hið besta á
námskeiðinu en þar fræddust þau
m.a. um íslenska hestinn og fengu
þjálfun í að vera á hestbaki, lærðu
um gangtegundir og eins var almennt
fjallað um
u m g e n g n i
við hross.
O d d n ý
Lára Guðna-
dóttir leið-
beinandi sá
um barna-
námskeiðin.
Börnin voru
mjög ánægð,
enda alltaf
gaman að vera á hestbaki. Oddný
Lára sagði að námskeiðið væri að
miklu leyti verklegt en líka bóklegt
og allir fengju t.d. blað með sér heim
sem á væri „Bæn hestsins“.
Barnanámskeið hestamannafélagsins Þjálfa:
Lærðu ýmislegt um
íslenska hestinn
Ánægð á hestanámskeiði í Torfunesi. Frá vinstri: Unnur Ingvarsdóttir Olsen,
Árný Ingvarsdóttir Olsen, Margrét Ósk Friðriksdóttir og leiðbeinandinn
Oddný Lára Guðnadóttir.
Unnur Ingvarsdóttir Olsen ásamt
Elínu Margréti Eyþórsdóttur, sem
var til aðstoðar.
Glaðbeittir verðlaunahafar með veglega blómvendi og staup. Myndir: Atli Vigfússon.
Friðrika Sigurgeirsdóttir, Bjarnarstöðum í Bárðardal fékk sín síðustu verðlaun;
hún hefur nú hætt mjólkurframleiðslu en mjög oft verið verðlaunuð. Hér er
hún ásamt Kristínu Halldórsdóttur gæðastjóra og Sigurði Rúnari Friðjóns-
syni, mjólkurbússtjóra MS Akureyri.
Á aðalfundi Dýraverndarsambands
Íslands í Norræna húsinu sl.
laugardag var dýralæknirinn Sif
Traustadóttir kjörin nýr formaður
félagsins til næstu tveggja ára. Hún
tekur við af Ólafi Dýrmundssyni,
sem hefur gegnt embættinu frá því
í mars 2008. Sif hlaut 105 atkvæði
en Árni Stefán Árnason, mótfram-
bjóðandi hennar, 29 atkvæði.
Sif, sem er fyrrverandi formaður
Dýralæknafélags Íslands, hefur látið
til sín taka í umræðu um aðbúnað
dýra á undanförnum misserum og
kom að endurskoðun laga um dýra-
velferð með setu í nefnd sem skipuð
var af umhverfisráðherra árið 2008.
Tillögum nefndarinnar var skilað til
ráðherra á síðasta ári.
Á vefmiðlinum pressan.is er full-
yrt að margir séu ósáttir eftir fundinn
og sumir hafi á orði að brögð væru í
tafli. Er vitnað til efasemda félags-
manna um að atkvæðafjöldi í kjör-
inu komi heim og saman við fjölda
félagsmanna á fundinum. Þá er látið
að því liggja að klofningur gæti orðið
innan raða Dýraverndarsambandsins
og herma heimildir vefmiðilsins að
hópur fólks, sem sé ósátt við niður-
stöður kosninganna, íhugi að stofna
ný dýraverndarsamtök.
Ólafur Dýrmundsson segir fram-
kvæmd kosningarinnar hafa verið
eðlilega í alla staði. „Hver félags-
maður var spurður um nafn og kenni-
tölu um leið og hann kom og svo
var merkt við hann í félagaskránni í
tölvunni. Síðan fékk hann afhentan
einn kjörseðil. Kjörnefnd, óháð
stjórnarmönnum, sá að öllu leyti um
talningu atkvæða og birti niðurstöð-
urnar í lok fundarins. Fjöldi félags-
manna á fundinum kemur fyllilega
heim og saman við atkvæðafjöldann
í kjörinu,“ segir hann.
Sýnilegra samband
Sif segir að stefnan sé sett á að sam-
bandið verði sýnilegra í framtíðinni.
„Mig langar líka til að eiga í meiri
samræðum við bændur og mig langar
að hvetja þá til þátttöku í umræðunni
um þessi mál. Þeir hafa auðvitað
mikið um málaflokkinn að segja
og fólk horfir mjög til þeirra, enda
hafa þeir mikið vit á þessu því þeir
umgangast sín dýr á hverjum degi.“
Hún segir að þó dýraverndarmál séu
víða í ágætum málum megi alltaf gera
betur á ýmsum sviðum.
„Þegar ég tala við bændur finn ég
það líka að þeir eru þessu sammála
– þeir hafa miklar skoðanir. Þó að
einn og einn sé á skjön er það kannski
ekki stórt vandamál – slík tilfelli eru
tiltölulega sjaldgæf. Flestir bændur
hugsa mjög vel um dýrin sín og þeir
eru ekki ánægðir með þegar einhverjir
einstaklingar koma óorði á alla hina
með því að standa sig ekki.
Stóra verkefni okkar á næstunni
verður að standa vörð um nýju lögin
um dýravelferð, sem verða vonandi
sem fyrst lögð fyrir Alþingi og sam-
þykkt þar. Við höfum einnig hug á
því að auka fræðslu í samfélaginu
– ekki eingöngu almennt í þjóð-
félagsumræðunni, heldur ekki síst
til unglinga og barna,“ segir nýkjör-
inn formaður. Sif tekur fram að það
verði að sjálfsögðu reynt að sinna
málefnum búfjár annars vegar og
gæludýra hins vegar jafnvel. Raunin
sé þó sú að oft hafi málefni búfjár
gleymst þegar einblínt hafi verið of
mikið á gæludýramálin, sem geti
verið mjög tilfinningaþrungin mál.
Oft séu það hins vegar ekki stærstu
dýraverndunarmálin – þau sé oft að
finna í landbúnaði.
„Ýmsar reglugerðir eru að mínu
mati úreltar, eins og til dæmis sú sem
fjallar um flutninga á búfé til slátr-
unar, en hún er frá 1958. Einnig þarf
að vera hægt að taka harðar á málum
þegar bændur verða uppvísir að illri
meðferð eða vanrækslu á dýrum; að
hægt verði að fjarlægja dýrin í þeim
tilfellum, en það virðist mjög erfitt í
dag. Mér finnst líka koma til greina
að svipta þá bændur styrkjum – en þá
þarf líka að breyta reglum.“
Nálgast má upplýsingar um starf-
semi DÍ á liðnum árum, og ýmsar
aðrar upplýsingar, á vef þeirra, www.
dyravernd.is. /smh
Sif Traustadóttir dýralæknir er nýr formaður Dýraverndarsambands Íslands:
Vill eiga meiri samræður við bændur