Læknablaðið - 15.05.1988, Blaðsíða 60

220
LÆKNABLAÐIÐ
úti í bæ og þar af leiðandi valdið auknum
greiðslum til þeirra. Skúli G. Johnsen kvað í
fyrsta lagi vera meira af mikið veiku fólki á
sjúkrahúsunum nú og hugsanlega orðið
starfsfólki ofviða að vinna þar. í öðru lagi væri
menntunarstaða hjúkrunarfræðinga á íslandi
alveg makalaus og í þriðja lagi hugsuðu læknar í
stjórnunarstöðum ekki um hagsmuni
stofnunarinnar í heild og það leiddi til þess, að
aðrir tækju völdin þar. Pétur Lúðvigsson kvað
hér um flókið vandamál að ræða, sem
nauðsynlegt væri, að læknar tækju föstum tökum
og lagði til sérstakan fund L.í. um þetta mál.
Sverrir Bergmann kvað það rétt, að þetta mál
hefði ekki verið kannað og sagði, að tími lýðræðis
á sjúkrahúsum væri liðinn og í staðinn hefði
komið öngþveiti. Stjórnleysi ríkti hjá læknum, en
væri tekin einörð afstaða lækna gegn lokun, yrði
engum deildum lokað. Hann kvað þeim sviðum
innan spítalanna fjölga, sem lækna ætti ekkert að
varða um. Þar af leiðandi yrði heildarstjórnin
erfiðari.
Ólafur Ólafsson kvað okkur lækna eiga að geta
leyst þennan vanda. Læknar hefðu ávallt sýnt
skilningsleysi á því, þegar aðrar stéttir vildu læra
meira. Nú væru fleiri valkostir hjá ungu fólki.
Hann benti á, að íslendingar hefðu tiltölulega
marga hjúkrunarfræðinga miðað við aðrar
þjóðir. Magnús Líndal vildi benda á það, að
vaninn væri sterkur I þessu sambandi.
Var tillaga starfshópsins borin undir atkvæði og
samþykkt með öllum greiddum atkvæðum.
Þá voru ársreikningar teknir til atkvæðagreiðslu.
Engar fyrirspurnir bárust, og þeir voru
samþykktir með öllum greiddum atkvæðum.
Lögð var fram fjárhagsáætlun og auglýst eftir
fyrirspurnum, en engar bárust. Tillaga stjórnar
um árgjald fyrir næsta ár er kr. 25.000, þar af kr.
2.500 til svæðafélaga. Var hún samþykkt
samhljóða.
Stjórnarkjör
Þá var gengið til stjórnarkosningar. Ein tillaga
hafði borist frá stjórn L.Í.: Formaður til tveggja
ára:Haukur Þórðarson. Gjaldkeri til tveggja ára:
Sveinn Magnússon. Meðstjórnendur til eins árs:
Ari Jóhannesson, Gestur Þorgeirsson, Sigríður
Dóra Magnúsdóttir og Þorkell Bjarnason. Var
hún samþykkt með lófaklappi.
Lagt var til, að Einar Jónmundsson yrði
endurkjörinn endurskoðandi og Þengill Oddsson
varamaður hans. Var það samþykkt með
lófaklappi. Þá var kosið í Gerðardóm til tveggja
ára, og var tillaga stjórnar um Gunnlaug Snædal
og til vara Víking H. Arnórsson samþykkt
samhljóða.
Þá kvaddi sér hljóðs Atli Árnason, formaður
Læknafélags Austurlands, og bauð til aðalfundar
19.-21. ágúst 1988 á Egilsstöðum.
Önnur mál
Þá var komið að dagskrárliðnum »Önnur mál«,
og kvaddi formaður sér hljóðs og þakkaði traust
það, sem honum hefði verið sýnt með endurkjöri,
og þakkaði Arnóri Egilssyni störf í stjórn L.í.
Hann gerði að umtalsefni svæðafélög erlendis og
kvaðst sakna fulltrúa frá þeim. Lífsmark væri
með svæðafélögum í Svíþjóð, Norður-Ameríku
og Bretlandi, en ekkert hefði heyrst frá félaginu í
Vestur-Þýskalandi, og teldist það því ekki lengur
svæðafélag.
Þá var borin fram tillaga um yfirlýsingu um
stuðning við »Opið bréf til ríkisstjórnar og
alþingismanna um heilsuvernd og nauðsyn á að
draga úr heildarneyslu áfengis«.
Högni Óskarsson kvaddi sér hljóðs og taldi, að
frekar ætti að breyta neysluvenjum en endilega
heildarmagni áfengis, sem neytt væri. Guðjón
Magnússon kvað íslendinga, 15 ára og eldri,
drekka að meðaltali 4 lítra af hreinu alkóhóli á
ári. Markmið
Alþjóðaheilbrigðismálastofnunarinnar væri að
hver einstaklingur eldri en 15 ára drykki ekki
meira en 8 lítra á ári. Þessar tölur segðu sína sögu,
en hins vegar væru félagslegar afleiðingar
áfengisnotkunar meiri hér en víða annars staðar.
Gísli Auðunsson taldi áfengisneyslu meiri en
opinberar tölur segðu til um. Að minnsta kosti
bruggi margir í hans heimahéraði. Þá lagði Högni
Óskarsson til, að yfirlýsingin yrði samþykkt, en
hvatti um leið til, að læknafélögin tækju afstöðu
í áfengismálum almennt.
Var þá gengið til atkvæða og yfirlýsingin
samþykkt með öllum greiddum atkvæðum.
Þá tók formaður til máls og kynnti skýrslu frá
Viðari Hjartarsyni um möguleika íslenskra lækna
til framhaldsnáms. Hafði skýrslan verið send
FUL til frekari umræðu og auk þess kynnt i
Fréttabréfi lækna. Þá hefðu komið fram
leiðbeiningar um kjör og störf trúnaðarlækna,
sem væru unnar af nefnd á vegum L.R., og yrðu
þær kynntar í Fréttabréfinu.