Fréttatíminn - 18.11.2011, Qupperneq 31

fyrir tuttugu og fimm árum þegar
ég mætti ungur maður til leiks með
smásagnasafnið Níu lykla og get
ekki verið annað en þakklátur fyrir
þær móttökur sem ég fékk þá og
bækur mínar hafa fengið síðan. Það
eru óneitanlega forréttindi fyrir
íslenska höfunda að verk þeirra
fái þessa miklu athygli á síðustu
vikum ársins og að í dimmasta
skammdeginu séu það bækur sem
eigi þátt í að draga athyglina frá
myrkrinu. Útgáfan er miklu jafnari
yfir árið í Bandaríkjunum en á móti
kemur að bækur fá aldrei kynningu
og umfjöllun í líkingu við það sem
gerist á Íslandi og ná því ekki til
jafns breiðs hóps lesenda og þar.“
Þar sem Ólafur Jóhann hefur
aldrei verið með bók jafn lengi í
smíðum og Málverkið er hann aldrei
þessu vant þegar farinn að huga að
næstu bók og ætlar að hefjast handa
af alvöru fljótlega. „Næsta bók er
farin að mótast. Það gerist nú ekki
oft að ég sé kominn með eitthvað
nýtt í kollinn svo fljótt eftir útgáfu en
kannski er það vegna þess að ég var
svo skrambi lengi með Málverkið.
Þessi krefst líka undirbúningsvinnu
og ég er byrjaður á henni og vonast
svo til að fara að slá eitthvað inn upp
úr áramótum.“
Þórarinn Þórarinsson
toti@frettatiminn.is
Ólafur Jóhann er fjarri ströndum
jólabókaflóðsins á Íslandi og slakar á
í Central Park í New York að loknum
vinnudegi. Málverkið er komin af stað í
jólabókaflóðinu en kemur út í Banda-
ríkjunum í febrúar.
HEIMAVÖRN
NJÓTTU ÞESS AÐ VERA AÐ HEIMAN
Fólk er sjaldnast heima hjá sér þegar innbrot á sér stað. Með Heimavörn Securitas
er heimilið verndað allan sólarhringinn, allt árið um kring.
Hafðu samband í síma 580 7000 og fáðu heimsókn frá öryggisráðgjafa.
Nánari upplýsingar er einnig að finna á vefsíðu okkar, www.securitas.is.