Læknablaðið - 01.10.1977, Blaðsíða 83

LÆKNABLAÐIÐ
233
yrði á auknu eftirliti innan stéttarinnar,
og sönnun fyrir þörf á slíku eftirliti væri
m.a. það, hve mi'kið væri af utanaðkomandi
gagnrýni á starf læknastéttarinnar al-
mennt í þjóðfélaginu.
Þá var tekin fyrir spurning um, hvort
æskilegt væri að koma á einhvers konar
gæðaeftirliti með læknisstörfum og hvort
æskilegt væri að koma upp þá eins konar
siðanefndum fyrir heilbrigðisstofnanir eða
heilbrigðisstéttir. Bent var á í því sam-
bandi, að læknaráðim áttu í rauninni að
starfa sem slíkur aðili og það væri ekki
óeðlilegt og jafnvel kannski æskilegt, að
eiin af fastanefndum, sem læknaráðin skip-
uðu, væri einmitt siðanefnd fyrir viðkom-
andi heilbrigðisstofnun.
Þegar rætt var um hlutverk og starf-
semi þessarar væntanlegu siðanefndar, þá
benti einn þátttakandinn á, hvort þetta
yrði ekki svo mikið verkefni, að það reynd-
ist fullt starf, að fjalla um öll þau kæru-
mál, sem kynnu að berast nefndinni. Tals-
vert mikið var um það rætt, hvort siða-
nefnd ætti eingöngu að fjalla um þau mál,
sem til hennar væri vísað, eða hvort hún
ætti að eiga frumkvæði að því að taka
upp mál, þar sem fulltrúum siðanefndar
væri kunnugt um einhver meint afbrot.
Rætt var um ítrekaðar ásakanir á hendur
læknum í fjölmiðlum varðandi óhóflega
lyfseðlaskrift á róandi lyf og sölu á lyf-
seðlum í því sambandi. Kom fram, að það
væri áformað, að læknar fengju yfirlit
yfir útskrift lyfseðla á slíkum lyfjum.
Einn fulltrúinn benti á, hversu gott eft-
irlit væri imeð þessum hlutum á Húsavík,
og þ.á.m. hefðu reglulegir fundir lækn-
anna mikla þýðingu og sameiginlegt dag-
álakerfi skapaði gagnkvæmt eftirlit t.d. í
sambandi við útskrift á róandi lyfjum.
Fram kom, að heppilegt væri að fara
varlega af stað með skipun slíkrar nefndar
og ekki setja henni alltof ákveðnar reglur,
heldur hafa rúmar almennar reglur og sjá
síðan af reynslunni, hvers konar starfs-
vettvang heppilegast væri að einskorða
þessa nefnd við.
Þá kom fram sú athyglisverða hugmynd,
að leikmenn væru þátttakendur í þessari
nefnd, en í reglunum var gert ráð fyrir,
að lögfræðingur væri ritari nefndarinnar,
en með því að hafa einn eða fleiri leik-
menn skipaða í slíka nefnd, þá mundi það
gera þessa nefnd miklu trúverðugri aðila
gagnvart almenningi til þess að fjalla um
ákærur á hendur læknum. Einnig var
rædd sú hugmynd, hvort rétt væri, að
stjórnvöld skipuðu siðanefnd fyrir heil-
brigðisstéttir almennt. Rætt var um erfið-
leika á því að hafa leikmenn í slíkri nefnd,
þegar fjallað væri um læknisfræðileg at-
riði. Hins vegar var bent á, að slíkir leik-
menn þyrftu ekki að taka þátt í störfum
nefndarinnar, er fjallað væri um mál, er
snertu eiwgöngu lækna innbyrðis.
Lokaniðurstaða þessa umræðuhóps var,
að þörf væri á stofnun siðanefndar. Menn
voru í stórum dráttum sammála um það
starf, sem henni væri markað í áðurnefnd-
um starfsreglum. Hins vegar voru skiptar
skoðanir um, hvort skynsamlegt væri að
leikmenn væru þátttakendur í slíkri nefnd.
Það kom fram, að yfirstandandi aðalfund-
ur Læknafélags íslands mundi fjalla um
þetta uppkast að starfsreglum fyrir siða-
nefnd á væntanlegum fundi á morgun. Nú
væri yfirstandandi endurskoðun á lögum
L.í. og Codex Ethicus, og áformað væri að
afgreiða það mál endanlega á næsta ári.
Hannes Blöndal, prófessor, staðgengill
forseta læknadeildar, taldi æskilegt, að
læknasamtökin skrifuðu læ'knadeild og
færu þess á leit, að tekin yrði upp föst
kennsla í siðfræði í læknadeild.
ÞAGNARSKYLDA. VARÐVEIZLA
EINKAMÁLA SJÚKLINGS
Umræðustjóri: Ásmundur Brekkan.
Ritari: Jón G. Stefánsson.
Leiðbeinandi: Clarence Blomquist.
Lögfræðir'áðunautur: Magnús Thoroddsen.
Aðrir þátttakendur: Ársæll Jónsson,
Brynl. H. Steingr.son,
Tómas Helgason,
Ingibjörg Agnarsd.,
Sigþ. Ingimundard.,
Viðar Hjartarson,
Sigurst. Guðmundss.,
Jónína Guðmundsd.,
Guðmundur Sigurðss ,
Ólafur G. Guðmundss.,
Páll Sigurðsson,
Kristófer Þorleifsson.