Fréttablaðið - 04.02.2012, Blaðsíða 25

LAUGARDAGUR 4. febrúar 2012 25
Þegar Perlan var byggð efst á Öskjuhlíðinni um 1990 voru
aðrir tímar. Hitaveitan var ekki
orðin að Orkuveitu og stundaði
ekki rækjueldi.
Hugmyndin um Perluna var
orðin hálfrar aldar gömul þegar
henni var hrint í framkvæmd. Ein-
hverjum snillingi, sumir segja að
það hafi verið Jóhannes Kjarval,
datt í hug að það gæti verið flott að
hafa hálfkúlulaga veitingahús ofan
á hitaveitutönkum á toppi Öskju-
hlíðar. Stjórnendur borgarinnar
féllu fyrir hugmyndinni fimmtíu
árum seinna þegar vel stóð á fyrir
Hitaveitu Reykjavíkur.
Perlan reis og strax kom í ljós
að Kjarval hafði rétt fyrir sér, hún
varð flott, varð strax kennileiti í
Reykjavík og fékk táknrænt hlut-
verk. Hún varð myndbirting vel-
megunar þessarar sérstöku borgar
sem hituð er með vatni úr iðrum
jarðar og þar sem útsýnið er meira
og víðara en gengur og gerist í
höfuð borgum heimsins. En sá galli
var hins vegar á að hana skorti
hagnýtt hlutverk eins og yfirleitt
er þó meginréttlæting allra húsa.
Almenningur tók Perlunni yfir-
leitt vel en þó var eins og ekki væri
hægt að tala mikið um hana. Þetta
var svo skrítið allt saman. Eitt-
hvert stærsta og glæsilegasta hús
sem byggt hafði verið á Íslandi,
hönnunar- og tæknilega framúr-
stefnulegt og fullkomið en án sýni-
legs tilgangs.
Í rúma tvo áratugi hefur Perlan
gegnt þessu táknræna hlutverki
sínu sem kennileiti og þangað er
stöðugur straumur ferðamanna
vegna þess að hún er einn besti
útsýnisstaður í Reykjavík, vel stað-
sett í miðju útivistarsvæði Öskju-
hlíðarinnar með næg bílastæði.
Nú er hins vegar verið að ráð-
slaga um að selja einka fyrirtæki
þessa sameign okkar því að
slæm fjárhags staða Orku veitu
Reykja víkur leyfir ekki þennan
leikara skap lengur. Þrátt fyrir að
sam félag okkar hafi tekið stakka-
skiptum að mörgu leyti er ekki
auðsætt að okkur farnist betur
nú við ráðstafanir á því sem við
eigum sameiginlegt.
Fyrir hrunið trúðu stjórnvöld
því að betra væri fyrir samfélagið
að færa einkaaðilum sem flest
sameiginleg mannvirki, selja þau
jafnvel þótt það væri fyrir lágt
verð, og leigja þau síðan aftur til
þeirra nota sem þau voru reist
fyrir. Síðar hefur komið í ljós
hversu misráðið þetta var. Þetta
var allt saman hluti af leikfléttu
sem hafði það að markmiði að falsa
bókhald og láta líta út fyrir að fjár-
hagur viðkomandi væri betri en
hann var. Eitt versta dæmið af
þessu tagi er þegar Heilsuverndar-
stöðin í Reykjavík, glæsileg bygg-
ing með táknrænt gild, var seld.
Aftur til Perlunnar
Það er óráð að selja
Perluna. Hún er hús
af því tagi sem á að
vera samfélagsleg
eign. Hús sem er orðið
táknmynd fyrir einu
höfuðborg heims sem
eingöngu er hituð með
heitu vatni úr iðrum
jarðar. Það er hins
vegar líka óráð að
hafa ekki meiri not af
henni en verið hefur
en okkur ætti ekki að
verða skotaskuld úr
því að bæta úr því.
Við búum í landi sem
hefur sérstaka náttúru
og menning okkar öll og sjálfs-
mynd þjóðarinnar tengist náttúru
þess mjög sterkum böndum. En við
höfum því miður vanrækt að koma
upp góðri sýningu um íslenska
náttúru og Náttúruminjasafn
Íslands, sem lögum samkvæmt
ber þetta hlutverk, er á algerum
hrakhólum. Þetta er í raun og veru
stórfurðulegt. Á undanförnum ára-
tugum hefur samfélag okkar byggt
verslunarmiðstöðvar, samgöngu-
mannvirki og margvíslegar hallir
en hefur ekki enn séð ástæðu til
að koma sér upp safni og heild-
stæðri sýningu um þá náttúru sem
menning okkar er sprottin af.
