Bændablaðið - 15.03.2012, Blaðsíða 12

Bændablaðið | fimmtudagur 15. mars 201212
Það leggur ljúfan sælgætisilm yfir
félagsheimilið Stað á Eyrarbakka
þar sem Svandís Guðmundsdóttir
vinnur með snörpum hreyfing-
um við gulleitan sykurmassa.
Aðstoðarkona hennar, Þórunn
Sigurbjörnsdóttir, er tilbúin við
klippivélina að taka á móti brjóst-
sykursmolum í öllum regnbog-
ans litum. Brjóstsykurs„bóndi“
Suðurlands er að störfum.
„Það er um eitt ár síðan ég byrj-
aði að framleiða brjóstsykurinn en
fram að því hafði ég eingöngu verið
í námskeiðahaldi. Þá var ég, og er
enn, að halda klukkutímanámskeið
fyrir óvissuferðir og bekkjarkvöld
en einnig hef ég verið með lengri
námskeið. Ég hef þá kennt börnum
alveg niður í fyrsta bekk og þá fá þau
að útbúa sinn eigin sleikjó, sem er
mjög mikið sport. Eftir að ég varð
mér úti um framleiðsluleyfi og fékk
aðstöðu í viðurkenndu eldhúsi sel
ég nú frá mér á neytendamarkað
og er þetta orðið að fullri vinnu hjá
mér,“ útskýrir Svandís, sem mun
taka þátt í sýningunni Suðurland
í sókn í Ráðhúsi Reykjavíkur um
komandi helgi og sýna þar stærsta
sleikibrjóstsykur sem gerður hefur
verið hérlendis.
Notar íslensk söl og hunang
Svandís kaupir hluta af hráefninu
hérlendis en einnig frá Danmörku.
Brjóstsykurinn er án allra aukaefna
og eru litir og bragðefni náttúruleg.
„Við Þórunn erum yfirleitt
þrjá daga í viku hér í vinnslunni
en minnsti tíminn fer í að búa til
brjóstsykurinn. Pökkunin, markaðs-
vinnan og að leita sér að verslunum
til að koma vörunni á framfæri er
ansi tímafrekt ferli. Síðan er mikil
þróunarvinna í bragðtegundum en
ég er með um 10 tegundir í sölu.
Það sem er vinsælast hjá mér er
Eldhraun, sem er gamli kónga-
brjóstsykurinn, Katla er lakkrís-
brjóstsykur með cayenne-pipar og
chili og eins er saltbrjóstsykurinn
Fjörulalli vinsæll, en hann er með
íslenskum sölvum í. Einnig ætla
ég að prófa íslenskt hunang en ég
hef mikinn áhuga á að nota íslenskt
hráefni eins og hægt er.“
Á síðasta ári seldi Svandís frá sér
hátt í átta þúsund poka af brjóstsyk-
ursgóðgæti og býst hún við enn meiri
sölu á þessu ári.
„Ég var dugleg að kynna þetta á
ýmsum sýningum og bændamörk-
uðum en þá útbjó ég brjóstsykur á
staðnum, sem vakti jafnan lukku.
Eftir að ég tók þátt í sýningunni
Suðurland, já takk í Ráðhúsinu í
Reykjavík í fyrra fór boltinn að rúlla
og ég varð mér úti um sambönd og
fékk ákveðið þor til að halda áfram.
Nú er ég að koma mér í samband við
bændur í Beint frá býli sem fram-
leiða ís, til að kanna þann möguleika
að nota brjóstsykursmulninginn sem
kemur alltaf við skurðinn í fram-
leiðslunni út í ísinn. Ég hef einnig
áhuga á að verða meðlimur í Beint
frá býli en mér skilst að ég þurfi að
búa á lögbýli til þess. Þetta sem ég
er að fást við er íslenskt handverk og
það væru orð að sönnu að kalla mig
brjóstsykursbónda,“ segir Svandís
og hlær við um leið og hún býr sig
undir að vinna með næstu lögun af
rjúkandi heitum sykurmassa.
