Læknablaðið - 15.01.1991, Blaðsíða 52

42
LÆKNABLAÐIÐ
ráðuneytið um þessi mál hefur verið vaxandi
á síðasta áratug. Hefur Hjartavemd tekið
að sér samvinnuverkefni við Alþjóðaheil-
brigðisstofnunina fyrir atbeina ráðuneytisins.
9.7 Manneldismál: A síðustu þremur
ámm hefur verið lögð sérstök áhersla
á manneldismál í ráðuneytinu. Nefnd
starfaði að samningu manneldismarkmiða
í samvinnu við Manneldisráð sem lögum
samkvæmt er ráðgjafar- og framkvæmdaaðili
í þessum málafiokki. Vorið 1989 var
samþykkt á Alþingi sérstök þingsályktun
um manneldismarkmið og ráðherra hefur
farið á heilsugæslustöðvar ásamt fulltrúum
Manneldisráðs til að kynna þessa áætlun.
9.8 Cindi-verkefnið: A árinu 1983 var ákveðið
að ísland gerðist aðili að samvinnuverkefni
Alþjóðaheilbrigðisstofnunarinnar um
sérstakt forvamaverkefni þar sem reynt var
að tengja saman forvamir gegn mörgum
sjúkdómum samtímis sem höfðu sameiginlega
áhættuþætti. Reynt hefur verið að fá marga
aðila í þjóðfélaginu til samvinnu um þetta
verkefni, svo sem félagasamtök og ráðuneyti.
Aframhald þessa verks verður að fá starfslið
heilsugæslustöðva til samvinnu um verkefnið.
10. HEILBRIGÐISÁÆTLUN
í lok síðasta áratugs ákvað Alþjóðaheilbrigðis-
stofnunin að setja sér ákveðin markmið
í heilbrigðismálum fram til ársins 2000.
Nokkum tíma tók að ná samstöðu
á alþjóðavettvangi um þetta mál en
Evrópusvæði Alþjóðaheilbrigðisstofnunarinnar
samþykkti fyrir sitt leyti áætlun hér að
lútandi árið 1984. Þar er gert ráð fyrir að
þjóðir Evrópu geri sér heilbrigðisáætlun
í samræmi við þær megináherslur sem
Alþjóðaheilbrigðisstofnunin lagði. I
ársbyrjun árið 1986 var sett á stofn nefnd
embættismanna til að vinna að slíkri áætlun
fyrir Island. Nefndin skilaði tillögum í
ársbyrjun 1987. Þáverandi heilbrigðisráðherra
kynnti drög að heilbrigðisáætlun fyrir Alþingi
vorið 1987.
Núverandi heilbrigðisráðherra lét ræða
áætlunina á heilbrigðisþingi snemma árs
1988 og lagði hana síðan fram á Alþingi sem
þingsályktunartillögu árið 1989. Alþingi vildi
ekki afgreiða tillöguna og vísaði henni til
ríkisstjómarinnar vorið 1990. Ekki er afráðið
með hvaða hætti verður farið með málið. Þess
má vænta, að annað hvort muni ríkisstjómin
fyrir sitt leyti afgreiða áætlunina sem sína
ályktun eða hún verði endurskoðuð og lögð
að nýju fyrir Alþingi.
í þessari áætlun er tekið á flestum þáttum
heilbrigðismála og gerð grein fyrir með hvaða
hætti á að vinna að þeim á næsta áratug til að
ná fram þeim markmiðum í heilbrigðismálum
sem Alþjóðaheilbrigðisstofnunin hefur sett
þjóðum heims að ná fyrir aldamót.
11. NEFNDIR SAMKVÆMT LÖGUM
11.1 Lyfjanefnd starfar samkvæmt lyfjalögum.
Hlutverk nefndarinnar er að gera tillögur
til ráðherra um skráningu sérlyfja, flokkun
lyfja, framleiðsluforskriftir, gerð lyfseðla og
afgreiðslu lyfja, merkingu og auglýsingar,
bann við sölu og innflutningi lyfja, veitingu
leyfa til tilrauna og prófana með óskráð
lyf. Lyfjanefnd er ásamt landlækni og
Lyfjaeftirliti ríkisins aðalráðgjafi ráðuneytisins
í lyfjamálum. Formaður lyfjanefndar
er Sigurður B. Þorsteinsson, læknir og
skrifstofustjóri Guðbjörg Kristinsdóttir,
aðstoðarlyfjafræðingur.
11.2 Lyfjaverðlagsnefnd starfar samkvæmt
lyfjalögum. Hlutverk nefndarinnar er að
ákveða grundvöll heildsölu og smásölu
lyfja og annað það er ákvarðar lyfjaverð.
Ákvörðun lyfjaverðlagsnefndar um
lyfjaverð er bindandi ef nefndin er
sammála, annars sker ráðherra úr. Formaður
lyfjaverðlagsnefndar er nú Guðmundur
Sigurðsson, viðskiptafræðingur og starfsmaður
hennar er Guðrún Eyjólfsdóttir, lyfjafræðingur.
11.3 Daggjaldanefnd sjúkrahúsa starfar
samkvæmt lögum um almannatryggingar og
hefur það hlutverk að ákveða daggjöld fyrir
sjúkrahús og öldrunarstofnanir og gjaldskrár.
Fulltrúar í nefndina eru tilnefndir af Sambandi
íslenskra sveitarfélaga, Tryggingastofnun
ríkisins, Landsambandi sjúkrahúsa, fjármála-,
og heilbrigðis- og tryggingamálaráðuneytum.
Formaður nefndarinnar er Páll Sigurðsson,
ráðuneytisstjóri, en starfsmaður nefndarinnar,
Þórir Á. Olafsson, hagfræðingur, lést á þessu
sumri.
11.4 Manneldisráð á lögum samkvæmt að
vera sérstök stofnun en hefur aldrei fengið