Fréttablaðið - 04.02.2012, Side 38

heimili&hönnun2
NÝTT UNDIR SÓLINNI
● Forsíðumynd: Valgarður Gíslason tók mynd af Guð-
rúnu Dís Emilsdóttur og dóttur hennar Aðalheiði Helgu
á heimili þeirra í Kópavogi Útgáfufélag: 365 miðlar ehf.,
Skaftahlíð 24, 105 Reykjavík, s. 512 5000 Ritstjórar: Roald
Eyvindsson roald@frettabladid.is og Sólveig Gísladóttir
solveig@frettabladid.is Auglýsingar: Ívar Örn Hansen
s. 512 5429 Útlitshönnuður: Sæmundur Freyr Árnason
sfa@frettabladid.is.
heimili&
hönnun
 SÉRBLAÐ FRÉTTABLAÐSINS UM HÍBÝLI 
febrúar 2012
Vekja athygli í Bandaríkjunum
Arkitektahjónin Erla Dögg og Tryggvi hjá Minarc í
Los Angeles hafa sett á markað umhverfisvæn og
sjálfbær einingahús. SÍÐA 6
ÉG ER
KERTASJÚK
segir Guðrún Dís Emilsdóttir,
Gunna Dís, dagskrárgerðarkona á Rás 2.
BLS. 4
Flott tækifæri
Stórfyrirtækin iittala og Artek eru
meðal þeirra sem leita fanga á
Íslandi á kaupstefnunni Design-
Match á HönnunarMars. SÍÐA 2
Verð frá 64.990
Ryksugu vélmenni
● SIGGA HEIMIS Í STOKKHÓLMI
Sigríður Heimisdóttir eða Sigga Heimis,
mun sýna á húsgagnasýningunni í Stokk-
hólmi sem fram fer nú í byrjun febrúar. Hún
mun meðal annars sýna skápa sem hugs-
aðir eru fyrir skó og eru framleiddir af Stál-
smiðjunni. Sigga notast við gamla stansa
sem hún kynntist meðan hún vann í Ofnasmiðj-
unni fyrir margt löngu. Skáparnir eru litlir og poppað-
ir upp með því að blanda saman mismunandi litum.
Hún mun einnig sýna kolla en setan á þeim er í formi
fisks. Einnig mun hún útbúa skurðarbretti og fleiri
hluti í þeim anda. Sigga hefur nýflutt vinnustofu sína
út á Granda. Hún opnar hana í dag að Grandagarði 19
við hliðina á Steinunni fatahönnuði, í slagtogi við Önnu
Maríu ljósmyndara.
● HÖNNUNARMARS Á NÆSTUNNI HönnunarMars verður
haldinn í fjórða sinn dagana 22. til 25. mars næstkomandi. Nú hefur verið
opnað fyrir skráningu en frestur til
að skrá viðburði rennur út mið-
vikudaginn 15. febrúar. At-
hygli er vakin á því að skrán-
ingar þeirra sem ekki eru í fag-
félögum Hönnunarmiðstöðvar
verða teknar sérstaklega fyrir í
stjórn HönnunarMars, sem áskil-
ur sér rétt að hafna skráningun-
um uppfylli þær ekki kröfur um
þátttöku. Nánari upplýsingar á
www.honnunarmidstod.is.
● VEGGFÓÐUR Á HEIMSMÆLIKVARÐA Þýski hönnuðurinn Lars Contzen kemur víða við í hönnun.
Hann hannar allt frá teppum til húsgagna. Frægastur eru hann þó fyrir veggfóðurhönnun sína en hann hefur
notið mikillar velgengni á því sviði og selt yfir 20 milljón fermetra af veggfóðri um allan heim. Nánari upplýsingar
er að finna á www.larscontzen.de.
Hönnunarmiðstöð Íslands og Nor-
ræna húsið standa að kaupstefn-
unni DesignMatch á Hönnunar-
Mars en þar fá íslenskir hönnuðir
tækifæri til að kynna hönnun sína
fyrir framleiðendum og endur-
seljendum á Norðurlöndum. Tvö
finnsk stórfyrirtæki hafa boðað
komu sína í ár, Artek, sem meðal
annars framleiðir og selur húsgögn
Alvars Aalto og iittala. Þá bættust
sænska fyrirtækið DesignHouse
Stockholm og danska fyrirtækið
One Collection nýlega við.