/ehg
Fréttir
Brjóstsykurs„bóndi“ Suðurlands:
Fröken Svandís - býður í kandís
Seljahjallagil, Bláhvammur,
Þrengslaborgir og nágrenni í
Skútustaðahreppi hafa verið frið-
lýst sem náttúruvætti. Svæðið er
í landi jarðarinnar Grænavatns,
er 2117,8 hektarar að stærð
og liggur bæði fyrir samþykki
landeigenda og sveitarstjórnar
fyrir friðlýsingunni. Svandís
Svavarsdóttir umhverfisráðherra
og Kristín Linda Árnadóttir for-
stjóri Umhverfisstofnunar undir-
rituðu friðlýsinguna við athöfn í
Gestastofunni í Mývatnssveit á
þriðjudag að viðstöddu fjölmenni.
Á svæðinu er að finna merkar
minjar frá jarðeldunum sem
skópu Mývatn og umgjörð þess.
Fyrir tæpum 4.000 árum rann
Laxárhraun eldra frá Ketildyngju
um Seljahjallagil, breiddi úr
sér á Mývatnssvæðinu og rann
áfram niður Laxárdal og Aðaldal.
Við það stíflaðist afrennsli
Mývatnssvæðisins og stöðuvatn
myndaðist, álíka stórt og Mývatn,
en með ólíka lögun. Fyrir um 2.300
árum rann Laxárhraun yngra frá
Lúdentsborgum, Þrengslaborgum
og Borgum í Grænavatnsbruna.
Einn gíganna frá þessu gosi er í
Seljahjallagili. Hraunið rann um
Mývatnssvæðið, niður Laxárdal
og Aðaldal allt að Skjálfanda.
Dimmuborgir mynduðust í þessu
gosi sem og gervigígar við Mývatn,
í Laxárdal og Aðaldal. Í gosinu varð
Mývatn til í núverandi mynd.
Í Bláfjalli og Bláfjallsfjallgarði
eru fjölbreyttar móbergs- og grá-
grýtismyndanir frá ísöld með giljum
og hvömmum sem grafist hafa út
við lok ísaldar. Seljahjallagil er víða
100-150 m djúpt og um 500 m á
breidd að meðaltali. Nyrst í gilinu
hefur leysingavatn grafið nýtt gil
ofan í hraunið og koma þar fram
miklir klettadrangar með einhverju
fegursta og fjölbreyttasta stuðla-
bergi á austanverðu Norðurlandi.
Bláhvammur er gróðurríkt hlíða-
svæði suður af Seljahjallagili,
vaxið birkiskógi og blómgróðri.
Hvammurinn er klettahvilft sem
jökulvatn hefur grafið í móbergið
og er þar greinilegt gamalt fossstæði.
Í náttúruvættinu er einnig að finna
fálkaóðul sem eru setin árlega.
Seljahjallagil,
Bláhvammur og
Þrengslaborgir:
Friðlýst sem
náttúruvætti
Fyrir um 2.300 árum rann Laxárhraun
yngra frá Lúdentsborgum, Þrengsla-
borgum og Borgum í Grænavatns-
bruna. Einn gíganna frá þessu gosi
er í Seljahjallagili, en það hefur nú
verið friðlýst sem náttúruvætti.
Mynd / Bergþóra Kristjánsdóttir
Brjóstsykurslengjur koma úr klippivélinni sem bróðir Svandísar, Vilhjálmur Arnar Ólafsson, hannaði. Aðstoðarkona
hennar, Þórunn Sigurbjörnsdóttir, er tilbúin að taka á móti brjóstsykursmolum í öllum regnbogans litum.
Svandís vinnur hratt með sykurmass-
ann áður en hann verður of kaldur en
hún heldur úti heimasíðunni kandis.
is.
„Maður þarf ekki að fara í líkamsrækt þegar maður hefur þessa iðju,“ segir Svandís brosandi þar sem hún skutlar sykurmassanum hratt og örugglega
upp og niður á stönginni til að gera hann hvítan á lit. Myndir / EHG
Hann er skrautlegur brjóstsykurinn
hjá Svandísi.
Bændablaðið
á netinu...
www.bbl.is