Þetta er ekki boðlegt.
En nú er lag og við getum enn
stigið merkilegt skref til framtíðar
og sannað fyrir sjálfum okkur
og öðrum að við erum ekki þeir
afglapar að afhenda einkaaðilum
Perluna og gjaldfella hana
þar með sem kennileiti og
tákn.
Hugsið ykkur hve
merki legur staður Perlan
er fyrir sýningu um
náttúru Íslands. Þarna
er risa stór sýningar höll
sem hituð er með orku
úr iðrum jarðar. Þarna
er fagurt útsýni til fjalla-
hringsins þar sem sjá má
jökla og eld fjöll. Þetta
getur ekki orðið betra.
Perlan er nú þegar fjöl-
sóttur ferða manna staður
og nútímaleg náttúru-
minja sýning í henni myndi
á auga bragði slá í gegn. Öll
skólabörn landsins myndu
skoða hana og nánast allir ferða-
menn sem til borgarinnar koma.
Sýningunni má koma upp á
löngum tíma. Það þarf ekki að
byrja á að ausa í hana fjármunum á
stundinni heldur fara hægt af stað,
tjalda því sem til er af náttúru-
minjum og munum og nýta einfalda
en áhrifamikla nútímatækni.
Vinsamlega hættið strax öllum
samningaumleitunum um sölu á
Perlunni og gangið frá samkomu-
lagi um að gera hana að heimili
Náttúruminjasafns Íslands. Perlan
getur orðið skel utan um þá perlu
sem sýning um náttúru Íslands á
að vera.
Sá nánar á Vísir.is
Perlu í Perluna
Perlan getur
orðið skel
utan um þá
perlu sem
sýning um
náttúru
Íslands á að
vera.
AF NETINU
Hagsmunaárekstrar
Lyfsölulög setja skorður við því að
læknar eigi í lyfjafyrirtækjum eða
stundi lyfjainnflutning. Sama ætti
auðvitað að eiga við um annað
það sem læknar koma fyrir í líkama
sjúklinga sinna eða fá þá til að nota,
hvort sem það eru sílíkonpúðar,
mjaðmarliðir eða hjálpartæki.
Mál þetta sannar að ekki er
seinna vænna að setja skýr lög um
þetta efni, til að forðast hagsmuna-
árekstra af því tagi sem við höfum
nú séð í sílíkonpúðamálinu.
Að auki þarf að skerpa verulega
á eftirliti með heilbrigðisþjónustu –
ekki síst þeirri einkareknu.
http://blogg.smugan.is
Ólína Þorvarðardóttir
Hverjum stríddi Össur?
Össur Skarphéðinsson, utanríkisráð-
herra, sagði á Alþingi í morgun, að
ríkisstjórninni hefði tekizt að koma
einkaneyzlunni af stað og kreppunni
væri lokið, þremur árum eftir að
ríkisstjórnin tók við völdum.
Honum getur ekki verið alvara.
Sennilega hefur Össur verið með
einhverja stríðni, þótt það sé að vísu
ekki við hæfi að hafa uppi stríðni
um viðkvæm og alvarleg mál.
Kreppunni er að sjálfsögðu ekki
lokið. Kannski hefur hún aldrei sótt
hart að utanríkisráðuneytinu enda
hefur því verið hlíft við þeim niður-
skurði, sem þar hefði átt að fara
fram. En kreppan er raunveruleiki í
daglegu lífi langflestra Íslendinga.
http://www.evropuvaktin.is
Styrmir Gunnarsson
Menning
Hjörleifur
Stefánsson
arkitekt
Þórunn Sigríður
Þorgrímsdóttir
sýningahönnuður
.000!
Vertu í hópi þeirra bestu. Hönnun Ford er
gegnheil og tekur mið af þér og þínum,
allri fjölskyldunni - stórum sem smáum. Spyrðu
um fyrirmyndarþjónustu Brimborgar. Nýttu þér
Þorratilboðið: seldu okkur gamla bílinn þinn og
kauptu Ford Kuga Titanium S AWD.
Veldu Ford. Komdu í Brimborg í dag.
skoðaðu
Þorratilboðið
Opið 12-16