Christel Vaenerberg, hönnunar-
stjóri ittala, segir það geta verið
stökkpall fyrir feril hönnuða að ná
samningum við ittala.
„Vörur iittala eru seldar um
allan heim og fyrirtækið rekur
einnig sínar eigin verslanir. Þeir
sem ná samningum um að hanna
inn í vörulínu fyrirtækisins geta
búist við gríðarlegri kynningu,“
segir Christel. Hún ítrekar þó að
að baki hverjum samningi sé langt
ferli en fyrstu skrefin séu að skoða
og ræða hugmyndir hönnuðarins.
„Við þurfum að kynnast þanka-
gangi hvors annars. Þess vegna
er mikilvægt að hönnuðir hugsi af
hverju, hvernig og fyrir hvern þeir
eru að kynna hugmynd,“ bætir hún
við. Hún segir fyrirkomulag kaup-
stefnunnar nýtt fyrir sér.
„Ég veit ekkert á hverju ég á von
en það er gott. Það þýðir að allt er
mögulegt. Mér finnst hugmyndin
mjög áhugaverð. Ég hef ekki komið
til Íslands áður og þekki í raun
betur til íslenskrar tónlistar en til
íslenskrar hönnunar en ég hlakka
til að eiga áhugaverðar samræður
við íslenska hönnuði.“
Greipur Gíslason, verkefnastjóri
hjá Hönnunarmiðstöð, segir það
gríðarlegan feng að fá svo leiðandi
fyrirtæki í skandinavíska hönn-
unarheiminum á kaupstefnuna.
„Það eru jafn-
vel fleiri fyrir-
tæki að bætast
við,“ segir hann
en vill ekki gefa
meira upp. Hann
segir HönnunarMarsinn vera að
festa sig í sessi sem ein af áhuga-
verðustu hönnunarhátíðum á Norð-
urlöndunum og horft sé til Íslands
úr öllum áttum.
„Hönnunarmiðstöðin og Hönn-
unarMarsinn eru ný verkefni og
fólk dáist að því hvað er að ger-
ast hérna,“ segir Greipur. „Við
erum meðal annars í sam-
starfi við World Design
Capital Helsinki í ár
og að hluta til er það
ástæða þess að þessi
finnsku stórfyrir-
tæki koma. Hönn-
unarMarsinn er að
skapa sér sérstöðu og
það sem vekur mesta
athygli er að grasrótin er
með, allir með opið og stuð
í miðborginni. Fyrirtækin geta
því alveg eins gert viðskiptasam-
bönd við hönnuði sem þeir sjá úti
í bæ,” segir Greipur. Hann segir
von á blaðamönnum frá Ítalíu, Sví-
þjóð, Finnlandi og Bandaríkjun-
um og einnig sé Hönnunarmiðstöð
með bloggara og ljósmyndara sem
senda efni út í heim.
„Það er mikilvægt
fyrir íslenskt
hönnunar-
samfélag að
gera vel og
taka þátt.“
- rat
iittala leitar fanga hér
● Stórfyritækin iittala og Artek eru meðal þeirra sem munu leita fanga á Íslandi á
kaupstefnunni DesignMatch á HönnunarMars í ár. Til mikils er að vinna fyrir íslenska hönnuði.
Kastehelmi eftir
Oiva Toikka,
hannað fyrir
iittala árið 1964.
Vörur iittala eru
Íslendingum að
góðu kunnar.
Ultima Thule glösin
eftir Tapio Wirkkala
njóta enn vinsælda en
þau voru hönnuð
árið 1968.
Greipur Gíslason verkefnastjóri Hönnunarmiðstöðvar segir mikinn feng fyrir íslenskt
hönnunarsamfélag að fá stórfyritæki eins og iittala og Artek á kaupstefnuna
DesignMatch á HönnunarMars. FRÉTTABLAÐIÐ/VALLI